ଜୁରିଖ ଡାଏମଣ୍ଡ ଲିଗ୍ରେ ପୁଣିଥରେ ଚମକିଛନ୍ତି ସ୍ୱିଡେନ୍ର ଷ୍ଟାର ପୋଲ୍ ଭଲ୍ଟର ଆର୍ମାଣ୍ଡ ‘ମୋଣ୍ଡୋ’ ଡୁପ୍ଲାଣ୍ଟିସ୍। ଗୁରୁବାର ଅନୁଷ୍ଠିତ ପ୍ରତିଯୋଗିତାରେ ସେ ୬.୨୫ ମିଟର ଉଚ୍ଚତା ଅତିକ୍ରମ କରି ଟାଇଟଲ୍ ଜିତିଛନ୍ତି। ତେବେ ୬.୩୨ ମିଟରର ନୂଆ ବିଶ୍ୱ ରେକର୍ଡ ଚେଷ୍ଟାରେ ସଫଳ ହୋଇପାରିନଥିଲେ।
ଏହି ଇଭେଣ୍ଟରେ ଗ୍ରୀସ୍ର ଇମାନୁଏଲ୍ କାରାଲିସ୍ ଡୁପ୍ଲାଣ୍ଟିସ୍ଙ୍କୁ କଡ଼ା ଟକ୍କର ଦେଇଥିଲେ। ଉଭୟ ଖେଳାଳି ୬.୧୦ ମିଟର ଅତିକ୍ରମ କରିବା ପରେ ପ୍ରତିଯୋଗିତା ଅଧିକ ରୋମାଞ୍ଚକର ହୋଇଥିଲା। ପରେ କାରାଲିସ୍ ୬.୨୦ ମିଟର ଉଚ୍ଚତାକୁ ସିଧାସଳଖ ଚୟନ କରି ସଫଳତାର ସହ ଅତିକ୍ରମ କରିଥିଲେ। ଏହା ତାଙ୍କର ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ ସହ ଗ୍ରୀକ୍ ଜାତୀୟ ରେକର୍ଡ ମଧ୍ୟ ହୋଇଛି।
ଡୁପ୍ଲାଣ୍ଟିସ୍ ଏହାର ଜବାବରେ ୬.୨୫ ମିଟରକୁ ପ୍ରଥମ ପ୍ରୟାସରେ ଅତିକ୍ରମ କରି ପ୍ରତିଯୋଗିତା ଉପରେ ପୁଣି ନିୟନ୍ତ୍ରଣ ନେଇଥିଲେ। ପରେ ୬.୩୨ ମିଟର ଉଚ୍ଚତାରେ ଉଭୟ ଖେଳାଳି ଚେଷ୍ଟା କରିଥିଲେ, କିନ୍ତୁ କେହି ସଫଳ ହୋଇପାରିନଥିଲେ।
ଡୁପ୍ଲାଣ୍ଟିସ୍ଙ୍କ ପୋଲ୍ ଭଲ୍ଟ ବିଜୟ ସହ ଜୁରିଖ ଡାଏମଣ୍ଡ ଲିଗ୍ରେ ଆଉ ଦୁଇଟି ବିଶ୍ୱ ରେକର୍ଡ ଭାଙ୍ଗିଛି। ବ୍ରାଜିଲ୍ର ଆଲିସନ୍ ଡସ୍ ସାଣ୍ଟୋସ୍ ପୁରୁଷ ୪୦୦ ମିଟର ହର୍ଡଲ୍ସରେ ୪୫.୮୦ ସେକେଣ୍ଡ ସମୟ ସହ ନୂଆ ବିଶ୍ୱ ରେକର୍ଡ କରିଛନ୍ତି। ସେ କାର୍ସଟେନ୍ ୱାରହୋଲ୍ମଙ୍କ ୪୫.୯୪ ସେକେଣ୍ଡର ପୂର୍ବ ରେକର୍ଡକୁ ଭାଙ୍ଗିଛନ୍ତି।
ସେହିପରି ଆମେରିକାର ମାସାଇ ରସେଲ୍ ମହିଳା ୧୦୦ ମିଟର ହର୍ଡଲ୍ସରେ ୧୨.୦୯ ସେକେଣ୍ଡ ସମୟ ସହ ବିଶ୍ୱ ରେକର୍ଡ କରିଛନ୍ତି। ସେ ନାଇଜେରିଆର ଟୋବି ଆମୁସାନ୍ଙ୍କ ୧୨.୧୨ ସେକେଣ୍ଡର ରେକର୍ଡକୁ ପଛରେ ପକାଇଛନ୍ତି।
ଆନ୍ଧ୍ରରେ NDAର ଦମ୍‌ଦାର ପ୍ରଦର୍ଶନ ଆନ୍ଧ୍ରପ୍ରଦେ...
ଆମେରିକାର ମଧ୍ୟାବଧି ନିର୍ବାଚନରେ ଡେମୋକ୍ରାଟିକ୍ ପାର୍ଟିର...
ଆମେରିକାର ରାଜନୀତିରେ ଡୋନାଲ୍ଡ ଟ୍ରମ୍ପଙ୍କ ପାଇଁ ମଧ୍ୟବର୍ତ...
କାଠଯୋଡ଼ି ନଦୀପଠାରେ ଅଭିଯୁକ୍ତଙ୍କୁ ନେଇ ତଦନ୍ତ ...
ରାଜଧାନୀରେ ପୁଲିସର ସୁରକ୍ଷା ବ୍ୟବସ୍ଥାକୁ ନେଇ ଏକ ଗମ୍ଭୀର...
କେନ୍ଦ୍ରାପଡ଼ା: ଓଡ଼ିଶାର କେନ୍ଦ୍ରାପଡ଼ା ଜିଲ୍ଲା ମାର୍ଶାଘା...
ସୁସ୍ଥ ରହିବା ପାଇଁ ପ୍ରତିଦିନ ସପ୍ଲିମେଣ୍ଟ ଖାଇବା ଜରୁରୀ କ...
ଆଧୁନିକ ଚିକିତ୍ସା ବିଜ୍ଞାନ ଅନେକ ରୋଗର ଚିହ୍ନଟ ଓ ଚିକିତ୍ସ...
