ଚୀନରେ ପ୍ରକୃତିର ତାଣ୍ଡବ ଜାରି ରହିଛି। ଘୂର୍ଣ୍ଣିଝଡ଼ ‘ସୌଦେଲ୍’ (Soudelor) ପ୍ରଭାବରେ ପୂର୍ବ ଚୀନର ବିଭିନ୍ନ ଅଞ୍ଚଳରେ ଲଗାତାର ପ୍ରବଳ ବର୍ଷା ହେବା ପରେ ଭୂସ୍ଖଳନ ଘଟିଛି। ଏହା ଯୋଗୁଁ ଏପର୍ଯ୍ୟନ୍ତ ୬ ଜଣଙ୍କ ମୃତ୍ୟୁ ଘଟିଥିବା ବେଳେ ୯ ଜଣ ନିଖୋଜ ଥିବା ଜଣାପଡ଼ିଛି।
ଗତ ଶନିବାର ଜିଆଙ୍ଗସି ପ୍ରଦେଶର ମିଙ୍ଗକେଙ୍ଗ ଗ୍ରାମରେ ମଡସ୍ଲାଇଡ୍ ଯୋଗୁଁ ୫ ଜଣଙ୍କ ମୃତ୍ୟୁ ଘଟିଥିଲା। ଏହା ପରେ ପୂର୍ବ ଚୀନର ଅନ୍ୟାନ୍ୟ ସ୍ଥାନରେ ମଧ୍ୟ ଭୂସ୍ଖଳନ ଘଟିଛି।
ନିକଟସ୍ଥ ଜୁଓଆନ୍ ଓ ତାଙ୍ଗହୁ ସହରରେ ଘଟିଥିବା ଅନ୍ୟ ଏକ ଭୂସ୍ଖଳନରୁ ଜଣଙ୍କ ମୃତଦେହ ଉଦ୍ଧାର କରାଯାଇଛି। ଏହି ଘଟଣାରେ ଆହୁରି ୨ ଜଣ ନିଖୋଜ ଥିବା ସୂଚନା ମିଳିଛି।
ଗତ ମାସ ଶେଷ ଆଡ଼କୁ ଚୀନର ପୂର୍ବ ଉପକୂଳରେ ‘ସୌଦେଲ୍’ ସ୍ଥଳଭାଗ ଛୁଇଁବା ପରେ ଅନେକ ଅଞ୍ଚଳରେ କ୍ରମାଗତ ଭାବେ ଅତି ପ୍ରବଳ ବର୍ଷା ହେଉଛି। ବର୍ଷା ଓ ଭୂସ୍ଖଳନକୁ ଦୃଷ୍ଟିରେ ରଖି ଅନେକ ସହରରେ ସ୍କୁଲ, କଲେଜ, ସରକାରୀ କାର୍ଯ୍ୟାଳୟ ଓ ପରିବହନ ସେବା ବନ୍ଦ ରଖାଯାଇଛି।
ମିଙ୍ଗକେଙ୍ଗ ଗ୍ରାମରେ ଭୂସ୍ଖଳନ ଯୋଗୁଁ ଅନେକ ଘର ଭାଙ୍ଗି ମାଟିରେ ମିଶିଯାଇଛି। ରାସ୍ତାଘାଟ ମଧ୍ୟ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି।
ନିଖୋଜ ଲୋକଙ୍କୁ ଖୋଜିବା ପାଇଁ ପ୍ରଶାସନ ପକ୍ଷରୁ ଉଦ୍ଧାର ଅଭିଯାନ ଜୋରଦାର କରାଯାଇଛି। ଘଟଣାସ୍ଥଳରେ ୧୭୦ରୁ ଅଧିକ ଉଦ୍ଧାରକାରୀ ନିୟୋଜିତ ହୋଇଛନ୍ତି।
ତେବେ ଲଗାତାର ବର୍ଷା ଯୋଗୁଁ ଉଦ୍ଧାର ଓ ତଲାସୀ ଅଭିଯାନରେ ବାଧା ସୃଷ୍ଟି ହେଉଛି। ନିଖୋଜ ଲୋକମାନେ ମାଟି ତଳେ ଚାପି ହୋଇ ରହିଥିବା ଆଶଙ୍କାରେ ଉଦ୍ଧାରକାରୀ ଦଳ ତଲାସୀ ଜାରି ରଖିଛନ୍ତି।
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ଭୁବନେଶ୍ୱରର ଭରତପୁର ଥାନା ଅଞ୍ଚଳରେ ଜଣେ ୨୭ ବର୍ଷୀୟା ମହିଳ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଶ୍ରୀଜଗନ୍ନାଥଙ୍କ ଜମିକୁ ନେଇ ଆସିଛି ବଡ଼ ସୂଚନା। ଦୀର୍ଘଦିନ...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ଓଡ଼ିଶାରେ ପୁଣି ବର୍ଷାର ପ୍ରକୋପ ବଢ଼ିବାର ସମ୍ଭାବନା। ବଙ୍ଗ...
ସ୍ଥାୟୀ ଚାକିରି ଓ ଉଚିତ ଦରମା ଦାବିରେ ଭୁବନେଶ୍ୱରର ଲୋୟର ପ...
