ବଲିଉଡ୍ରେ ଏବେ **‘ହନୁମାନ ଅଂଶ’**ର ସଫଳତାକୁ ନେଇ ଚର୍ଚ୍ଚା ଜୋର ଧରିଛି। ମାତ୍ର ₹୨ କୋଟିରୁ କମ୍ ବଜେଟ୍ରେ ନିର୍ମିତ ଏହି ଫିଲ୍ମ ବକ୍ସ ଅଫିସ୍ରେ ଅପେକ୍ଷାତୀତ ସଫଳତା ପାଇଛି। ଅଗଷ୍ଟ ୭ରେ ରିଲିଜ୍ ହୋଇଥିବା ଫିଲ୍ମଟି ପ୍ରଥମ ଦିନରେ ମାତ୍ର ₹୧୦ ଲକ୍ଷ ଆୟ କରିଥିଲା। କିନ୍ତୁ ପଜିଟିଭ୍ ୱର୍ଡ ଅଫ୍ ମାଉଥ୍ ପ୍ରଚାର ପରେ ଦ୍ୱିତୀୟ ସପ୍ତାହରୁ ଫିଲ୍ମର କଲେକ୍ସନ ଦ୍ରୁତ ବଢ଼ିଥିଲା।

ରିପୋର୍ଟ ଅନୁସାରେ,‘ହନୁମାନ ଅଂଶ’ ବିଶ୍ୱବ୍ୟାପୀ ₹୪୧୪ କୋଟିଆୟ କରିଥିବା ବେଳେ ଭାରତରେ ଏହାର ନେଟ୍ କଲେକ୍ସନ ₹୩୦୦ କୋଟିରୁ ଅଧିକ ହୋଇଛି। ଏହି ସଫଳତା ପରେ ମେକର୍ସ ଫିଲ୍ମର ସିକ୍ୱେଲ୍ ତିଆରି କରିବାକୁ ଘୋଷଣା କରିଛନ୍ତି।

କିନ୍ତୁ ପ୍ରଥମ ଭାଗର ବିପୁଳ ଆୟ ଦେଖି‘ହନୁମାନ ଅଂଶ ୨’ରେ ୧୦ କିମ୍ବା ୨୦ କୋଟି ଟଙ୍କା ଖର୍ଚ୍ଚ କରାଯିବ କି?ଏହି ପ୍ରଶ୍ନ ଉଠିଛି। ଏହାର ଉତ୍ତରରେ ନିର୍ମାତାଅନୁପ୍ରିୟା ନାଗରକହିଛନ୍ତି ଯେ କେବଳ ବଜେଟ୍ ବଢ଼ିଲେ ଫିଲ୍ମ ଭଲ ହୋଇଯାଏ ନାହିଁ। କାହାଣୀର ଆବଶ୍ୟକତା ଥିଲେ ମାତ୍ର ବଜେଟ୍ ବଢ଼ାଯିବ।

ଅନୁପ୍ରିୟାଙ୍କ ଅନୁସାରେ, ଦ୍ୱିତୀୟ ଭାଗକୁ ପ୍ରଥମ ଫିଲ୍ମ ଭଳି ସମାନ ବଜେଟ୍ରେ ନିର୍ମାଣ କରିବା ହେଉଛି ପ୍ରାଥମିକ ଚିନ୍ତାଧାରା। ଅଧିକ ଟଙ୍କା ଖର୍ଚ୍ଚ କରି ଅନାବଶ୍ୟକVFX କିମ୍ବା AIବ୍ୟବହାର କରିବାକୁ ମେକର୍ସ ଚାହୁଁନାହାନ୍ତି। ଏପରି କଲେ କାହାଣୀର ସ୍ୱାଭାବିକତା ଓ ପ୍ରାମାଣିକତା ପ୍ରଭାବିତ ହୋଇପାରେ ବୋଲି ସେ କହିଛନ୍ତି।

