ବିଦ୍ୟୁତ ଇତିହାସରେ ଓଡ଼ିଶାର ଏକ ଐତିହାସିକ ଅଧ୍ୟାୟର ସାକ୍ଷୀବଲାଙ୍ଗିରର ୧୯୧୧ ମସିହାର ପାୱାର ହାଉସ୍।ଦୀର୍ଘ ବର୍ଷ ଧରି ଅବହେଳିତ ହୋଇ ପଡ଼ିଥିବା ଏହି ଐତିହାସିକ କୋଠାର ସଂରକ୍ଷଣ ପାଇଁ ଏବେ ଦାବି ଜୋରଦାର ହୋଇଛି।
ବଲାଙ୍ଗିରର ପୁରୁଣା ବସ୍ଷ୍ଟାଣ୍ଡ ନିକଟରେ୧୯୧୧ ମସିହାରେ ଏହି ପାୱାର ହାଉସ୍ ପ୍ରତିଷ୍ଠା କରାଯାଇଥିଲା।ତତ୍କାଳୀନ ପାଟଣା ମହାରାଜାପୃଥ୍ୱୀରାଜ ସିଂହ ଦେଓଜର୍ମାନୀରୁ ୩ଟି ଜେନେରେଟର ଆଣି ଏହି ବିଦ୍ୟୁତ କେନ୍ଦ୍ର ସ୍ଥାପନ କରିଥିଲେ।
ଏହି ପାୱାର ହାଉସ୍ରେ ଉତ୍ପାଦିତ ବିଦ୍ୟୁତବଲାଙ୍ଗିର ହସ୍ପିଟାଲ ଓ ରାଜପ୍ରାସାଦକୁ ଯୋଗାଣହେଉଥିଲା। ଏଥିସହ ରାତି ସମୟରେ ସହରର ଷ୍ଟ୍ରିଟ୍ ଲାଇଟ୍ ଜଳାଇବା ପାଇଁ ମଧ୍ୟ ଏଠାରୁ ବିଦ୍ୟୁତ ଯାଉଥିଲା।
ଉପଲବ୍ଧ ସୂଚନା ଅନୁସାରେ,ଓଡ଼ିଶାରେ ବିଦ୍ୟୁତ ଉତ୍ପାଦନ ଓ ଯୋଗାଣ ପାଇଁ ଏଭଳି ପାୱାର ହାଉସ୍ ପ୍ରତିଷ୍ଠା ହୋଇଥିବା ପ୍ରଥମ ସ୍ଥାନ ଥିଲା ବଲାଙ୍ଗିର।ପରବର୍ତ୍ତୀ ସମୟରେ ଏହି ପାୱାର ହାଉସ୍ ବନ୍ଦ ହୋଇଯାଇଥିଲା।
ପାୱାର ହାଉସ୍ର ଇତିହାସ ସହ ଜଡ଼ିତ ୩ଟି ଜେନେରେଟରକୁ ପରବର୍ତ୍ତୀ ସମୟରେ ସରକାର ବିକ୍ରି କରିଦେଇଥିବା ଜଣାପଡ଼ିଛି। ଅନ୍ୟ କିଛି ସାମଗ୍ରୀ କଟକ ସଂଗ୍ରହାଳୟରେ ସଂରକ୍ଷିତ ଥିବା ବେଳେ ଆଉ କିଛି ଐତିହାସିକ ସାମଗ୍ରୀ ଏବେବି ପୁରୁଣା ପାୱାର ହାଉସ୍ରେ ରହିଛି।
ରକ୍ଷଣାବେକ୍ଷଣ ଅଭାବରୁ ପାୱାର ହାଉସ୍ ପରିସରର କୋଠାଗୁଡ଼ିକ ଧୀରେ ଧୀରେପରିତ୍ୟକ୍ତ ଓ ଜରାଜୀର୍ଣ୍ଣ ଅବସ୍ଥାକୁ ଚାଲିଯାଉଛି।ଏହା ସହ ଏଠାରେ ରହିଥିବା ଅବଶିଷ୍ଟ ଐତିହାସିକ ସାମଗ୍ରୀର ସଂରକ୍ଷଣକୁ ନେଇ ମଧ୍ୟ ଚିନ୍ତା ପ୍ରକାଶ ପାଇଛି।
କିଛି ଦିନ ତଳେ ଓଡ଼ିଶା ମନ୍ତ୍ରୀକେ.ଭି. ସିଂହ ଦେଓମଧ୍ୟ ଏହି ପାୱାର ହାଉସ୍ ପ୍ରସଙ୍ଗ ଉଠାଇଥିଲେ। ୧୯୧୧ରୁ ବଲାଙ୍ଗିରରେ ଜେନେରେଟର ମାଧ୍ୟମରେ ବିଦ୍ୟୁତ ଉତ୍ପାଦନ ହେଉଥିବାରୁ ଏହି ସ୍ଥାନର ଐତିହାସିକ ଗୁରୁତ୍ୱ ରହିଛି ବୋଲି ସେ କହିଥିଲେ।
