ବଲିଉଡ୍ ଅଭିନେତ୍ରୀବିପାଶା ବାସୁପ୍ରୋଟିନ୍ ପାଉଡରର ଗୁଣବତ୍ତାକୁ ନେଇ ଗୁରୁତର ଚିନ୍ତା ପ୍ରକାଶ କରିଛନ୍ତି। ନୂଆ ଖୋଲାଯାଇଥିବା ଏକIsopure ପ୍ରୋଟିନ୍ ପାଉଡର ଜାରରେ ଛୋଟ ଛୋଟ କୀଟ ଥିବା ଦାବିକରି ସେ ଇନ୍ଷ୍ଟାଗ୍ରାମ୍ ଷ୍ଟୋରିରେ ଏକ ଭିଡିଓ ସେୟାର କରିଛନ୍ତି। ତେବେ ଏହି ଦାବିର ସ୍ୱାଧୀନ ଭାବେ ଯାଞ୍ଚ ହୋଇନାହିଁ।

ଭିଡିଓରେ ବିପାଶା ଏକ ଛୋଟ ଜୀବ ଦେଖାଇ କହିଥିଲେ ଯେ ନୂଆ ଖୋଲାଯାଇଥିବା ଜାରରେ ଏଭଳି ଛୋଟ ଛୋଟ କୀଟ ଭରି ରହିଛି। ଏହା ପରେ ସେମହାରାଷ୍ଟ୍ର Food and Drug Administration (FDA) କମିଶନର ତୁକାରାମ ମୁଣ୍ଡେଙ୍କୁ ଟ୍ୟାଗ୍କରି ଏହି ଘଟଣାରେ ହସ୍ତକ୍ଷେପ ଲୋଡ଼ିଛନ୍ତି।

ବିପାଶା ଲେଖିଥିଲେ,“ଆପଣ ହିଁ ଆମର ଶେଷ ଆଶା। ଯେପରି ଆମେ କିଣୁଥିବା ଜିନିଷ ଖରାପ କିମ୍ବା ଭେଜାଲ ନ ହୁଏ।”ତାଙ୍କ ଏହି ପୋଷ୍ଟ ପରେ ଖାଦ୍ୟ ଓ ନ୍ୟୁଟ୍ରିସନ୍ ପ୍ରଡକ୍ଟର ସୁରକ୍ଷାକୁ ନେଇ ପୁଣିଥରେ ଚର୍ଚ୍ଚା ଆରମ୍ଭ ହୋଇଛି।

ତୁକାରାମ ମୁଣ୍ଡେ କାହିଁକି ଚର୍ଚ୍ଚାରେ?

ମହାରାଷ୍ଟ୍ର FDA କମିଶନର ଭାବେ ତୁକାରାମ ମୁଣ୍ଡେ ରାଜ୍ୟରେ ଖାଦ୍ୟ ସୁରକ୍ଷା ଓ ଭେଜାଲ ବିରୋଧରେ ଯାଞ୍ଚ ଓ କାର୍ଯ୍ୟାନୁଷ୍ଠାନକୁ ନେଇ ଚର୍ଚ୍ଚାରେ ଅଛନ୍ତି। ମୁମ୍ବାଇ ସମେତ ବିଭିନ୍ନ ସ୍ଥାନରେ ହୋଟେଲ, ରେଷ୍ଟୁରାଣ୍ଟ ଓ ଅନ୍ୟାନ୍ୟ ଖାଦ୍ୟ ପ୍ରତିଷ୍ଠାନରେ ଯାଞ୍ଚ ହୋଇଛି। କଥିତ ଭେଜାଲ ଓ ନିୟମ ଉଲ୍ଲଂଘନ ମାମଲାରେ କେତେକ ପ୍ରତିଷ୍ଠାନ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ହୋଇଛି।

ମୁଣ୍ଡେଙ୍କ ଖାଦ୍ୟ ସୁରକ୍ଷା ଅଭିଯାନକୁ ନେଇ ଫିଲ୍ମ ଇଣ୍ଡଷ୍ଟ୍ରିରେ ମଧ୍ୟ ଚର୍ଚ୍ଚା ହୋଇଛି। ଅଭିନେତ୍ରୀପ୍ରୀତି ଜିଣ୍ଟା‘Team Tukaram Mundhe’ ଲେଖା ଟି-ଶର୍ଟ ପିନ୍ଧିଥିବା ନଜରକୁ ଆସିଥିଲେ। ଅନ୍ୟପଟେଟ୍ୱିଙ୍କଲ ଖାନ୍ନାମଧ୍ୟ ଜଣେ ସରକାରୀ ଅଧିକାରୀ ନିଜ କାମ କରୁଥିବା ଘଟଣା ଖବର ହେବାକୁ ନେଇ ପ୍ରଶ୍ନ ଉଠାଇଥିଲେ।

ବିପାଶାଙ୍କ ଏହି ଦାବି ପରେ ଏବେ ପ୍ରୋଟିନ୍ ଓ ଅନ୍ୟ ନ୍ୟୁଟ୍ରିସନ୍ ପ୍ରଡକ୍ଟରଗୁଣବତ୍ତା, ଖାଦ୍ୟ ସୁରକ୍ଷା ଓ ଯାଞ୍ଚ ବ୍ୟବସ୍ଥାନେଇ ପୁଣି ଆଲୋଚନା ଜୋର ଧରିଛି। ତେବେ ପ୍ରଡକ୍ଟରେ ପ୍ରକୃତରେ କୀଟ ଥିଲା କି ନାହିଁ, ତାହା ଅଧିକାରୀଙ୍କ ଯାଞ୍ଚ ପରେ ହିଁ ସ୍ପଷ୍ଟ ହେବ।