କେନ୍ଦ୍ରାପଡ଼ା:କେନ୍ଦ୍ରାପଡ଼ା ଜିଲ୍ଲା ଆଉଳସ୍ଥିତ ଲକ୍ଷ୍ମୀ ବରାହ ମନ୍ଦିରରେ ଗୁରୁବାର ଏକ ଅଘଟଣ ଘଟିଛି। ପ୍ରବଳ ବର୍ଷା ପରେ ମନ୍ଦିରର ପ୍ରାୟ ୬୫ ଫୁଟ ଉଚ୍ଚତାରେ ଥିବା ସିଂହ ମୂର୍ତ୍ତିର ଏକ ବଡ଼ ଅଂଶ ଭାଙ୍ଗି ତଳକୁ ଖସିପଡ଼ିଛି।
ସୂଚନା ଅନୁସାରେ, ଗୁରୁବାର ସକାଳେ ପ୍ରବଳ ବର୍ଷା ହେଉଥିବା ସମୟରେ ମନ୍ଦିରର ସାମ୍ନାପଟରୁ ସିଂହ ମୂର୍ତ୍ତିର ଏକ ଅଂଶ ହଠାତ୍ ଭାଙ୍ଗି ତଳେ ପଡ଼ିଥିଲା। ସେତେବେଳେ ମନ୍ଦିର ଭିତରେ ଭକ୍ତମାନେ ଉପସ୍ଥିତ ଥିଲେ। ତେବେ ସୌଭାଗ୍ୟବଶତଃ ଏହି ଘଟଣାରେ କୌଣସି ଭକ୍ତ ଆହତ ହୋଇନାହାନ୍ତି।
ଘଟଣା ପରେ ମନ୍ଦିରର ସୁରକ୍ଷାକୁ ନେଇ ଚିନ୍ତା ବଢ଼ିଛି। ମନ୍ଦିରର ଉଭୟ ପାର୍ଶ୍ୱରୁ କିଛି ଅଂଶ ଖସିଥିବା ଅଭିଯୋଗ ହୋଇଛି। ତେଣୁ ମନ୍ଦିରର ଦୁର୍ବଳ ଓ କ୍ଷତିଗ୍ରସ୍ତ ଅଂଶର ତୁରନ୍ତ ମରାମତି କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି।
ମନ୍ଦିର ପୂଜକ ଗୋଲେଖ ଚନ୍ଦ୍ର ପଣ୍ଡା କହିଛନ୍ତି ଯେ, ପ୍ରବଳ ବର୍ଷା ସମୟରେ ମନ୍ଦିରର ସାମ୍ନାପଟରୁ ସିଂହ ମୂର୍ତ୍ତିର ଏକ ବଡ଼ ଅଂଶ ହଠାତ୍ ଖସିପଡ଼ିଥିଲା। ମନ୍ଦିର ଭିତରେ ଥିବା ଭକ୍ତମାନେ ଅଳ୍ପକେ ବର୍ତ୍ତି ଯାଇଥିଲେ। ମନ୍ଦିରର ଉଭୟ ପାର୍ଶ୍ୱରୁ ଅଂଶ ଖସିଥିବାରୁ ଶୀଘ୍ର ମରାମତି ପାଇଁ ପ୍ରତ୍ନତତ୍ତ୍ୱ ବିଭାଗକୁ ସେ ଅନୁରୋଧ କରିଛନ୍ତି।
ମନ୍ଦିରର କ୍ଷତିଗ୍ରସ୍ତ ଅଂଶକୁ ଶୀଘ୍ର ମରାମତି କରିବା ସହ ଭବିଷ୍ୟତରେ ଏଭଳି ଘଟଣା ଯେପରି ନଘଟେ, ସେଥିପାଇଁ ଆବଶ୍ୟକ ପଦକ୍ଷେପ ନେବାକୁ ସ୍ଥାନୀୟ ଲୋକେ ଦାବି କରିଛନ୍ତି। ଏନେଇ ସମ୍ପୃକ୍ତ ଅଧିକାରୀଙ୍କର ତତ୍କାଳ ପ୍ରତିକ୍ରିୟା ମିଳିପାରିନାହିଁ।
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ଆମେରିକାର ରିପବ୍ଲିକାନ୍‌ ପାର୍ଟି ପ୍ରଥମଥର ପାଇଁ ମିଡ...
ତାମିଲନାଡୁ ରାଜନୀତିରେ ସିନେମା ଓ ରାଜନୀତିର ସମ୍ପର୍କ ନୂଆ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
କନ୍ନଡ ଅଭିନେତା ଶିବ ରାଜକୁମାର ହିନ୍ଦୀକୁ ‘ଜାତୀୟ ଭ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ନେପାଳରେ ପ୍ରାକୃତିକ ବିପର୍ଯ୍ୟୟର ଭୟ ଏବେ ବି ଟଳିନାହିଁ। ଅ...
ମନି ଲଣ୍ଡରିଂ ମାମଲାକୁ ନେଇ ତୃଣମୂଳ କଂଗ୍ରେସର ରାଜ୍ୟସଭା ସ...
ମୁମ୍ବାଇ: ମହାରାଷ୍ଟ୍ରରେ ନବରାତ୍ରି ପୂର୍ବରୁ ଗର୍ବା ଓ ଡାଣ...
ପୃଥିବୀରେ ବଢ଼ୁଥିବା ତାପମାତ୍ରାକୁ ନେଇ ପୁଣି ଚିନ୍ତା ବଢ଼ି...
ମଧ୍ୟପ୍ରାଚ୍ୟରେ ଆମେରିକା ଓ ଇରାନ ମଧ୍ୟରେ ସାମରିକ ଉତ୍ତେଜନ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