ଫିଲ୍ମର କାହାଣୀ ଯେଉଁ ସମୟକାଳକୁ ଦର୍ଶାଉଛି, ସେଠାରେ କେବଳ ଚରିତ୍ର ନୁହେଁ,ସେହି ସମୟର ପରିବେଶ, ଦୃଶ୍ୟପଟ, ଆବହା ଏବଂ ସମଗ୍ର ଜଗତକୁ ପ୍ରାମାଣିକ ଭାବେ ଦେଖାଇବାମଧ୍ୟ ଗୁରୁତ୍ୱପୂର୍ଣ୍ଣ ବୋଲି ଅନୁପ୍ରିୟା କହିଛନ୍ତି। ତେଣୁ କେବଳ ବଡ଼ ବଜେଟ୍ ରଖିବା ପରିବର୍ତ୍ତେ କାହାଣୀ ଅନୁସାରେ ଟଙ୍କା ଖର୍ଚ୍ଚ କରିବା ଉପରେ ମେକର୍ସଙ୍କ ଗୁରୁତ୍ୱ ରହିଛି।

ଅନୁପ୍ରିୟା ଆହୁରି ସ୍ପଷ୍ଟ କରିଛନ୍ତି ଯେ ପ୍ରଥମ ଫିଲ୍ମର ବଜେଟ୍ ନେଇ କିଛି ରିପୋର୍ଟରେ ପ୍ରାୟ ₹୨ କୋଟି କୁହାଯାଇଥିଲେ ମଧ୍ୟ, ଫିଲ୍ମଟି₹୧.୫ କୋଟିରୁ ସାମାନ୍ୟ ଅଧିକ ଏବଂ ₹୨ କୋଟିରୁ କମ୍ବଜେଟ୍ରେ ତିଆରି ହୋଇଥିଲା। ତିନିଜଣ ନିର୍ମାତା ସମାନ ଭାବେ ନିବେଶ କରିଥିବା ସେ କହିଛନ୍ତି।

‘ହନୁମାନ ଅଂଶ’ନିର୍ଦ୍ଦେଶନା ଦେଇଛନ୍ତିବିଶାଲ ଚତୁର୍ବେଦୀ। ଫିଲ୍ମଟି ଆଧ୍ୟାତ୍ମିକ ଗୁରୁନୀମ କରୋଲି ବାବାଙ୍କ ଜୀବନ ଉପରେ ଆଧାରିତ। ଏଥିରେଶୋଭିନାୱ ସତ୍ୟାଓଚନ୍ଦନ ଆନନ୍ଦମୁଖ୍ୟ ଭୂମିକାରେ ଥିବା ବେଳେ ଅନିଲ ରସ୍ତୋଗୀ, ପୂର୍ଣ୍ଣିମା ତିୱାରୀ, ସୁଗନ୍ଧା ମାଲହୋତ୍ରା ଓ ଅନ୍ୟମାନେ ଅଭିନୟ କରିଛନ୍ତି।

ସିକ୍ୱେଲ୍ର ରିଲିଜ୍ ତାରିଖ ସମ୍ପର୍କରେ ଏପର୍ଯ୍ୟନ୍ତ କୌଣସି ନିଶ୍ଚିତ ଘୋଷଣା ହୋଇନାହିଁ। ନିର୍ମାତାଙ୍କ କହିବା ଅନୁସାରେ, ନିର୍ଦ୍ଦେଶକ ବିଶାଲ ଚତୁର୍ବେଦୀ ଅନ୍ୟ ଏକ ଫିଲ୍ମରେ ସାଇନ୍ କରିଛନ୍ତି ଏବଂ ‘ହନୁମାନ ଅଂଶ ୨’କୁ ନେଇ ଟିମ୍ର ବିସ୍ତୃତ ଆଲୋଚନା ଏଯାଏଁ ହୋଇନାହିଁ।