ଓଡ଼ିଶା ବିଜେପିର ସାଙ୍ଗଠନିକ କାର୍ଯ୍ୟକୁ ନେଇ ଆରମ୍ଭ ହେବାକୁ ଯାଉଛି ଗୁରୁତ୍ୱପୂର୍ଣ୍ଣ ଆଲୋଚନା। ବିଜେପିର ନବନିଯୁକ୍ତ ରାଜ୍ୟ ପ୍ରଭାରୀଡି. ପୁରନ୍ଦେଶ୍ୱରୀଦୁଇ ଦିନିଆ ଗସ୍ତରେ ଭୁବନେଶ୍ୱର ପହଞ୍ଚିଛନ୍ତି। ତାଙ୍କ ସହ ରାଜ୍ୟ ସହପ୍ରଭାରୀସ୍ୱଦେଶ ସିଂମଧ୍ୟ ଓଡ଼ିଶା ଆସିଛନ୍ତି। ନୂଆ ରାଜ୍ୟ ପ୍ରଭାରୀ ଦାୟିତ୍ୱ ନେବା ପରେ ଏହା ପୁରନ୍ଦେଶ୍ୱରୀଙ୍କ ପ୍ରଥମ ଓଡ଼ିଶା ଗସ୍ତ।v

ପୁରନ୍ଦେଶ୍ୱରୀ ପୂର୍ବରୁ ମଧ୍ୟ 2020ରୁ 2022 ପର୍ଯ୍ୟନ୍ତ ଓଡ଼ିଶା ବିଜେପିର ପ୍ରଭାରୀ ଭାବେ କାମ କରିଥିଲେ। ସେପ୍ଟେମ୍ବର 2026ରେ ଦଳୀୟ ପୁନର୍ଗଠନ ପରେ ତାଙ୍କୁ ପୁଣିଥରେ ଓଡ଼ିଶା ପ୍ରଭାରୀ ଭାବେ ନିଯୁକ୍ତ କରାଯାଇଥିଲା।

37 ସାଙ୍ଗଠନିକ ଜିଲ୍ଲାକୁ ନେଇ ଆଲୋଚନା

ଦୁଇ ଦିନିଆ ଗସ୍ତ ଅବଧିରେ ପୁରନ୍ଦେଶ୍ୱରୀ ଓ ସ୍ୱଦେଶ ସିଂ ରାଜ୍ୟ ବିଜେପିର ସାଙ୍ଗଠନିକ ସ୍ଥିତି, ଦଳୀୟ କାର୍ଯ୍ୟକ୍ରମ ଓ ତୃଣମୂଳସ୍ତରର ସକ୍ରିୟତା ଉପରେ ଆଲୋଚନା କରିବେ।37ଟି ସାଙ୍ଗଠନିକ ଜିଲ୍ଲାର ପ୍ରଭାରୀଙ୍କ ସହ ବୈଠକହେବାର କାର୍ଯ୍ୟକ୍ରମ ରହିଛି।

ଏହାସହ ମୁଖ୍ୟମନ୍ତ୍ରୀ, ରାଜ୍ୟ ବିଜେପି ସଭାପତି ଏବଂ ଦଳର ଅନ୍ୟ ବରିଷ୍ଠ ନେତାଙ୍କ ସହ ମଧ୍ୟ ସଂଗଠନ ଓ ଦଳୀୟ କାର୍ଯ୍ୟକ୍ରମ ସମ୍ପର୍କରେ ବୈଠକ ହେବାର ଯୋଜନା ରହିଛି।

ପଞ୍ଚାୟତ ନିର୍ବାଚନ ପ୍ରସ୍ତୁତି ଉପରେ ଫୋକସ୍

ଆଗାମୀ ପଞ୍ଚାୟତ ନିର୍ବାଚନକୁ ନଜରରେ ରଖି ଦଳର ତୃଣମୂଳ ସଂଗଠନକୁ ସକ୍ରିୟ କରିବା ଏବଂ ପଦାଧିକାରୀଙ୍କୁ ପ୍ରସ୍ତୁତି ସମ୍ପର୍କରେ ଦିଗଦର୍ଶନ ଦେବା ଉପରେ ମଧ୍ୟ ଗୁରୁତ୍ୱ ରହିବ। ଓଡ଼ିଶା ବିଜେପି ପୂର୍ବରୁ ମଧ୍ୟ ସ୍ଥାନୀୟ ନିର୍ବାଚନ ପୂର୍ବରୁ ବୁଥ୍ ଓ ତୃଣମୂଳ ସ୍ତରର ସଂଗଠନକୁ ମଜବୁତ କରିବା ଉପରେ କାମ କରୁଥିବା କହିଛି।

ଦଳର ସାମ୍ପ୍ରତିକ ସାଙ୍ଗଠନିକ କାର୍ଯ୍ୟକଳାପ, ଜିଲ୍ଲାସ୍ତରର ସମନ୍ୱୟ ଓ ଆଗାମୀ ରାଜନୈତିକ କାର୍ଯ୍ୟକ୍ରମକୁ ନେଇ ଏହି ଗସ୍ତକୁ ଗୁରୁତ୍ୱ ଦିଆଯାଉଛି। ଗସ୍ତ ଶେଷରେ ଦଳୀୟ ପଦାଧିକାରୀଙ୍କ ପାଇଁ କେଉଁ କାର୍ଯ୍ୟଯୋଜନା କିମ୍ବା ନିର୍ଦ୍ଦେଶ ନିର୍ଦ୍ଧାରିତ ହୁଏ, ତାହା ଉପରେ ନଜର ରହିବ।