ବିଶ୍ୱବିଖ୍ୟାତ କୋଣାର୍କ ସୂର୍ଯ୍ୟ ମନ୍ଦିରର ଗର୍ଭଗୃହରୁ ବାଲି ଅପସାରଣ ପ୍ରକ୍ରିୟା ଆରମ୍ଭ ହୋଇଛି। ପ୍ରତ୍ନତତ୍ତ୍ୱ ବିଭାଗ ଅକ୍ଷୟ ତୃତୀୟାରୁ ସୁଡ଼ଙ୍ଗ ଖନନ କାମ ଆରମ୍ଭ କରିଥିବାବେଳେ ଅତ୍ୟନ୍ତ ସତର୍କତାର ସହ ଏହାକୁ ଆଗେଇ ନିଆଯାଉଛି।
ପ୍ରଥମ ପର୍ଯ୍ୟାୟରେ ଚାରିଜଣ ପାରଙ୍ଗତ କର୍ମଚାରୀ ହାତରେ ଖନନ କାମ କରୁଛନ୍ତି। କୌଣସି ଯନ୍ତ୍ର ବ୍ୟବହାର କରାଯାଉନି। ଚତୁର୍ଥ ଦିନ ସୁଦ୍ଧା ୨ ଫୁଟ ଚଉଡ଼ା ଓ ୪ ଫୁଟ ଲମ୍ବ ଖନନ କାମ ସମ୍ପୂର୍ଣ୍ଣ ହୋଇଛି। ପ୍ରକ୍ରିୟାର ପ୍ରତ୍ୟେକ ପର୍ଯ୍ୟାୟ ଉପରେ ବିଶେଷ ନଜର ରଖିବା ପାଇଁ ମନିଟରିଂ ଟିମ୍ ଗଠନ ହୋଇଛି।
ଇତିହାସ ଅନୁଯାୟୀ ବ୍ରିଟିଶ ଶାସନକାଳରେ ମନ୍ଦିର ଗର୍ଭଗୃହରେ ପଶ୍ଚିମ ପାର୍ଶ୍ୱରୁ ସୁଡ଼ଙ୍ଗ ମାଧ୍ୟମରେ ବାଲି ପୂରଣ କରାଯାଇଥିଲା। ପରେ ଏହି ପଥକୁ ପଥର ଦେଇ ବନ୍ଦ କରାଯାଇଥିଲା। ବର୍ତ୍ତମାନ ଏହି ବାଲି ଅପସାରଣ ଓ ଗର୍ଭଗୃହର ଅବସ୍ଥା ନେଇ ବୈଜ୍ଞାନିକ ମୂଲ୍ୟାଙ୍କନ ଚାଲିଛି।
ଆଇଆଇଟି ମାଦ୍ରାସର ଏକ ରିପୋର୍ଟରେ ବାଲି ଅପସାରଣ ମନ୍ଦିର ପାଇଁ ବିପଦଜନକ ନୁହେଁ ବୋଲି ଉଲ୍ଲେଖ ହେବା ପରେ ଏହି କାମକୁ ଆଗକୁ ବଢ଼ାଯାଇଛି। ଆହୁରି ଦୁଇଟି କୋର ଡ୍ରିଲିଂ ମାଧ୍ୟମରେ ପଥର ଗଠନର ଅବସ୍ଥା ଯାଞ୍ଚ ହେବ।
ସ୍ଥାନୀୟ ବୁଦ୍ଧିଜୀବୀ ଓ ଭୂତତ୍ତ୍ୱବିଦ୍ମାନେ ଏହି ପଦକ୍ଷେପକୁ ସ୍ୱାଗତ କରିଥିବାବେଳେ ବୈଜ୍ଞାନିକ ଓ ସତର୍କ ପଦ୍ଧତିରେ କାମ କରିବା ଉପରେ ଜୋର ଦେଇଛନ୍ତି। ଏହି ପଦକ୍ଷେପ କୋଣାର୍କର ଐତିହ୍ୟ ସୁରକ୍ଷା ସହ ପର୍ଯ୍ୟଟନ ଓ ସ୍ଥାନୀୟ ବିକାଶକୁ ମଧ୍ୟ ଗତି ଦେବ ବୋଲି ଆଶା କରାଯାଉଛି।
ରାଜ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁର ଅଗ୍ରଗତି ସମ୍ପୂର୍...
ଫିଫା ବିଶ୍ୱକପ୍ ୨୦୨୬ରେ ପ୍ରଥମ ଥର ପାଇଁ ଅଂଶଗ୍ରହଣ କରୁଥିବ...
ବେଲଫାଷ୍ଟରେ ଖେଳାଯାଇଥିବା ଭାରତ-ଆୟରଲାଣ୍ଡ ପ୍ରଥମ ଟି-୨୦ ମ...
ଭାରତୀୟ କ୍ରିକେଟର ଉଦୀୟମାନ ତାରକା ବୈଭବ ସୂର୍ଯ୍ୟବଂଶୀଙ୍କ...
ନେଦରଲ୍ୟାଣ୍ଡରେ ପ୍ରଥମ ଥର ପାଇଁ ୧୨ ବର୍ଷରୁ କମ୍ ବୟସର ଜଣେ...
ଶନିବାର ସକାଳେ ପାକିସ୍ତାନର ବିଭିନ୍ନ ଅଞ୍ଚଳରେ ଏକ ଶକ୍ତିଶା...
ଦେଶର ଅନେକ ସ୍ଥାନରେ ବର୍ଷା ହେଉଥିଲେ ମଧ୍ୟ ମୌସୁମୀ ଋତୁ ଆର...
ନୂଆଦିଲ୍ଲୀ: ଇବୋଲା ଭାଇରସ୍ ସଂକ୍ରମଣର ଆଶଙ୍କାକୁ ନଜରରେ ରଖ...
ପାନାମା ଚଳିତ ବିଶ୍ୱକପ୍ରେ ଲଗାତାର ତୃତୀୟ ପରାଜୟ ବରଣ କରି...
ମଧ୍ୟପ୍ରାଚ୍ୟର ହର୍ମୁଜ୍ ପ୍ରଣାଳୀରେ ବଢୁଥିବା ସାମରିକ ଉତ୍ତ...
