ପୁରୀ ଶ୍ରୀଜଗନ୍ନାଥ ମନ୍ଦିରକୁ ଆସୁଥିବା ଭକ୍ତଙ୍କ ପାଇଁ‘ହସଲ୍-ଫ୍ରି ଅନଲାଇନ୍ ଦର୍ଶନ’ସୁବିଧା ମିଳିବ ବୋଲି ସୋସିଆଲ ମିଡିଆରେ ଏକ ବିଜ୍ଞାପନ ଭାଇରାଲ ହେଉଛି। ତେବେ ଏହି ବିଜ୍ଞାପନକୁ ସମ୍ପୂର୍ଣ୍ଣ ଭୁଲ ଓ ଭ୍ରମାତ୍ମକ ବୋଲି ଦାବି କରିଛନ୍ତି ଶ୍ରୀମନ୍ଦିର ସେବାୟତମାନେ।
ସୂଚନା ଅନୁସାରେ, ଏକ ବେସରକାରୀ ସଂସ୍ଥା ନିଜ ସୋସିଆଲ ମିଡିଆ ପେଜରେ ଏକ ପ୍ରଚାର ବିଜ୍ଞାପନ ପୋଷ୍ଟ କରିଛି। ସେଥିରେ ଦାବି କରାଯାଇଛି ଯେ,ଆସନ୍ତା ଅଗଷ୍ଟ ୧ ତାରିଖରୁଦୂରଦୂରାନ୍ତରୁ ଆସୁଥିବା ଭକ୍ତମାନଙ୍କ ପାଇଁ ଏକ ବିଶେଷ ସେବା ଆରମ୍ଭ ହେବ, ଯାହା ମାଧ୍ୟମରେ ସେମାନେ ସହଜରେ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରିପାରିବେ।
କିନ୍ତୁ ଏହି ଦାବିକୁ ଶ୍ରୀମନ୍ଦିର ସେବାୟତମାନେ ଖଣ୍ଡନ କରିଛନ୍ତି। ସେମାନଙ୍କ କହିବା ଅନୁଯାୟୀ, ଶ୍ରୀମନ୍ଦିରରେଅନଲାଇନ୍ କିମ୍ବା ବିଶେଷ ଦର୍ଶନ ପାଇଁ କୌଣସି ସରକାରୀ କିମ୍ବା ମନ୍ଦିର ପ୍ରଶାସନ ପକ୍ଷରୁ ଏପରି ସୁବିଧା ଉପଲବ୍ଧ ନାହିଁ।
ସେବାୟତମାନେ ଭକ୍ତମାନଙ୍କୁ ଏଭଳି ଭ୍ରମାତ୍ମକ ବିଜ୍ଞାପନରେ ବିଶ୍ୱାସ ନ କରିବାକୁ ଏବଂ କୌଣସି ପ୍ରକାର ଠକେଇର ଶିକାର ନ ହେବାକୁ ଅନୁରୋଧ କରିଛନ୍ତି। ସେହିପରି ଏପରି ମିଥ୍ୟା ପ୍ରଚାର କରୁଥିବା ସଂସ୍ଥା ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ଦାବି କରିଛନ୍ତି।
ଜ୍ୟେଷ୍ଠ ସେବାୟତଶ୍ୟାମ ସୁନ୍ଦର ପ୍ରତିହାରୀକହିଛନ୍ତି,"ଶ୍ରୀମନ୍ଦିର ସେବାୟତ କିମ୍ବା ମନ୍ଦିର ପ୍ରଶାସନ ପକ୍ଷରୁ ଅନଲାଇନ୍ ଦର୍ଶନର କୌଣସି ସୁବିଧା ନାହିଁ। ସୋସିଆଲ ମିଡିଆରେ ଭାଇରାଲ ହେଉଥିବା ବିଜ୍ଞାପନ ସମ୍ପୂର୍ଣ୍ଣ ଭୁଲ। ଭକ୍ତମାନେ ଧୈର୍ଯ୍ୟର ସହ ମାଗଣା ଦର୍ଶନ ପାଇଁ ଅପେକ୍ଷା କରନ୍ତୁ ଏବଂ ଏଭଳି ଭ୍ରମାତ୍ମକ ପ୍ରଚାରରୁ ଦୂରେ ରୁହନ୍ତୁ।"
ଏହି ଘଟଣାକୁ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ଏପର୍ଯ୍ୟନ୍ତ କୌଣସି ଆଧିକାରିକ ପ୍ରତିକ୍ରିୟା ଆସିନାହିଁ।
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ପୂର୍ବତନ ଅଗ୍ନିବୀରମାନଙ୍କ ଉଚ୍ଚଶିକ୍ଷା ଓ ଭଲ ରୋଜଗାର ସୁଯୋ...
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ଦିଲ୍ଲୀର ବାୟୁ ପ୍ରଦୂଷଣ ନିୟନ୍ତ୍ରଣ ପଦକ୍ଷେପ ସମୟସୀମା ମଧ୍...
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
ଭାରତ ଏବେ୬-ଜି ଟେକ୍ନୋଲୋଜିର ବିଶ୍ୱସ୍ତରୀୟ ଦୌଡ଼ରେଆହୁରି ଏ...
