Android ବ୍ୟବହାରକାରୀଙ୍କ ପାଇଁ ଏକ ନୂଆ ମାଲୱେର୍‌କୁ ନେଇ ସୁରକ୍ଷା ଗବେଷକମାନେ ଚେତାବନୀ ଜାରି କରିଛନ୍ତି। ‘Mantax Otax’ ନାମକ ଏହି ମାଲୱେର୍‌ ଫୋନ୍‌ରୁ OTP ଚୋରି କରିବା, WhatsApp ଓ Telegram ଚାଟ୍‌ ଦେଖିବା, ଡିଭାଇସ୍‌ର ନିୟନ୍ତ୍ରଣ ନେବା ଏବଂ ଉପଭୋକ୍ତାଙ୍କୁ ଭୟଭୀତ କରିବା ଭଳି କାମ କରିପାରେ ବୋଲି ମୋବାଇଲ୍‌ ସୁରକ୍ଷା ସଂସ୍ଥା Zimperiumର ଗବେଷକମାନେ କହିଛନ୍ତି।

ଗବେଷକଙ୍କ ଅନୁଯାୟୀ, Mantax Otax ଏକ ସାଧାରଣ Android ମାଲୱେର୍‌ ନୁହେଁ। ଏଥିରେ ransomware, spyware ଏବଂ remote-control କ୍ଷମତା ରହିଥିବା ଦାବି କରାଯାଇଛି। ଏହି ମାଲୱେର୍‌ Google Play Store ବାହାରେ ଥିବା ତୃତୀୟ ପକ୍ଷ file-sharing ପ୍ଲାଟଫର୍ମରେ ମିଳୁଥିବା ଦୁଷ୍ଟ APK ଫାଇଲ୍‌ ମାଧ୍ୟମରେ ବିସ୍ତାର କରାଯାଉଥିବା ଜଣାପଡ଼ିଛି। Phishing link, messaging platform ଏବଂ social-engineering ମାଧ୍ୟମରେ ମଧ୍ୟ ଉପଭୋକ୍ତାଙ୍କୁ APK ଡାଉନଲୋଡ୍‌ କରାଯାଉଥିବା ଗବେଷକମାନେ କହିଛନ୍ତି।

ଫୋନ୍‌ରେ ଇନ୍‌ଷ୍ଟଲ୍‌ ହେବା ପରେ Mantax Otax Accessibility access ଏବଂ device administrator privilege ଭଳି ଶକ୍ତିଶାଳୀ permission ମାଗିପାରେ। ଏହି permission ମିଳିଗଲେ ମାଲୱେର୍‌ ଉପଭୋକ୍ତାଙ୍କ ଅଜାଣତରେ ଫୋନ୍‌ରେ ବିଭିନ୍ନ କାର୍ଯ୍ୟ କରିପାରେ। ଏହା ଆକ୍ରମଣକାରୀଙ୍କ server ସହ ଯୋଡ଼ି ଫୋନ୍‌ର Android version, location ଏବଂ ଅନ୍ୟାନ୍ୟ device information ପଠାଇପାରେ ବୋଲି ଦାବି କରାଯାଇଛି।

OTP ଚୋରି ସହ WhatsApp ଓ Telegram ଉପରେ ନଜର

Mantax Otaxର spyware କ୍ଷମତାକୁ ନେଇ ବିଶେଷ ଚିନ୍ତା ପ୍ରକାଶ କରାଯାଇଛି। ଗବେଷକଙ୍କ ଅନୁଯାୟୀ, ଏହା SMS notification ପଢ଼ିପାରେ। ଏଥିରେ OTP ଥିବା SMS ମଧ୍ୟ ସାମିଲ। ଏହା ସହ call logs, contacts, browser history, installed apps, location information ଏବଂ Google account details ଭଳି ତଥ୍ୟ ମଧ୍ୟ ସଂଗ୍ରହ କରିପାରେ।

ଏହି ମାଲୱେର୍‌ WhatsApp ଓ Telegram ଭଳି chat appକୁ ମଧ୍ୟ ଟାର୍ଗେଟ୍‌ କରିପାରେ। Android Accessibility featureର ଦୁରୁପଯୋଗ କରି ଏହା ଉପଭୋକ୍ତାଙ୍କ ଭଳି ବ୍ୟବହାର କରି WhatsApp profile information ଓ messages ସହ Telegram chats ଚୋରି କରିପାରେ ବୋଲି ଗବେଷକମାନେ କହିଛନ୍ତି।

ଏହା ସହିତ MediaProjection feature ବ୍ୟବହାର କରି ଫୋନ୍‌ର screenshot ନେବା, screen recording କରିବା ଏବଂ live activity stream କରିବା ଭଳି କାର୍ଯ୍ୟ ମଧ୍ୟ କରିପାରେ। ଏପରିକି front କିମ୍ବା rear camera ମାଧ୍ୟମରେ ଗୁପ୍ତ ଭାବେ ଫଟୋ ଉଠାଇ ଆକ୍ରମଣକାରୀଙ୍କୁ ପଠାଇପାରେ ବୋଲି ରିପୋର୍ଟରେ କୁହାଯାଇଛି।

