ଅନୁଗୁଳ ଜିଲ୍ଲାରେ ହାତୀ-ମଣିଷ ସଂଘର୍ଷ ଏବେ ଚାଷୀଙ୍କ ପାଇଁ ବଡ଼ ସମସ୍ୟା ହୋଇଛି। ବିଭିନ୍ନ ଅଞ୍ଚଳରେ ଜଙ୍ଗଲୀ ହାତୀପଲ ଚାଷଜମିରେ ପଶି ଧାନ ତଳି ନଷ୍ଟ କରିଥିବାରୁ ଚାଷୀଙ୍କ ମଧ୍ୟରେ ଭୟ ଓ ଆଶଙ୍କା ସୃଷ୍ଟି ହୋଇଛି।
କଞ୍ଜା ଓ ନୂଆଗାଁ ଗାଁରେ ଚାଷୀମାନେ ଚଳିତ ବର୍ଷ ଧାନ ଚାଷ ପାଇଁ ତଳି ପକାଇଥିଲେ। ତଳି ଭଲ ଭାବେ ବଢ଼ିବା ପରେ ତାହାକୁ ଉପାଡ଼ି ଜମିରେ ରୋଇବାକୁ ପ୍ରସ୍ତୁତ ହେଉଥିଲେ। ହେଲେ ହଠାତ୍ ହାତୀପଲ ଆସି ଧାନ ତଳି ଖାଇବା ସହ ଦଳିଚକଟି ନଷ୍ଟ କରିଦେଇଛନ୍ତି।
ଚାଷୀଙ୍କ କହିବା ଅନୁସାରେ, ପ୍ରତି ଏକର ପାଇଁ ପ୍ରାୟ ୭୦୦ରୁ ୮୦୦ ତଳି ପ୍ରସ୍ତୁତ କରାଯାଇଥିଲା। ଏବେ ସେଗୁଡ଼ିକ ନଷ୍ଟ ହୋଇଯିବାରୁ ପୁଣି ତଳି ପ୍ରସ୍ତୁତ କରି ଚାଷ ଆରମ୍ଭ କଲେ ଧାନ ରୋଇବାରେ ବିଳମ୍ବ ହେବା ଆଶଙ୍କା ରହିଛି। ଏହାର ପ୍ରଭାବ ଉତ୍ପାଦନ ଉପରେ ପଡ଼ିପାରେ।
ଶ୍ୟାମସୁନ୍ଦରପୁର ଓ ସାବଳଭଙ୍ଗା ଅଞ୍ଚଳରେ ମଧ୍ୟ ସମାନ ପରିସ୍ଥିତି ଦେଖାଦେଇଛି। ଚାଷୀମାନଙ୍କ କହିବା ଅନୁସାରେ, ପ୍ରାୟ ୨୦ରୁ ୨୫ଟି ହାତୀ ଥିବା ଦଳ ଏକାଠି ଚାଷଜମିରେ ପଶି ଧାନ ତଳି ଓ ଫସଲ ନଷ୍ଟ କରୁଛନ୍ତି। ନଷ୍ଟ ହୋଇଥିବା ତଳି ଜମିରେ ହାତୀଙ୍କ ପାଦଚିହ୍ନ ମଧ୍ୟ ଦେଖିବାକୁ ମିଳୁଛି।
ଫସଲ ନଷ୍ଟ ହେବାରୁ ଚାଷୀଙ୍କ ଚିନ୍ତା କେବଳ ଚାଷରେ ସୀମିତ ନାହିଁ। ପରିବାର ଚଳାଇବା, ପିଲାଙ୍କ ପାଠପଢ଼ା ଖର୍ଚ୍ଚ ଓ ଋଣ ପରିଶୋଧ କିପରି ହେବ, ସେନେଇ ଅନେକ ଚାଷୀ ଚିନ୍ତିତ ଅଛନ୍ତି।
ଅନ୍ୟପଟେ, ହାତୀ ଦ୍ୱାରା ଧାନ ତଳି ନଷ୍ଟ ହେଲେ କ୍ଷତିପୂରଣ ବ୍ୟବସ୍ଥା ଥିବା ନେଇ ବନ ବିଭାଗ କହିଛି। ବିଭାଗୀୟ ଯାଞ୍ଚ ଓ କ୍ଷୟକ୍ଷତି ଆକଳନ ପରେ ପ୍ରଭାବିତ ଚାଷୀଙ୍କୁ ପ୍ରତି ଏକର ୨୦ ହଜାର ଟଙ୍କା ପର୍ଯ୍ୟନ୍ତ କ୍ଷତିପୂରଣ ମିଳିପାରିବ।
