ବରଗଡ଼ ଜିଲ୍ଲାର ଝାରବନ୍ଧ ବ୍ଲକ ଅଧୀନ ଦେୱାନପାଲି ଅଙ୍ଗନୱାଡି କେନ୍ଦ୍ରରେ ଜାତିଭିତ୍ତିକ ଭେଦଭାବର ଅଭିଯୋଗ ସାମ୍ନାକୁ ଆସିଛି। ଦଳିତ ସମ୍ପ୍ରଦାୟର ଜଣେ ମହିଳା ରୋଷେୟାଙ୍କ ରନ୍ଧା ଖାଦ୍ୟ ଖାଇବାକୁ କେତେକ ଗ୍ରାମବାସୀ ଅସ୍ୱୀକାର କରିଥିବା ସହ ଅଙ୍ଗନୱାଡି କେନ୍ଦ୍ରକୁ ତାଲା ପକାଇ ଦେଇଥିବା ଅଭିଯୋଗ ହୋଇଛି।
ଅଭିଯୋଗ ଅନୁସାରେ, ପଦ୍ମିନୀ ଜଗତ ନାମକ ଜଣେ ଦଳିତ ମହିଳା ପ୍ରାୟ ଦୁଇ ମାସ ପୂର୍ବରୁ ଅଙ୍ଗନୱାଡି କେନ୍ଦ୍ରର ରୋଷେୟା ଭାବେ ନିଯୁକ୍ତି ପାଇଥିଲେ। ସେ ଅଭିଯୋଗ କରିଛନ୍ତି ଯେ, କେତେକ ଗ୍ରାମବାସୀ ତାଙ୍କ ଜାତିକୁ ନେଇ ଆପତ୍ତି ଉଠାଇ ଅଭିଭାବକମାନଙ୍କୁ ପିଲାମାନଙ୍କୁ କେନ୍ଦ୍ରକୁ ନ ପଠାଇବା ଏବଂ ତାଙ୍କ ରନ୍ଧା ଖାଦ୍ୟ, ଅଣ୍ଡା ଓ ପୁଷ୍ଟିକର ଆହାର ଗ୍ରହଣ ନ କରିବାକୁ କହୁଥିଲେ।
ପଦ୍ମିନୀଙ୍କ କହିବା ଅନୁଯାୟୀ, ତାଙ୍କୁ ଚାକିରି ଛାଡ଼ିବା ପାଇଁ ଚାପ ପକାଯାଉଥିଲା। ଏପରିକି ତାଙ୍କ ବାପା ଅବଧୂତ ଜଗତଙ୍କୁ ମଧ୍ୟ ଗ୍ରାମବାସୀ ଡାକି ତାଙ୍କ ଝିଅକୁ ଇସ୍ତଫା ଦେବାକୁ କହିଥିବା ଅଭିଯୋଗ ହୋଇଛି।
ଅଭିଯୋଗ ଅନୁସାରେ, ବୁଧବାର କେତେକ ଗ୍ରାମବାସୀ ଅଙ୍ଗନୱାଡି କେନ୍ଦ୍ରରେ ତାଲା ପକାଇ ଦେଇଥିଲେ। ଫଳରେ ଛୋଟ ଛୋଟ ପିଲା, ଗର୍ଭବତୀ ମହିଳା ଓ ପ୍ରସୂତି ମା'ମାନେ ସରକାରୀ ପୁଷ୍ଟିକର ଖାଦ୍ୟ ଓ ଅନ୍ୟାନ୍ୟ ସେବାରୁ ବଞ୍ଚିତ ହୋଇଥିବା କୁହାଯାଇଛି।
ପଦ୍ମିନୀ ଜଗତ କହିଛନ୍ତି, ଗ୍ରାମବାସୀ ତାଙ୍କ ବାପାଙ୍କୁ କହିଥିଲେ ଯେ, "ଗଣ୍ଡା ଜାତିର ଲୋକଙ୍କ ରନ୍ଧା ଖାଦ୍ୟ ଆମେ କିପରି ଖାଇବୁ? ଆମ ପିଲାଙ୍କୁ ସେଠାକୁ କିପରି ପଠାଇବୁ?" ସେ ଇସ୍ତଫା ନଦେବା ପରେ କେନ୍ଦ୍ରକୁ ତାଲା ପକାଇ ଦିଆଯାଇଥିବା ଦାବି କରିଛନ୍ତି।
ଏହି ଘଟଣାକୁ ନେଇ ଝାରବନ୍ଧ ସିଡିପିଓ ସୁଷମା ପଟେଲ କହିଛନ୍ତି ଯେ, ଅଙ୍ଗନୱାଡି କର୍ମୀଙ୍କ ପକ୍ଷରୁ ଲିଖିତ ଅଭିଯୋଗ ମିଳିଛି। ଘଟଣାର ସବିଶେଷ ତଦନ୍ତ କରାଯିବ ଏବଂ ତଦନ୍ତ ରିପୋର୍ଟ ଆଧାରରେ ଆବଶ୍ୟକ ପଦକ୍ଷେପ ଗ୍ରହଣ କରାଯିବ।
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ...
ଉଚ୍ଚଶିକ୍ଷା ପାଇଁ ବଢ଼ୁଥିବା ଖର୍ଚ୍ଚ ଅନେକ ପରିବାରଙ୍କ ପାଇ...
କେନ୍ଦ୍ର ଶିକ୍ଷାମନ୍ତ୍ରୀଧର୍ମେନ୍ଦ୍ର ପ୍ରଧାନଙ୍କ ଇସ୍ତଫାପର...
ସାଗରମାଳା କାର୍ଯ୍ୟକ୍ରମ ଅଧୀନରେ ଓଡ଼ିଶା ଦେଶର ଅଗ୍ରଣୀ ରାଜ...
ଦେଶର ବିଭିନ୍ନ ସ୍ଥାନରେ ଚାଲିଥିବା ଛାତ୍ର ଆନ୍ଦୋଳନ ଏବଂ ପ୍...
ଦେଶରେ ପେଟ୍ରୋଲ ଓ ଡିଜେଲ ଦର ଲଗାତାର କିଛି ଦିନ ଧରି ସ୍ଥିର...
ଦେଶବ୍ୟାପୀ ନିଟ୍ ପରୀକ୍ଷା ବିବାଦ ଓ ଶିକ୍ଷା ବ୍ୟବସ୍ଥାକୁ ନ...
ଦେଶରେ ଚିକିତ୍ସା ଶିକ୍ଷା ଓ ସ୍ୱାସ୍ଥ୍ୟସେବାକୁ ଆହୁରି ସୁଦୃ...
ଅଦାନୀ ଗ୍ରୁପ୍‌ର ଅଦାନୀ ଏନର୍ଜି ସଲ୍ୟୁସନ୍ସ ଲିମିଟେଡ...
ରାଜଧାନୀ ଦିଲ୍ଲୀରେ ଆନ୍ଦୋଳନର ରାଜନୀତି ପୁଣିଥରେ ଚର୍ଚ୍ଚାର...
୨୦୦୪ ଲୋକସଭା ନିର୍ବାଚନ ପରେ ଡ଼. ମନମୋହନ ସିଂହଙ୍କ ନେତୃତ୍...
ଆମେରିକା ଓ ଇରାନ ମଧ୍ୟରେ ବଢ଼ୁଥିବା ସାମରିକ ସଂଘର୍ଷର ପ୍ରଭ...
