ପୂର୍ବତନ ଅଗ୍ନିବୀରମାନଙ୍କ ଉଚ୍ଚଶିକ୍ଷା ଓ ଭଲ ରୋଜଗାର ସୁଯୋଗକୁ ପ୍ରୋତ୍ସାହନ ଦେବା ପାଇଁ ମଧ୍ୟପ୍ରଦେଶର ଇନ୍ଦୋରସ୍ଥିତ ସରକାରୀଦେବୀ ଅହିଲ୍ୟା ବିଶ୍ୱବିଦ୍ୟାଳୟଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି। ସେନାରେ ୪ ବର୍ଷର ସେବା ପୂରଣ କରିଥିବା ଯୋଗ୍ୟ ପୂର୍ବତନ ଅଗ୍ନିବୀରଙ୍କୁ ବିଶ୍ୱବିଦ୍ୟାଳୟ ପକ୍ଷରୁ୧୦୦ ପ୍ରତିଶତ ଟ୍ୟୁସନ୍ ଫି’ ଛାଡ଼କରାଯିବ।
ମଙ୍ଗଳବାର ବିଶ୍ୱବିଦ୍ୟାଳୟର କୁଳପତି ଡ. ରାକେଶ ସିଂଘାଇ ଏନେଇ ସୂଚନା ଦେଇଛନ୍ତି।
କୁଳପତିଙ୍କ ସୂଚନା ଅନୁସାରେ, ଏହି ସୁବିଧା ପାଇଁକୌଣସି ନିର୍ଦ୍ଧାରିତ ବୟସ ସୀମା ରଖାଯାଇନାହିଁ। ବିଶ୍ୱବିଦ୍ୟାଳୟରେ ଉପଲବ୍ଧ ପ୍ରାୟ ୨୦୦ଟି କୋର୍ସ ମଧ୍ୟରୁ ଯେକୌଣସି କୋର୍ସରେ ନାମଲେଖା ପାଇଁ ଯୋଗ୍ୟତା ହାସଲ କରିଥିବା ପୂର୍ବତନ ଅଗ୍ନିବୀରମାନେ ଏହି ଟ୍ୟୁସନ୍ ଫି’ ଛାଡ଼ର ସୁବିଧା ପାଇପାରିବେ।
ତେବେ ଏଥିପାଇଁ ଅଗ୍ନିବୀରଙ୍କୁ୪ ବର୍ଷର ସେବା ପୂରଣ କରିଥିବା ଆବଶ୍ୟକ। ଶୃଙ୍ଖଳାଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହୋଇଥିବା କିମ୍ବା ସେବାରୁ ବରଖାସ୍ତ ହୋଇଥିବା ବ୍ୟକ୍ତିଙ୍କ ପାଇଁ ଏହି ସୁବିଧା ଲାଗୁ ହେବ ନାହିଁ।
ଦେଶର ସୁରକ୍ଷା ପାଇଁ ଅଗ୍ନିବୀରମାନେ ସେମାନଙ୍କ ଜୀବନର ମୂଲ୍ୟବାନ ୪ ବର୍ଷ ସେନାରେ ସେବା କରୁଛନ୍ତି। ଏହି ସମୟରେ ଅନେକଙ୍କ ପାଇଁ ନିୟମିତ ଭାବେ ଉଚ୍ଚଶିକ୍ଷା ଜାରି ରଖିବା ସମ୍ଭବ ହୋଇନଥାଏ।
ସେବା ଶେଷ ପରେ ସେମାନେ ଯେପରି ଉଚ୍ଚଶିକ୍ଷା ହାସଲ କରି ନିଜ କ୍ୟାରିୟରକୁ ଆହୁରି ମଜବୁତ କରିପାରିବେ, ସେଥିପାଇଁ ଏହି ପଦକ୍ଷେପ ନିଆଯାଇଥିବା କୁଳପତି କହିଛନ୍ତି।
ଅଗ୍ନିବୀରଙ୍କ ପାଇଁ ଆଗାମୀ ଦିନରେନାମଲେଖାରେ ସଂରକ୍ଷଣଏବଂସ୍ୱତନ୍ତ୍ର କୋର୍ସଆରମ୍ଭ କରିବା ନେଇ ମଧ୍ୟ ବିଚାର କରାଯାଉଛି।
ଏହି ପଦକ୍ଷେପ ପୂର୍ବତନ ଅଗ୍ନିବୀରମାନଙ୍କୁ ସେନା ସେବା ପରେ ଉଚ୍ଚଶିକ୍ଷା ମାଧ୍ୟମରେ ନୂଆ କ୍ୟାରିୟର ଗଢ଼ିବାରେ ସହାୟକ ହୋଇପାରେ।
ପୁରୀ: ଓଡ଼ିଶାର ବିଶିଷ୍ଟ ଚିକିତ୍ସାବିତ୍‌ ତଥା ପଦ୍ମଶ...
ଅଷ୍ଟମ ବେତନ କମିଶନକୁ ବର୍ଷେ, ତଥାପି ଅପେକ୍ଷାରେ କର୍ମଚାରୀ...
ବାତ୍ୟା ‘ମୁରାସୁ’ ପ୍ରଭାବରେ ବଢ଼ିବ ବର୍ଷା...
ଭୁବନେଶ୍ୱର: ବାଣ ଫୁଟାଇବା ଯୋଗୁଁ ବଢ଼ୁଥିବା ପ୍ରଦୂଷଣକୁ ନି...
ବାରିପଦା: ଦେଶରେ ଡିଜିଟାଲ୍ ଇଣ୍ଡିଆ ଅଭିଯାନକୁ ଗୁରୁତ୍ୱ ଦି...
ତିନି ଦିନରେ ସେନ୍‌ସେକ୍ସ ପ୍ରାୟ ୩,୦୦୦ ପଏଣ୍ଟ ଉପରକୁ...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
କୋରାପୁଟ: ଓଡ଼ିଶା ଓ ଆନ୍ଧ୍ରପ୍ରଦେଶ ମଧ୍ୟରେ ଦୀର୍ଘଦିନ ଧରି...
