ଅଷ୍ଟ୍ରେଲିଆ ଗସ୍ତରେ ଥିବା ପ୍ରଧାନମନ୍ତ୍ରୀନରେନ୍ଦ୍ର ମୋଦୀଇରାନ ଓ ଆମେରିକା ମଧ୍ୟରେ ବଢ଼ୁଥିବା ସାମରିକ ଉତ୍ତେଜନାକୁ ନେଇ ଶାନ୍ତିର ବାର୍ତ୍ତା ଦେଇଛନ୍ତି। ଅଷ୍ଟ୍ରେଲିଆ ପ୍ରଧାନମନ୍ତ୍ରୀଆଣ୍ଟୋନି ଆଲବାନିଜଙ୍କ ସହ ଆଲୋଚନା ପରେ ସେ ଉଭୟ ଦେଶକୁ ସଂଯମ ରକ୍ଷା କରିବା ଏବଂ ବିବାଦର ସମାଧାନ ପାଇଁ କୂଟନୀତିକ ପଦକ୍ଷେପ ଗ୍ରହଣ କରିବାକୁ ଆହ୍ୱାନ କରିଛନ୍ତି।

ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଚାଲିଥିବା ଆକ୍ରମଣ ଓ ଅସ୍ତ୍ରବିରତି ଭଙ୍ଗ ଭଳି ପରିସ୍ଥିତି ଆହୁରି ଗମ୍ଭୀର ସଙ୍କଟ ସୃଷ୍ଟି କରିପାରେ। ତେଣୁ ସମସ୍ତ ପକ୍ଷ ଉତ୍ତେଜନା କମାଇବା, ସାଧାରଣ ନାଗରିକଙ୍କ ସୁରକ୍ଷା ସୁନିଶ୍ଚିତ କରିବା ଏବଂ ଶକ୍ତି ଯୋଗାଣ ଓ ବିଶ୍ୱ ବାଣିଜ୍ୟକୁ ସୁରକ୍ଷିତ ରଖିବା ଦିଗରେ ପଦକ୍ଷେପ ନେବା ଆବଶ୍ୟକ।

ମୋଦୀ ଏବଂ ଆଲବାନିଜ ମିଳିତ ଭାବେ କହିଛନ୍ତି ଯେ, କୌଣସି ବିବାଦର ସ୍ଥାୟୀ ସମାଧାନ ଯୁଦ୍ଧ ନୁହେଁ, ବରଂ ଆଲୋଚନା, ସଂଳାପ ଏବଂ କୂଟନୀତି ମାଧ୍ୟମରେ ସମ୍ଭବ। ଉଭୟ ନେତା ମଧ୍ୟପ୍ରାଚ୍ୟରେ ଶାନ୍ତି ଓ ସ୍ଥିରତା ବଜାୟ ରଖିବା ଉପରେ ଜୋର ଦେଇଛନ୍ତି।

ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ, ଭାରତ ଏବଂ ଅଷ୍ଟ୍ରେଲିଆ ଆତଙ୍କବାଦକୁ ସମଗ୍ର ମାନବଜାତି ପାଇଁ ଏକ ବଡ଼ ବିପଦ ବୋଲି ବିଶ୍ୱାସ କରନ୍ତି। ତେଣୁ ଆତଙ୍କବାଦ ବିରୋଧରେ ଉଭୟ ଦେଶର ସହଯୋଗ ଆହୁରି ସୁଦୃଢ଼ ହେବ।

ସେ କହିଛନ୍ତି ଯେ, ଭାରତ ଓ ଅଷ୍ଟ୍ରେଲିଆ ମିଳିତ ଭାବେ ଭାରତ-ପ୍ରଶାନ୍ତ ଅଞ୍ଚଳରେ ଶାନ୍ତି, ସ୍ଥିରତା, ନୌଚାଳନର ସ୍ୱାଧୀନତା ଏବଂ ନିୟମ-ଆଧାରିତ ଆନ୍ତର୍ଜାତିକ ବ୍ୟବସ୍ଥାକୁ ଆହୁରି ମଜବୁତ କରିବା ଦିଗରେ କାର୍ଯ୍ୟ କରିବେ।