ଓଡ଼ିଶା-ଛତିଶଗଡ଼ ସୀମା ନିକଟ ମାଲକାନଗିରି ଜିଲ୍ଲାରେ ସୁରକ୍ଷାବାହିନୀକୁ ବଡ଼ ସଫଳତା ମିଳିଛି। ମାଥିଲି ଥାନା ଅଧୀନ କିରିମିଟି ଓ କଦଭଟା ଜଙ୍ଗଲରେ ମାଟି ତଳେ ପୋତା ହୋଇଥିବା ଏକ ମାଓବାଦୀ ଡମ୍ପ ଠାବ କରାଯାଇଛି।
ଆତ୍ମସମର୍ପଣ କରିଥିବା ଜଣେ ମାଓବାଦୀଙ୍କଠାରୁ ମିଳିଥିବା ସୂଚନା ଆଧାରରେ District Voluntary Force (DVF) ଯବାନମାନେ ଏହି ଅଞ୍ଚଳରେ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ। ଅପରେସନ୍ ସମୟରେ ଜଙ୍ଗଲ ଭିତରେ ଲୁଚାଇ ରଖାଯାଇଥିବା ଡମ୍ପର ସନ୍ଧାନ ମିଳିଥିଲା।
ଡମ୍ପରୁ ୩ଟି ଦେଶୀ ବନ୍ଧୁକ, ଟିଫିନ୍ ବୋମା, କେବୁଲ୍ ମାଇନ୍, IED ସମେତ ମାଓବାଦୀମାନଙ୍କ ଦୈନନ୍ଦିନ କାର୍ଯ୍ୟରେ ବ୍ୟବହୃତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି।
ମାଲକାନଗିରି ଏସ୍ପି ବିନୋଦ ପାଟିଲ୍ କହିଛନ୍ତି ଯେ, ଆତ୍ମସମର୍ପଣ କରିଥିବା ମାଓବାଦୀଙ୍କୁ ପଚରାଉଚରା ବେଳେ ଡମ୍ପର ସ୍ଥାନ ସମ୍ପର୍କରେ ସୂଚନା ମିଳିଥିଲା। ସେହି ଇନପୁଟ୍ ଆଧାରରେ ସୁରକ୍ଷାବାହିନୀ ଅପରେସନ୍ କରି ଏହି ସାମଗ୍ରୀ ଜବତ କରିଛି।
ଆତ୍ମସମର୍ପଣ କରୁଥିବା ମାଓବାଦୀମାନଙ୍କଠାରୁ ମିଳୁଥିବା ସୂଚନା ଆଧାରରେ ଆଗାମୀ ଦିନରେ ମଧ୍ୟ ଅଞ୍ଚଳରେ ଅପରେସନ୍ ଜାରି ରହିବ ବୋଲି ଏସ୍ପି ସୂଚନା ଦେଇଛନ୍ତି।
ଏପଟେ, ଜବତ ହୋଇଥିବା ବିସ୍ଫୋରକ ଓ ଅନ୍ୟାନ୍ୟ ସାମଗ୍ରୀ ବ୍ୟତୀତ ଜଙ୍ଗଲ ଅଞ୍ଚଳରେ ଆଉ କୌଣସି ମାଓବାଦୀ ଡମ୍ପ କିମ୍ବା ବିସ୍ଫୋରକ ଲୁଚାଇ ରଖାଯାଇଛି କି ନାହିଁ, ସେଥିପାଇଁ ସୁରକ୍ଷାବାହିନୀ ପକ୍ଷରୁ ଅଧିକ ତଲାସୀ ଅଭିଯାନ ଚାଲିଛି।
ଆପଣଙ୍କ ଇନକମ୍ ଟ୍ୟାକ୍ସ ରିଟର୍ଣ୍ଣ (ITR), EPFO/UAN ଓ PA...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ଭାରତରେ ପିଆଜ ଉତ୍ପାଦନ ଦେଶର ଆବଶ୍ୟକତାଠାରୁ ଅଧିକ ଥିଲେ ମଧ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
ଆମେରିକା ଓ କାନାଡା ମଧ୍ୟରେ ଚାଲିଥିବା ବାଣିଜ୍ୟ ଯୁଦ୍ଧ ଏବେ...
