ଭୁବନେଶ୍ୱର ଓ କଟକ ଟ୍ୱିନ୍ ସିଟିରେ ଗୁରୁବାର ଦିନ କାଳବୈଶାଖୀ ଝଡ଼ ଭୟଙ୍କର ରୂପ ଧାରଣ କରିଥିଲା। ଜୋର ବାତାସ ଓ ବର୍ଷାରେ ଅନେକ ସ୍ଥାନରେ ବଡ଼ ବଡ଼ ହୋର୍ଡିଂ ଧସି ପଡ଼ିଥିବାରୁ ଆତଙ୍କ ସୃଷ୍ଟି ହୋଇଥିଲା।
ଭୁବନେଶ୍ୱରର ଓଲ୍ଡ ଷ୍ଟେସନ ବଜାର ଅଞ୍ଚଳରେ ଦୁର୍ଗା ପୂଜା ମଣ୍ଡପ ନିକଟରେ ଥିବା ଏକ ବିଶାଳ ଲୋହା ହୋର୍ଡିଂ ଝଡ଼ ସମୟରେ ଧସି ପଡ଼ିଥିଲା। ଏହି ଘଟଣାରେ କୌଣସି ଜୀବହାନି ଘଟିନଥିଲେ ମଧ୍ୟ, ଗୋଟିଏ କାର ଓ ଗୋଟିଏ ବାଇକ୍ ଗୁରୁତର କ୍ଷତିଗ୍ରସ୍ତ ହୋଇଥିଲା। ସ୍ଥାନୀୟ ଲୋକମାନେ ବର୍ଷା ଆରମ୍ଭ ହେବା ସହିତ ଆଶ୍ରୟ ନେଇଥିବାରୁ ବଡ଼ ଦୁର୍ଘଟଣା ଟଳିଯାଇଥିଲା।
ଏହିପରି ଆଉ ଗୋଟିଏ ଘଟଣା କଟକର ସତୀଚୌରା ଛକରେ ଦେଖିବାକୁ ମିଳିଥିଲା, ଯେଉଁଠାରେ ଦୀର୍ଘଦିନ ଧରି ଅସୁରକ୍ଷିତ ଅବସ୍ଥାରେ ଥିବା ହୋର୍ଡିଂ ଝଡ଼ରେ ଧସି ପଡ଼ିଥିଲା ଏବଂ ଗଛ ଉପରେ ଭରସା କରି ରହିଥିଲା।
ଅନ୍ୟପଟେ, ଭୁବନେଶ୍ୱରର ନିଳାଦ୍ରି ବିହାର ଝୁପଡ଼ି ଅଞ୍ଚଳରେ ବିଜୁଳି ପଡ଼ିବାରୁ ଏକ ପରିବାରର ତିନି ଜଣ ଗୁରୁତର ଆହତ ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ କଟକର ଏସସିବି ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରାଯାଇଛି।
ମୌସମ ବିଭାଗ ଓଡ଼ିଶାର ବିଭିନ୍ନ ଜିଲ୍ଲାରେ ବର୍ଷା ଓ ଝଡ଼ ବଜ୍ରପାତ ଜାରି ରହିବାକୁ ସତର୍କବାଣୀ ଜାରି କରିଛି। ଗଜପତି, ରାୟଗଡା, ମୟୁରଭଞ୍ଜ ଓ ବାଲେଶ୍ୱର ଜିଲ୍ଲା ପାଇଁ ଓରେଞ୍ଜ ସତର୍କତା ଜାରି ହୋଇଥିବା ବେଳେ, ଅନ୍ୟ ଜିଲ୍ଲାଗୁଡ଼ିକ ପାଇଁ ଯେଲୋ ସତର୍କତା ଜାରି ହୋଇଛି। ପାଗା ପରିସ୍ଥିତି ଆଗାମୀ କିଛି ସମୟ ପର୍ଯ୍ୟନ୍ତ ଅସ୍ଥିର ରହିବା ସମ୍ଭାବନା ରହିଛି।
ଚଳିତ ଫୁଟବଲ୍ ବିଶ୍ୱକପ୍ରେ ଶୁକ୍ରବାର ଖେଳାଯାଇଥିବା ଗ୍ରୁପ୍...
ଚଳିତ ବିଶ୍ୱକପ୍ର ଗ୍ରୁପ୍-ଡିରେ ଏକ ବଡ଼ ଅଘଟଣ ଘଟିଛି। ପୂର୍...
ୟୁଏସ୍ ଓପନ୍ ବ୍ୟାଡ୍ମିଣ୍ଟନ୍ ପ୍ରତିଯୋଗିତାରେ ଭାରତୀୟ ଯୁବ...
ଓଡ଼ିଶାର ଗଣପର୍ବ ରଜ ଆସିଲେ ଘରେ ଘରେ ଦୋଳି ଖେଳର ଉତ୍ସାହ ଦ...
ଚଳିତ ଫୁଟବଲ ବିଶ୍ୱକପ୍‌ର ଗ୍ରୁପ୍‌-ଏଫ୍‌ର...
ସିବିଏସଇ (CBSE) ଦ୍ୱାଦଶ ଶ୍ରେଣୀ ପରୀକ୍ଷାର ଫଳାଫଳ ପରେ ରି...
National Testing Agency ପକ୍ଷରୁ NEET-UG 2026 ପୁନଃପର...
ନିଟ୍-ୟୁଜି ୨୦୨୬ ପୁନଃପରୀକ୍ଷାକୁ ନେଇ ଚର୍ଚ୍ଚା ମଧ୍ୟରେ ନା...
ଜାତୀୟ ଯୋଗ୍ୟତା ସହ ପ୍ରବେଶିକା ପରୀକ୍ଷା (NEET-UG) 2026...
