ଜଗନ୍ନାଥ ମନ୍ଦିରରୁ ଠାକୁରଙ୍କ ମୂର୍ତ୍ତି ଓ ଅଳଙ୍କାର ଚୋରି ମାମଲାରେ ସଫଳତା ପାଇଛି ପାରାଦୀପ ପୋଲିସ। ଏହି ଘଟଣାରେ ୩ ଜଣ ଅଭିଯୁକ୍ତଙ୍କୁ ମଙ୍ଗଳବାର ଗିରଫ କରାଯାଇଛି। ଘଟଣାଟି ଜଗତସିଂହପୁର ଜିଲ୍ଲା ନିମିଡ଼ି ଗାଁର ଜଗନ୍ନାଥ ମନ୍ଦିରରେ ଘଟିଥିଲା।
ପାରାଦୀପ ଲକ୍ ଥାନା ଅଧୀନରେ ଥିବା ଏହି ମନ୍ଦିରରେ ପ୍ରାୟ ୩ ଦିନ ପୂର୍ବରୁ ଚୋରି ହୋଇଥିବା ନେଇ ଅଭିଯୋଗ ହୋଇଥିଲା। ମନ୍ଦିରରୁ ଚୋରି ହୋଇଥିବା ମୂର୍ତ୍ତି ଓ ଅଳଙ୍କାରର ମୂଲ୍ୟ ୫ ଲକ୍ଷ ଟଙ୍କାରୁ ଅଧିକ ହେବ ବୋଲି ଆକଳନ କରାଯାଇଥିଲା।
ଅଭିଯୁକ୍ତଙ୍କ ନିକଟରୁ ପିତ୍ତଳ ଓ ରୁପାରେ ନିର୍ମିତ ବିଭିନ୍ନ ଦେବଦେବୀଙ୍କ ମୂର୍ତ୍ତି, ଅଳଙ୍କାର ଏବଂ ଅନ୍ୟାନ୍ୟ ମନ୍ଦିର ସାମଗ୍ରୀ ଉଦ୍ଧାର କରାଯାଇଛି। ଗିରଫ ୩ ଜଣଙ୍କ ମଧ୍ୟରୁ ୨ ଜଣ ପାରାଦୀପ ଅଞ୍ଚଳର ହୋଇଥିବା ବେଳେ ଅନ୍ୟ ଜଣ ଗଞ୍ଜାମ ଜିଲ୍ଲାର ବୋଲି ପୋଲିସ କହିଛି।
ପୋଲିସର ସୂଚନା ଅନୁସାରେ, ତିନି ଅଭିଯୁକ୍ତ ପେସାଦାର ଅପରାଧୀ। ଅଭିଯୋଗ ପାଇବା ପରେ ପାରାଦୀପ ପୋଲିସ ତୁରନ୍ତ ତଦନ୍ତ ଆରମ୍ଭ କରି ଅଭିଯୁକ୍ତଙ୍କୁ ଚିହ୍ନଟ କରିଥିଲା। ଘଟଣାର ମାତ୍ର ଦୁଇ ଦିନ ମଧ୍ୟରେ ୩ ଜଣଙ୍କୁ ଧରାଯାଇଥିବା ପୋଲିସ କହିଛି।
ପାରାଦୀପର ଆସିଷ୍ଟାଣ୍ଟ ସୁପରିଣ୍ଟେଣ୍ଡେଣ୍ଟ ଅଫ୍ ପୋଲିସ୍ (ASP) ଅଜିଙ୍କ୍ୟ ମାନେ କହିଛନ୍ତି ଯେ, ତଦନ୍ତ ସମୟରେ ଚୋରି ହୋଇଥିବା ସମସ୍ତ ଦେବଦେବୀଙ୍କ ମୂର୍ତ୍ତି, ଅଳଙ୍କାର ଏବଂ ଅନ୍ୟାନ୍ୟ ମନ୍ଦିର ସାମଗ୍ରୀ ଉଦ୍ଧାର କରାଯାଇଛି। ଗିରଫ ଅଭିଯୁକ୍ତମାନେ ଅଭ୍ୟାସଗତ ଅପରାଧୀ ଏବଂ ସେମାନଙ୍କୁ ଆସନ୍ତାକାଲି କୋର୍ଟରେ ହାଜର କରାଯିବ।
ଉଦ୍ଧାର ହୋଇଥିବା ମୂର୍ତ୍ତି ଓ ଅଳଙ୍କାରକୁ ପୋଲିସ ଜବତ କରିଛି। ଘଟଣାରେ ଆଉ କେହି ସମ୍ପୃକ୍ତ ଅଛନ୍ତି କି ନାହିଁ, ସେନେଇ ତଦନ୍ତ ଜାରି ରହିଛି।
ଆମେରିକା ଓ ଇରାନ ମଧ୍ୟରେ ଚାଲିଥିବା ତିକ୍ତତା ଏବେ ଆହୁରି ଭ...
ବନ୍ୟାର ଭୟାବହତାରୁ ନେପାଳ ମୁକୁଳିନଥିବା ବେଳେ ଏବେ ଭୂକମ୍ପ...
ପ୍ୟାରିସର ପ୍ରସିଦ୍ଧଏଫିଲ୍ ଟାୱାରରେ BAPS ପ୍ରତିନିଧିମଣ୍ଡଳ...
ଭାରତରେ ଆୟୋଜିତ ହେବାକୁ ଥିବା ୧୮ତମ BRICS ସମ୍ମିଳନୀ ପୂର୍...
ଭାରତରେ ସାଟେଲାଇଟ୍ ବ୍ରଡବ୍ୟାଣ୍ଡ୍ ବା ମହାକାଶ ଇଣ୍ଟରନେଟ୍...
ଏସିଆରେ ଚୀନ୍ ଓ ଜାପାନ ମଧ୍ୟରେ ସାମରିକ ତିକ୍ତତାକୁ ନେଇ ନୂ...
ବିଶ୍ୱର ମାନଚିତ୍ରକୁ ନେଇ ଆସିଛି ଏକ ବଡ଼ ଚର୍ଚ୍ଚା। ପ୍ରାୟ...
ଚୀନରେ ପ୍ରକୃତିର ତାଣ୍ଡବ ଜାରି ରହିଛି। ଘୂର୍ଣ୍ଣିଝଡ଼ &lsq...