ଭୟଭୀତ କରିବା ପାଇଁ ମଧ୍ୟ ବ୍ୟବହାର କରିପାରେ

Mantax Otax v2ରେ ଉପଭୋକ୍ତାଙ୍କୁ ହଇରାଣ ଓ ଭୟଭୀତ କରିବା ପାଇଁ କିଛି ବିଶେଷ feature ଥିବା Zimperium ଗବେଷକମାନେ ଚିହ୍ନଟ କରିଛନ୍ତି। ଏହା ବାରମ୍ବାର pop-up dialogue ଦେଖାଇବା, full-screen video ଚଳାଇବା ଏବଂ ହଠାତ୍‌ jumpscare-style image ଦେଖାଇପାରେ। ଏହା ସହ ଫୋନ୍‌ର speaker ମାଧ୍ୟମରେ text-to-speech message ମଧ୍ୟ remotely ଚଳାଇପାରେ।

ନୂଆ version ଫୋନ୍‌ର screen accessକୁ block କରି ଉପଭୋକ୍ତାଙ୍କୁ ଜଣେ ‘administrator’ ସହ ଯୋଗାଯୋଗ କରିବାକୁ କହିପାରେ ବୋଲି ଗବେଷକମାନେ ଦାବି କରିଛନ୍ତି।

କେଉଁ Android ଫୋନ୍‌ ଅଧିକ ବିପଦରେ?

ଗବେଷକଙ୍କ ଅନୁଯାୟୀ, Mantax Otaxର ransomware feature ମୁଖ୍ୟତଃ Android 9 କିମ୍ବା ଏହାଠାରୁ ପୁରୁଣା version ଚଳାଉଥିବା ଫୋନ୍‌କୁ ଅଧିକ ପ୍ରଭାବିତ କରିପାରେ। ଏହି ଫୋନ୍‌ଗୁଡ଼ିକର shared storage access ମାଧ୍ୟମରେ ଫଟୋ, video ଓ document ଭଳି fileକୁ encrypt କରିପାରେ।

Android 10 ଏବଂ ଏହାଠାରୁ ନୂଆ versionରେ storage restriction ଥିବାରୁ ransomware featureର ପ୍ରଭାବ କମିପାରେ। ତେବେ ନୂଆ Android ଫୋନ୍‌ଗୁଡ଼ିକ ମଧ୍ୟ spyware featureରୁ ସମ୍ପୂର୍ଣ୍ଣ ସୁରକ୍ଷିତ ନୁହେଁ ବୋଲି ଚେତାବନୀ ଦିଆଯାଇଛି।

ଗବେଷକମାନେ ମାଲୱେର୍‌ର ଅପରେଟରମାନେ ଇଣ୍ଡୋନେସିଆର ଉପଭୋକ୍ତାଙ୍କୁ ଟାର୍ଗେଟ୍‌ କରୁଥିବା କିଛି ସଙ୍କେତ ପାଇଛନ୍ତି। ତେବେ ଏହା କେବଳ ଇଣ୍ଡୋନେସିଆରେ ସୀମିତ ବୋଲି କୌଣସି ସୂଚନା ନାହିଁ। ଅନ୍ୟ ଦେଶର ଉପଭୋକ୍ତାମାନେ ମଧ୍ୟ ଦୁଷ୍ଟ APK ଡାଉନଲୋଡ୍‌ କଲେ ବିପଦରେ ପଡ଼ିପାରନ୍ତି।

କିପରି ସୁରକ୍ଷିତ ରହିବେ?

Android ବ୍ୟବହାରକାରୀଙ୍କୁ ଅଜଣା website କିମ୍ବା message linkରୁ APK ଫାଇଲ୍‌ ଡାଉନଲୋଡ୍‌ ନକରିବାକୁ ପରାମର୍ଶ ଦିଆଯାଇଛି। ବିଶେଷ କରି Accessibility access କିମ୍ବା device administrator permission ମାଗୁଥିବା ଅଜଣା app ପ୍ରତି ସତର୍କ ରହିବା ଆବଶ୍ୟକ।

Zimperiumର ତଥ୍ୟ ଅନୁଯାୟୀ, Google Play Protect Mantax Otaxକୁ detect କରିପାରେ। ତେଣୁ Android ଫୋନ୍‌ରେ Play Protect ସକ୍ରିୟ ରଖିବା, system update କରିବା ଏବଂ କେବଳ ବିଶ୍ୱସନୀୟ sourceରୁ app install କରିବା ଦ୍ୱାରା ବିପଦ କମାଇହେବ।