ମୟୂରଭଞ୍ଜ: ଘରେ କେହି ନଥିବାର ସୁଯୋଗ ନେଇ ଘରେ କଳାକନା ବୁଲାଇଛନ୍ତି ଦୁର୍ବୃତ୍ତ। ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ଅଧୀନ ପିଙ୍ଗୁ ଗ୍ରାମରେ ଘଟିଛି ଏହି ଲୁଟ୍ ଘଟଣା।
ସୂଚନା ଅନୁସାରେ, ଗ୍ରାମର ଶ୍ୟାମ ସୁନ୍ଦର ବେହେରା ପରିବାର ସଦସ୍ୟଙ୍କ ସହ ଶ୍ୱଶୁର ଘରକୁ ଶୁଦ୍ଧିକ୍ରିୟାରେ ଯୋଗଦେବା ପାଇଁ ଯାଇଥିଲେ। ଏହି ସମୟରେ ଘରେ କେହି ନଥିବାର ସୁଯୋଗ ନେଇ ଦୁର୍ବୃତ୍ତମାନେ ଘରର ମୁଖ୍ୟ ଫାଟକର ତାଲା ଭାଙ୍ଗି ଭିତରକୁ ପଶିଥିଲେ।
ଘରକୁ ଫେରିବା ପରେ ଶ୍ୟାମ ସୁନ୍ଦର ମୁଖ୍ୟ ଫାଟକର ତାଲା ଭଙ୍ଗା ଦେଖିଥିଲେ। ଘର ଭିତରକୁ ଯାଇ ଦେଖିବା ବେଳେ ବିଭିନ୍ନ ରୁମର ତାଲା ଭଙ୍ଗା ଯାଇଥିବା ସହ ତିନୋଟି ଗଡ଼ରେଜ୍ ମଧ୍ୟ ଭଙ୍ଗା ଯାଇଥିବା ଜଣାପଡ଼ିଥିଲା।
ଲୁଟେରାମାନେ ଶାବଳ ସହାୟତାରେ ଗଡ଼ରେଜ୍ ଭାଙ୍ଗି ସେଥିରେ ରଖାଯାଇଥିବା ୨୦ ଲକ୍ଷରୁ ଅଧିକ ଟଙ୍କା ମୂଲ୍ୟର ସୁନା ଅଳଙ୍କାର ଏବଂ ଦେଢ଼ ଲକ୍ଷ ଟଙ୍କା ନଗଦ ଲୁଟି ନେଇଥିବା ଅଭିଯୋଗ ହୋଇଛି।
ଘଟଣା ସମ୍ପର୍କରେ କପ୍ତିପଦା ପୋଲିସକୁ ସୂଚନା ଦିଆଯିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସାଇଣ୍ଟିଫିକ୍ ଟିମ୍ର ସହାୟତାରେ ଲୁଟେରାଙ୍କ ସମ୍ପର୍କରେ ସୁରାକ ଖୋଜାଯାଉଛି।
ଜନବସତି ମଧ୍ୟରେ ଏଭଳି ଭାବେ ତାଲା ଭାଙ୍ଗି ଲୁଟ୍ ହୋଇଥିବାରୁ ଘଟଣାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଚିନ୍ତା ପ୍ରକାଶ ପାଇଛି। ଲୁଟେରାଙ୍କୁ ଧରିବା ପାଇଁ ପୋଲିସ ତଦନ୍ତ ଜାରି ରଖିଛି।
ଆଧୁନିକ ଚିକିତ୍ସା ବିଜ୍ଞାନ ଅନେକ ରୋଗର ଚିହ୍ନଟ ଓ ଚିକିତ୍ସ...
ନୂଆଦିଲ୍ଲୀ: ଆଜିକାଲି ଅଧିକାଂଶ ଲୋକ ଅସୁସ୍ଥ ହେଲେ ହିଁ ଡାକ...
ବଲିଉଡ୍‌ର ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ:...
ନୂଆଦିଲ୍ଲୀ: ଆମ ରୋଷେଇ ଘରେ ପ୍ରତିଦିନ ବ୍ୟବହାର ହେଉଥିବା ଲ...
ନିତେଶ ତିୱାରୀଙ୍କ ବହୁଚର୍ଚ୍ଚିତ ଫିଲ୍ମ ‘ରାମାୟଣ: ର...
ସୁପରଷ୍ଟାର ରଜନୀକାନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବର। ବ...
ବହୁ ପ୍ରତୀକ୍ଷାର ଅନ୍ତ ଘଟାଇ ନଭେମ୍ବର ୫ ତାରିଖରେ ପରଦାକୁ...
ସୁସ୍ଥ ରହିବା ପାଇଁ ପ୍ରତିଦିନ ସପ୍ଲିମେଣ୍ଟ ଖାଇବା ଜରୁରୀ କ...