ହାତୀଙ୍କୁ ଚାଷଜମିରୁ ଦୂରେ ରଖିବା ପାଇଁ କିଛି ଗାଁରେ ସୋଲାର ଫେନ୍ସିଂ ମଧ୍ୟ କରାଯାଇଛି। ଅନୁଗୁଳ ବନଖଣ୍ଡରେ ପ୍ରାୟ ୩୦ଟି ଯାନ ମାଧ୍ୟମରେ ପାଟ୍ରୋଲିଂ କରାଯାଉଛି। ଏହାସହ ଗଜସାଥୀ ଟିମ୍ ଓ ସ୍ୱତନ୍ତ୍ର ସ୍କ୍ୱାଡ୍କୁ ମଧ୍ୟ ହାତୀଙ୍କ ଗତିବିଧି ଉପରେ ନଜର ରଖିବାକୁ ନିୟୋଜିତ କରାଯାଇଛି।
ଅନୁଗୁଳ DFO ନୀତିଶ କୁମାର କହିଛନ୍ତି ଯେ, ଚାଷୀଙ୍କ କ୍ଷୟକ୍ଷତିର ଆକଳନ କରାଯାଇ ନିୟମ ଅନୁସାରେ କ୍ଷତିପୂରଣ ପ୍ରଦାନ କରାଯିବ।
ତେବେ ହାତୀଙ୍କ ଉପଦ୍ରବ ଯୋଗୁଁ ଧାନ ଚାଷ ଆରମ୍ଭରୁ ହିଁ ଚାଷୀଙ୍କ ଆଶା ଉପରେ ପାଣି ପଡ଼ିଛି। ଚାଷ ଓ ଜୀବିକା ସୁରକ୍ଷା ପାଇଁ ହାତୀ-ମଣିଷ ସଂଘର୍ଷର ସ୍ଥାୟୀ ସମାଧାନ ଦାବି ଜୋର ଧରିଛି।
ଚୀନ୍‌ର ଆର୍ଥିକ ଓ ରିଅଲ୍ ଇଷ୍ଟେଟ୍ କ୍ଷେତ୍ରକୁ ଦୋହଲା...
ଉତ୍ତରପ୍ରଦେଶରେ ବନ୍ୟା ପରିସ୍ଥିତି ଯୋଗୁଁ ୧୩ଟି ଜିଲ୍ଲାର ୧...
ଇଣ୍ଡୋନେସିଆର ଫ୍ଲୋରେସ୍‌ ଦ୍ୱୀପରେ ଶନିବାର ସକାଳେ ଘଟ...
ଭାରତୀୟ ବ୍ୟାଡମିଣ୍ଟନ୍ରେ ନୂଆ ଇତିହାସ ରଚିଛନ୍ତିଟ୍ରିସା ଜଲ...
ଅଷ୍ଟ୍ରେଲିଆରେ ଚର୍ଚ୍ଚିତ ‘ମଶରୁମ୍ ମର୍ଡର’ ମ...
ଭାରତ ବିପକ୍ଷ ଗାଲେ ଟେଷ୍ଟରେ ୧୬୫ ରନ୍‌ରେ ପରାଜୟ ପରେ...
ଓଡ଼ିଶାରେ ପୁଣି ଥରେ ବର୍ଷାର ପ୍ରକୋପ ବଢ଼ିବାକୁ ଯାଉଛି। ଭା...
ଭାରତୀୟ ମହିଳା ଡବଲ୍ସ ଯୋଡ଼ି ଗାୟତ୍ରୀ ଗୋପୀଚାନ୍ଦ ଓ ତ୍ରିସ...
ଦିଲ୍ଲୀର ଇନ୍ଦିରା ଗାନ୍ଧୀ ଇଣ୍ଡୋର ଷ୍ଟାଡିୟମ୍ ଏବେ BWF ବି...
ଗୁଜରାଟର ସାବରକାଣ୍ଠା ଜିଲ୍ଲାରେ ଏକ ମାସର ଶିଶୁ କନ୍ୟାକୁ ୧...
ଅଷ୍ଟ୍ରେଲିଆରେ ଚର୍ଚ୍ଚିତ ମସରୁମ୍ ହତ୍ୟାକାଣ୍ଡ ମାମଲାରେ ଦୋ...
ଗ୍ରୀନଲ୍ୟାଣ୍ଡରେ ଜଳବାୟୁ ପରିବର୍ତ୍ତନର ଆଉ ଏକ ବଡ଼ ପ୍ରଭାବ...
