ନେପାଳରେ ବୁଧବାର ହୋଇଥିବା ଭୟଙ୍କର ଫ୍ଲାସ୍ ଫ୍ଲଡ୍ ପରେ ଅନେକ ଭାରତୀୟ ପର୍ଯ୍ୟଟକ ନିଖୋଜ ଥିବା ଖବର ଆସିଛି। ଏହି ନିଖୋଜଙ୍କ ମଧ୍ୟରେ ଓଡ଼ିଶାର ଖୋର୍ଦ୍ଧା ଜିଲ୍ଲାର ଦୁଇ ଜଣ ଥିବା ଜଣାପଡ଼ିଛି।
ନିଖୋଜ ଦୁଇ ପର୍ଯ୍ୟଟକଙ୍କୁସନ୍ଦୀପ ମହାପାତ୍ର ଓ ତାଙ୍କ ପତ୍ନୀ ସିଦ୍ଧାର୍ଥୀ କୁମାରୀ ସାହୁବୋଲି ଚିହ୍ନଟ କରାଯାଇଛି। ସେମାନେ ନେପାଳ ଯାଇଥିବା ବେଳେ ବନ୍ୟା ପରେ ସେମାନଙ୍କ ସହ ଯୋଗାଯୋଗ ହୋଇପାରୁନଥିବା ଜଣାପଡ଼ିଛି।
ନେପାଳରେ ଓଡ଼ିଆଙ୍କ ସ୍ଥିତି ସମ୍ପର୍କରେ ସୂଚନା ସଂଗ୍ରହ ଓ ସହାୟତା ପାଇଁ ଓଡ଼ିଶା ସରକାର ନୂଆଦିଲ୍ଲୀସ୍ଥିତଓଡ଼ିଶା ନିବାସରେ ୨୪x୭ କଣ୍ଟ୍ରୋଲ୍ ରୁମ୍ସକ୍ରିୟ କରିଛନ୍ତି।
ଓଡ଼ିଶା ପରିବାର ନିର୍ଦ୍ଦେଶାଳୟର OSD ପ୍ରିତିଶ ପଣ୍ଡାଙ୍କ କହିବା ଅନୁସାରେ, ରାଜ୍ୟ ସରକାର ହେଲ୍ପଲାଇନ୍ ନମ୍ବର ଜାରି କରିବା ପରେ ଖୋର୍ଦ୍ଧାର ଦୁଇ ଜଣ ବ୍ୟକ୍ତି ନେପାଳରେ ନିଖୋଜ ଥିବା ନେଇ ସୂଚନା ମିଳିଥିଲା। ଏହାପରେ ସେମାନଙ୍କ ପରିବାର ସହ ଯୋଗାଯୋଗରେ ରହି ସମସ୍ତ ତଥ୍ୟ ସଂଗ୍ରହ କରାଯାଉଛି ଏବଂ ଭାରତୀୟ ଦୂତାବାସକୁ ସୂଚନା ପଠାଯାଉଛି।
ନେପାଳରେ ଥିବା ଓଡ଼ିଆଙ୍କ ସମ୍ପର୍କରେ ସୂଚନା ଦେବା କିମ୍ବା ନିଖୋଜ ବ୍ୟକ୍ତିଙ୍କ ସମ୍ପର୍କରେ ଅପଡେଟ୍ ପାଇବା ପାଇଁ ପରିଜନମାନେ ଏହି ହେଲ୍ପଲାଇନ୍ ନମ୍ବରରେ ଯୋଗାଯୋଗ କରିପାରିବେ:
+977 9851316807+977 9709107500
ନେପାଳରେ ପ୍ରବଳ ବର୍ଷା ଓ ନଦୀର ଜଳସ୍ତର ବୃଦ୍ଧି ଯୋଗୁଁ ଅନେକ ଅଞ୍ଚଳ ପ୍ରଭାବିତ ହୋଇଛି। ଫ୍ଲାସ୍ ଫ୍ଲଡ୍ ଯୋଗୁଁ ଜନଜୀବନ ବ୍ୟାହତ ହେବା ସହ ବ୍ୟାପକ କ୍ଷୟକ୍ଷତି ହୋଇଥିବା ଖବର ମିଳିଛି।
ଭୂତତ୍ତ୍ୱ ସର୍ବେକ୍ଷଣ ଭାରତ (GSI)ର ପୂର୍ବତନ ଉପ ମହାନିର୍ଦ୍ଦେଶକ ଡ. ସୁବ୍ରାଂଶୁ ଭୂଷଣ ରାୟଙ୍କ ଅନୁସାରେ,୪୦୦ରୁ ଅଧିକ ଲୋକଙ୍କ ସମ୍ପର୍କରେ ଏପର୍ଯ୍ୟନ୍ତ ସୂଚନା ମିଳୁନାହିଁ।ଭୋଟେ କୋଶୀ ନଦୀ ପ୍ରବଳ ବେଗରେ କାଦୁଅ ଓ ଆବର୍ଜନା ବୋହିନେଇ ବ୍ୟାପକ ବିନାଶ ଘଟାଇଛି। ଏଥିରେ୧୧ଟି ପାୱାର ପ୍ଲାଣ୍ଟ, ୨୫ଟି ସାଟେଲାଇଟ୍ ଟାୱାର ଓ ୧୯ଟି ବ୍ରିଜ୍ସମ୍ପୂର୍ଣ୍ଣ ଧୋଇଯାଇଥିବା କୁହାଯାଇଛି।
ନେପାଳରେ ନିଖୋଜ ଭାରତୀୟ ପର୍ଯ୍ୟଟକଙ୍କ ସଂଖ୍ୟା୧୩୩ବୋଲି ରିପୋର୍ଟ ଆସିଥିବା ବେଳେ, ନିଖୋଜ ଥିବା ସମସ୍ତଙ୍କୁ ଠାବ କରିବା ପାଇଁ ଉଦ୍ଧାର ଓ ତଲାସୀ ଅଭିଯାନ ଜାରି ରହିଛି। ଖୋର୍ଦ୍ଧାର ନିଖୋଜ ଦମ୍ପତିଙ୍କ ସମ୍ପର୍କରେ ଆହୁରି ତଥ୍ୟ ମିଳିବା ଅପେକ୍ଷାରେ ରହିଛି।
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ଭାରତୀୟ କ୍ରିକେଟ୍‌ ଟିମ୍‌ ସହ ଯୋଡ଼ିହୋଇଛି ୩ଟି...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
କନିଷ୍ଠ ଏସିଆ କପ୍‌ ହକିରେ ଭାରତୀୟ ଯୁବ ଦଳର ଦମଦାର ପ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ପାକିସ୍ତାନ କ୍ରିକେଟ୍‌ ଟିମ୍‌ର ଖରାପ ପ୍ରଦର୍ଶନ...
ଅଷ୍ଟ୍ରେଲିଆ ଏ’ ବିପକ୍ଷରେ ଆସନ୍ତା ଘରୋଇ ସିରିଜ୍ ପା...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
