ଆଇପିଏଲ୍ ୨୦୨୭ ପାଇଁ ପ୍ରସ୍ତୁତି ମଧ୍ୟରେମୁମ୍ବାଇ ଇଣ୍ଡିଆନ୍ସରେ ବଡ଼ କୋଚିଂ ପରିବର୍ତ୍ତନହୋଇଛି। ହେଡ୍ କୋଚ୍ ମହେଲା ଜୟବର୍ଦ୍ଧନେ ଓ ମୁମ୍ବାଇ ଇଣ୍ଡିଆନ୍ସ ପରସ୍ପର ସହମତିରେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ଏହା ସହ ଫ୍ରାଞ୍ଚାଇଜି ସହ ତାଙ୍କର ଏକ ଦଶନ୍ଧିରୁ ଅଧିକ ସମୟର ସମ୍ପର୍କର ଏକ ଅଧ୍ୟାୟ ଶେଷ ହୋଇଛି।

ଜୟବର୍ଦ୍ଧନେ ପ୍ରଥମେ ୨୦୧୭ରେ ମୁମ୍ବାଇ ଇଣ୍ଡିଆନ୍ସର ହେଡ୍ କୋଚ୍ ହୋଇଥିଲେ। ତାଙ୍କ ପ୍ରଥମ କୋଚିଂ ଦାୟିତ୍ୱ ସମୟରେ MI୨୦୧୭, ୨୦୧୯ ଓ ୨୦୨୦ରେ IPL ଟାଇଟଲ୍ଜିତିଥିଲା। ୨୦୨୨ରୁ ୨୦୨୪ ପର୍ଯ୍ୟନ୍ତ ସେ ଫ୍ରାଞ୍ଚାଇଜିର ଗ୍ଲୋବାଲ୍ ହେଡ୍ ଅଫ୍ କ୍ରିକେଟ୍ ଭାବେ ମଧ୍ୟ କାମ କରିଥିଲେ।

୨୦୨୪ରେ ଜୟବର୍ଦ୍ଧନେ ପୁଣିଥରେ MIର ହେଡ୍ କୋଚ୍ ଭାବେ ଫେରିଥିଲେ। ୨୦୨୫ରେ ଦଳ ପ୍ଲେଅଫ୍ରେ ପହଞ୍ଚିଥିଲା, କିନ୍ତୁ ୨୦୨୬ ସିଜନ୍ରେ ମୁମ୍ବାଇର ପ୍ରଦର୍ଶନ ନିରାଶାଜନକ ରହିଥିଲା ଏବଂ ଦଳ ୯ମ ସ୍ଥାନରେ ରହିଥିଲା। ରିପୋର୍ଟ ଅନୁସାରେ, ୨୦୨୬ରେ MI ମାତ୍ର ଚାରିଟି ମ୍ୟାଚ୍ ଜିତିଥିଲା।

ଜୟବର୍ଦ୍ଧନେ ବିଦାୟ ବାର୍ତ୍ତାରେ ମୁମ୍ବାଇ ଇଣ୍ଡିଆନ୍ସକୁ ନିଜ ଜୀବନର ଏକ ବିଶେଷ ଅଂଶ ବୋଲି କହିଛନ୍ତି। ଖେଳାଳି, କୋଚିଂ ଷ୍ଟାଫ୍, ପ୍ରଶଂସକ ଏବଂ ନିତା ଅମ୍ବାନୀ ଓ ଆକାଶ ଅମ୍ବାନୀଙ୍କ ସମର୍ଥନ ପାଇଁ ସେ କୃତଜ୍ଞତା ଜଣାଇଛନ୍ତି।

ଏବେ IPL ୨୦୨୭ ପୂର୍ବରୁ ମୁମ୍ବାଇ ଇଣ୍ଡିଆନ୍ସକୁନୂଆ ହେଡ୍ କୋଚ୍ ଚୟନ କରିବାକୁ ପଡ଼ିବ। ଏହି ପରିବର୍ତ୍ତନ ସହ ଫ୍ରାଞ୍ଚାଇଜିର ନୂଆ ଦିଗ ନେଇ ଚର୍ଚ୍ଚା ଆରମ୍ଭ ହୋଇଛି। ରୋହିତ ଶର୍ମାଙ୍କୁ ପୁଣି ଅଧିନାୟକ କରାଯିବା ନେଇ ମଧ୍ୟ ଚର୍ଚ୍ଚା ରହିଛି, କିନ୍ତୁ ଏହାଏପର୍ଯ୍ୟନ୍ତ ନିଶ୍ଚିତ ହୋଇନାହିଁ।