ଓଡ଼ିଶାରେ ସଦ୍ୟ ଲଘୁଚାପ ଜନିତ ବର୍ଷାର ପ୍ରଭାବ ଜାରି ରହିଥିବା ବେଳେ ପୁଣି ଏକ ନୂଆ ଲଘୁଚାପ ସୃଷ୍ଟି ହେବାର ସମ୍ଭାବନା ପାଣିପାଗ ବିଶେଷଜ୍ଞଙ୍କ ଚିନ୍ତା ବଢ଼ାଇଛି। ବଙ୍ଗୋପସାଗରର ଉତ୍ତର-ପଶ୍ଚିମ ଭାଗରେ ଏହି ନୂଆ ଲଘୁଚାପ କ୍ଷେତ୍ର ସୃଷ୍ଟି ହୋଇପାରେ ବୋଲି ବିଭିନ୍ନ ପାଣିପାଗ ମଡେଲ୍ ସୂଚନା ଦେଉଛି।

ପୂର୍ବାନୁମାନ ଅନୁସାରେ,ଜୁଲାଇ ୧୨ରୁ ୧୫ମଧ୍ୟରେ ଓଡ଼ିଶାର ବିଭିନ୍ନ ଅଞ୍ଚଳରେ ବ୍ୟାପକ ବର୍ଷା ହେବାର ସମ୍ଭାବନା ରହିଛି। ବିଶେଷକରିଜୁଲାଇ ୧୪ତାରିଖରେ ସର୍ବାଧିକ ବର୍ଷା ରେକର୍ଡ ହୋଇପାରେ।

ଉତ୍ତର ଓ ଉପକୂଳ ଓଡ଼ିଶା ଏହି ବର୍ଷାରେ ଅଧିକ ପ୍ରଭାବିତ ହୋଇପାରେ। ତେବେ ଲଘୁଚାପଟି ଅଧିକ ଶକ୍ତିଶାଳୀ ହେଲେ ଦକ୍ଷିଣ ଓଡ଼ିଶାରେ ମଧ୍ୟ ପ୍ରବଳରୁ ଅତି ପ୍ରବଳ ବର୍ଷା ହେବାର ଆଶଙ୍କା ରହିଛି।

ଏହି ସମ୍ଭାବ୍ୟ ପାଣିପାଗ ପରିସ୍ଥିତିକୁ ନେଇ ବିଭିନ୍ନ ଅଞ୍ଚଳରେ ପୁଣି ଜଳବନ୍ଦୀ, ବନ୍ୟା ସ୍ଥିତି ଏବଂ ଜନଜୀବନ ବ୍ୟାହତ ହେବାର ଆଶଙ୍କା ଦେଖାଦେଇଛି। ପୂର୍ବ ଲଘୁଚାପର ପ୍ରଭାବରୁ ଏପର୍ଯ୍ୟନ୍ତ ସ୍ୱାଭାବିକ ସ୍ଥିତିକୁ ଫେରିନଥିବା ଅଞ୍ଚଳଗୁଡ଼ିକ ପାଇଁ ଏହା ଅଧିକ ଚିନ୍ତାର ବିଷୟ।

ତେବେ ଏପର୍ଯ୍ୟନ୍ତଭାରତୀୟ ପାଣିପାଗ ବିଭାଗ (IMD)ପକ୍ଷରୁ ଏହି ସମ୍ଭାବ୍ୟ ଲଘୁଚାପକୁ ନେଇ କୌଣସି ସରକାରୀ ସତର୍କ ସୂଚନା ଜାରି କରାଯାଇନାହିଁ। ତଥାପି ବିଭିନ୍ନ ଆନ୍ତର୍ଜାତୀୟ ପାଣିପାଗ ମଡେଲ୍ ଜୁଲାଇ ମଧ୍ୟଭାଗରେ ଓଡ଼ିଶାରେ ବର୍ଷାର ପ୍ରକୋପ ବଢ଼ିବାର ସଙ୍କେତ ଦେଉଛି।