କୋରାପୁଟ ଜିଲ୍ଲାର ପଟ୍ଟାଙ୍ଗୀ ପଞ୍ଚାୟତ ଅନ୍ତର୍ଗତ ପଦାପଦର ମୌଜାରେ ପ୍ରସ୍ତାବିତ ଏକ ପ୍ରତିରକ୍ଷା ପ୍ରକଳ୍ପକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ବୃଦ୍ଧି ପାଇଛି। ପ୍ରକଳ୍ପ ଯୋଗୁଁ ଚାଷ ଜମି, ପାନୀୟ ଜଳ ସ୍ରୋତ ଏବଂ ଗ୍ରାମବାସୀଙ୍କ ଜୀବିକା ପ୍ରଭାବିତ ହେବା ଆଶଙ୍କା ପ୍ରକାଶ କରି ଅନେକ ଗ୍ରାମର ଲୋକେ ଏହାକୁ ବିରୋଧ କରିଛନ୍ତି।
ନୂଆପଦାପଦର, ପୁରୁଣାପଦାପଦର, ବାରିଆମେଟା, ବୁଡ଼ିଆଗୁଡ଼ା, କନ୍ଧ ସିଉରା, ପରଜା ସିଉରା ଏବଂ ଦଣ୍ଡୁଗୁଡ଼ା ଗ୍ରାମର ବାସିନ୍ଦାମାନେ ଏକଜୁଟ ହୋଇ କୋରାପୁଟ ଜିଲ୍ଲାପାଳ ମନୋଜ ସତ୍ୟୱାନ ମହାଜନଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି।
ଗ୍ରାମବାସୀଙ୍କ କହିବା ଅନୁଯାୟୀ, ପ୍ରସ୍ତାବିତ ପ୍ରକଳ୍ପ ପାଇଁ ଚିହ୍ନଟ ହୋଇଥିବା ଜମି ମୁଖ୍ୟତଃ କୃଷି କାର୍ଯ୍ୟରେ ବ୍ୟବହୃତ ହେଉଛି ଏବଂ ଶତାଧିକ ପରିବାରର ଜୀବିକା ଏହା ଉପରେ ନିର୍ଭରଶୀଳ। ଜମି ଅଧିଗ୍ରହଣ ହେଲେ କୃଷି ଉତ୍ପାଦନ ସହିତ ପାନୀୟ ଜଳ ଓ ସ୍ଥାନୀୟ ବସତି ମଧ୍ୟ ପ୍ରଭାବିତ ହେବ।
ସୂଚନା ଅନୁସାରେ, ଗତ ଏପ୍ରିଲ ମାସରେ ପଟ୍ଟାଙ୍ଗୀ ତହସିଲ କାର୍ଯ୍ୟାଳୟ ପକ୍ଷରୁ ପଦାପଦର ମୌଜାର ଜମିକୁ INS Kalinga ମାଧ୍ୟମରେ ପ୍ରତିରକ୍ଷା ମନ୍ତ୍ରଣାଳୟକୁ ହସ୍ତାନ୍ତର କରି ଏକ କେନ୍ଦ୍ରୀୟ ସଂସ୍ଥା ପ୍ରତିଷ୍ଠା କରିବା ପାଇଁ ବିଜ୍ଞପ୍ତି ଜାରି ହୋଇଥିଲା।
ଗ୍ରାମବାସୀମାନେ ପ୍ରଶ୍ନ ଉଠାଇଛନ୍ତି ଯେ, ସୁନାବେଡାରେ INS Kalinga ସହ ସମ୍ପୃକ୍ତ Naval Armament Depot (NAD) ପୂର୍ବରୁ ରହିଥିବା ବେଳେ ଆଉ ଏକ ପ୍ରତିରକ୍ଷା କେନ୍ଦ୍ର ସ୍ଥାପନର ଆବଶ୍ୟକତା କଣ।
ସ୍ଥାନୀୟ ଲୋକେ ସରକାରଙ୍କୁ ଅନୁରୋଧ କରିଛନ୍ତି ଯେ, କୃଷି ଜମି ଓ ଲୋକଙ୍କ ଜୀବିକା ସୁରକ୍ଷିତ ରଖିବା ପାଇଁ ବିକଳ୍ପ ସ୍ଥାନ ଚୟନ କରାଯାଉ। ଉନ୍ନୟନ ନାମରେ କୃଷକଙ୍କ ସ୍ୱାର୍ଥ ଓ ମୌଳିକ ସମ୍ପଦକୁ କ୍ଷତି ନ ପହଞ୍ଚାଇବାକୁ ସେମାନେ ଦାବି କରିଛନ୍ତି।
ଆଜିକାଲି କାମ, ମୋବାଇଲ୍, ସୋସିଆଲ୍ ମିଡିଆ କିମ୍ବା ଦେରିରାତ...
ନୂଆଦିଲ୍ଲୀ: ଯୁବ ବୟସରେ ହାର୍ଟ ଆଟାକ୍‌ର ଘଟଣା ନେଇ ଚ...
IIT ବମ୍ବେର ଦ୍ୱିତୀୟ ବର୍ଷର BTech ଛାତ୍ର ସାହିଲ ୱାକୋଡେଙ...
ମୁମ୍ବାଇରଆଇଆଇଟି ବମ୍ବେରେ ଛାତ୍ର ସାହିଲ ରବୀନ୍ଦ୍ର ୱାକୋଡେ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
HIV ପ୍ରତିରୋଧ କ୍ଷେତ୍ରରେ ଏକ ନୂଆ ଔଷଧ ନେଇ ଆଶା ସୃଷ୍ଟି ହ...
IIT Bombayର ଦ୍ୱିତୀୟ ବର୍ଷର BTech ଛାତ୍ର ସାହିଲ ରବୀନ୍ଦ...
ନୂଆଦିଲ୍ଲୀ:ଭାରତରେ ଏକ ଜଟିଳ ଲିଭର ଟ୍ରାନ୍ସପ୍ଲାଣ୍ଟ ପରେ ଜ...
ନୂଆ ସପ୍ତାହ ଆରମ୍ଭ ହେବା ସହ ଗ୍ରହ ଓ ନକ୍ଷତ୍ରଙ୍କ ଗତିରେ ମ...
ସେପ୍ଟେମ୍ବରର ଏହି ସପ୍ତାହ ଜ୍ୟୋତିଷ ଦୃଷ୍ଟିରୁ...
ମୁମ୍ବାଇରଆଇଆଇଟି ବମ୍ବେରେ ଛାତ୍ର ସାହିଲ ରବୀନ୍ଦ୍ର ୱାକୋଡେ...
