ଭାରତୀୟ କ୍ରିକେଟ୍ ଟିମ୍ ସହ ଯୋଡ଼ିହୋଇଛି ୩ଟି ବଡ଼ ବ୍ରାଣ୍ଡ୍। ଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ (BCCI) ଆଗାମୀ ଘରୋଇ ସିରିଜ୍ ପାଇଁ କ୍ୟାମ୍ପା କୋଲା, SBI ଲାଇଫ୍ ଏବଂ ChatGPTକୁ ଆସୋସିଏଟ୍ ପାର୍ଟନର ଭାବେ ଚୟନ କରିଛି।
ଏହି ନୂଆ ପାର୍ଟନରଶିପ୍ ଚୁକ୍ତି ମାର୍ଚ୍ଚ ୨୦୨୮ ପର୍ଯ୍ୟନ୍ତ ବଳବତ୍ତର ରହିବ। ଏହି ଅବଧି ମଧ୍ୟରେ ମୋଟ ୩୫ଟି ମ୍ୟାଚ୍ରେ ଏହି ୩ଟି ବ୍ରାଣ୍ଡ୍ ଟିମ୍ ଇଣ୍ଡିଆର ଆସୋସିଏଟ୍ ପାର୍ଟନର ଭାବେ ରହିବେ।
ପୂର୍ବରୁ BCCIର ଆସୋସିଏଟ୍ ପାର୍ଟନରଶିପ୍ ଚୁକ୍ତି ଅଗଷ୍ଟ ୨୦୨୬ରେ ଶେଷ ହୋଇଥିଲା। ଏହା ପରେ ଜୁଲାଇରେ ନୂଆ ଟାଇଟଲ୍ ସ୍ପନ୍ସର ଏବଂ ଆସୋସିଏଟ୍ ପାର୍ଟନର ପାଇଁ ବୋର୍ଡ ପକ୍ଷରୁ ବିଡ୍ ଆହ୍ୱାନ କରାଯାଇଥିଲା। ଏଥିରେ ଭାରତୀୟ ଦଳର ଅନ୍ତର୍ଜାତୀୟ ମ୍ୟାଚ୍ ସହ ରଣଜୀ ଟ୍ରଫି ଭଳି ଘରୋଇ ପ୍ରତିଯୋଗିତା ମଧ୍ୟ ସାମିଲ ଥିଲା।
ଆସୋସିଏଟ୍ ପାର୍ଟନର ଅଧିକାର ପାଇଁ ସବୁଠାରୁ ଅଧିକ ବିଡ୍ କ୍ୟାମ୍ପା କୋଲା ଦେଇଛି। ରିଲାଏନ୍ସ ଇଣ୍ଡଷ୍ଟ୍ରିଜ୍ ଅଧୀନରେ ଥିବା ଏହି ବ୍ରାଣ୍ଡ୍ ପ୍ରତି ମ୍ୟାଚ୍ ପାଇଁ ୧.୩୧ କୋଟି ଟଙ୍କା ଦେବ।
ସେହିପରି SBI ଲାଇଫ୍ ଏବଂ ChatGPT ପ୍ରତ୍ୟେକ ମ୍ୟାଚ୍ ପାଇଁ ୧.୨୦ କୋଟି ଟଙ୍କା ଲେଖାଏଁ ବିଡ୍ କରିଛନ୍ତି। ୩୫ଟି ମ୍ୟାଚ୍ ପାଇଁ BCCIକୁ ମୋଟ ୧୨୯.୮୫ କୋଟି ଟଙ୍କା ମିଳିବ ବୋଲି ରିପୋର୍ଟରେ କୁହାଯାଇଛି।
କ୍ୟାମ୍ପା କୋଲାକୁ ବିସଲେରୀ ଏବଂ ଇଣ୍ଡିଆନ୍ ଅଏଲ୍ କର୍ପୋରେସନ୍ ପକ୍ଷରୁ ମଧ୍ୟ ପ୍ରତିଦ୍ୱନ୍ଦ୍ୱିତା ମିଳିଥିଲା। ଉଭୟ କମ୍ପାନୀ ପ୍ରତି ମ୍ୟାଚ୍ ପାଇଁ ୧.୨୦ କୋଟି ଟଙ୍କାର ବିଡ୍ ଦେଇଥିଲେ।
ଆସୋସିଏଟ୍ ପାର୍ଟନର ହୋଇଥିଲେ ମଧ୍ୟ ଏହି ୩ଟି ବ୍ରାଣ୍ଡ୍ର ନାଁ କିମ୍ବା ଲୋଗୋ ଟିମ୍ ଇଣ୍ଡିଆର ଜର୍ସିରେ ଦେଖିବାକୁ ମିଳିବ ନାହିଁ। ଜର୍ସିରେ ସାଧାରଣତଃ ଟାଇଟଲ୍ ସ୍ପନ୍ସରଙ୍କ ନାଁ ରହିଥାଏ।
ବର୍ତ୍ତମାନ ଟିମ୍ ଇଣ୍ଡିଆର ମୁଖ୍ୟ ସ୍ପନ୍ସର ଭାବେ ଆପୋଲୋ ଟାୟାର୍ସ ରହିଛି। ଅନ୍ୟପକ୍ଷରେ ଆସୋସିଏଟ୍ ପାର୍ଟନରମାନଙ୍କ ଲୋଗୋ ମ୍ୟାଚ୍ ସମୟରେ ଟିଭି ଗ୍ରାଫିକ୍ସ, ବାଉଣ୍ଡାରୀ କୁଶନ୍ ଏବଂ ଷ୍ଟାଡିୟମ୍ର ବିଭିନ୍ନ ପ୍ରମୁଖ ସ୍ଥାନରେ ପ୍ରଦର୍ଶିତ ହେବ।
ଟିମ୍ ଇଣ୍ଡିଆର ପରବର୍ତ୍ତୀ ଘରୋଇ ସିରିଜ୍ ୱେଷ୍ଟଇଣ୍ଡିଜ୍ ବିପକ୍ଷରେ ହେବ। ସେପ୍ଟେମ୍ବର ୨୭ରୁ ୱେଷ୍ଟଇଣ୍ଡିଜ୍ ଭାରତ ଗସ୍ତରେ ଆସିବ। ଦୁଇ ଦଳ ମଧ୍ୟରେ ୩ଟି ଦିନିକିଆ ଏବଂ ୫ଟି ଟି-୨୦ ମ୍ୟାଚ୍ ଖେଳାଯିବ।
ବୁଲଗେରିଆର ଭବିଷ୍ୟଦ୍ରଷ୍ଟା ବାବା ଭେଙ୍ଗାଙ୍କ ନାମରେ ୨୦୨୭କ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଭୁବନେଶ୍ୱର: ଓଡ଼ିଶାରେ ସ୍କ୍ରବ୍ ଟାଇଫସ୍‌କୁ ନେଇ ସ୍ୱ...
ବିଶ୍ୱର ସର୍ବାଧିକ ଦରମା ପାଉଥିବା ସରକାରୀ ନେତାମାନଙ୍କ ମଧ୍...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ଅଞ୍ଚଳରେ ଜଣ୍ଡିସ ବା ହ...
ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ (BSE) ପକ୍ଷରୁ ଓଡ଼ିଶା ଶ...
ପୁରୀ ଜିଲ୍ଲା ସାକ୍ଷୀଗୋପାଳ କମ୍ୟୁନିଟି ହେଲ୍ଥ ସେଣ୍ଟର (CH...
ଆମେରିକା ଓ ଇରାନ ମଧ୍ୟରେ ଚାଲିଥିବା ତିକ୍ତତା ଏବେ ଆହୁରି ଭ...
ବ୍ରିଟେନରେ ବିମାନ ଚଳାଚଳ ବ୍ୟବସ୍ଥାରେ ବଡ଼ ଧରଣର ବିଭ୍ରାଟ...