ତାଙ୍କ ମତରେ, ପାୱାର ହାଉସ୍ରେ ଥିବା ଜେନେରେଟରକୁ ପରେ ହଟାଇ ସ୍କ୍ରାପ୍ ଭାବେ ବିକ୍ରି କରାଯାଇଛି। ଯଦି ଏହାକୁ ସଂଗ୍ରହାଳୟରେ ପରିଣତ କରାଯାଇଥାନ୍ତା, ତେବେ ବଲାଙ୍ଗିରର ଇତିହାସ ସମ୍ପର୍କରେ ଲୋକଙ୍କୁ ଜଣାଇବା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ସ୍ଥଳ ହୋଇପାରିଥାନ୍ତା।
ମନ୍ତ୍ରୀଙ୍କ ମନ୍ତବ୍ୟ ପରେ ଏହି ପାୱାର ହାଉସ୍ରେ ରହିଥିବାଅବଶିଷ୍ଟ ଐତିହାସିକ ସାମଗ୍ରୀ ଉଦ୍ଧାର କରି ସଂରକ୍ଷଣ କରିବାପାଇଁ ଦାବି ଜୋର ଧରିଛି।
ଏହାସହ ପୁରୁଣା ପାୱାର ହାଉସ୍କୁ ଏକଐତିହାସିକ ସଂଗ୍ରହାଳୟରେ ପରିଣତ କରିବାପାଇଁ ମଧ୍ୟ ଦାବି ହେଉଛି। ଏହା ହେଲେ ବଲାଙ୍ଗିରର ବିଦ୍ୟୁତ ଇତିହାସ ସହ ଜଡ଼ିତ ସ୍ମୃତି ଓ ଅବଶିଷ୍ଟ ସାମଗ୍ରୀକୁ ଆଗାମୀ ପିଢ଼ି ପାଇଁ ସଂରକ୍ଷିତ କରାଯାଇପାରିବ।
୧୯୯୩ ମୁମ୍ବାଇ ସିରିଏଲ ବିସ୍ଫୋରଣ ମାମଲାର ଦୋଷୀ ତଥା ଗ୍ୟାଙ...
ଲା ଲିଗାରେ ଭାଲେନ୍ସିଆ ବିପକ୍ଷରେ ବାର୍ସେଲୋନାର ବଡ଼ ବିଜୟ...
ଚେନ୍ନାଇରେ ଚାଲିଥିବା ଦୁଲୀପ ଟ୍ରଫି ୨୦୨୬ ଫାଇନାଲ୍‌ର...
ଚୀନ୍‌ ରାଷ୍ଟ୍ରପତି ସି ଜିନପିଙ୍ଗ୍‌ ଭାରତ ଆସିପ...
ଦରମା ବଢ଼ିଲା, କିନ୍ତୁ ସଞ୍ଚୟ ବଢ଼ିଲା ନାହିଁ! ଏଭଳି ଏକ ଅନ...
ଭାରତୀୟ କ୍ରିକେଟର ତିଲକ ବର୍ମା ଏବେ ରେଡ୍‌-ବଲ୍&zwnj...
ଗୁଜରାଟର ଜାମନଗରସ୍ଥିତ ଇଣ୍ଡିଆନ୍ ବ୍ୟାଙ୍କର ରଣଜିତସାଗର ରୋ...
ପାକିସ୍ତାନ କ୍ରିକେଟ୍‌ ଏବେ ଖରାପ ପ୍ରଦର୍ଶନକୁ ନେଇ ଚ...
ନିଜ ବିରୋଧରେ ଚାଲିଥିବା ଆଇନଗତ ପଦକ୍ଷେପକୁ ନେଇ ପୁଣିଥରେ ମ...
ନୂଆଦିଲ୍ଲୀରେ ହେବାକୁ ଥିବା BRICS ଶିଖର ସମ୍ମିଳନୀ ପାଇଁ ର...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ଦିଲ୍ଲୀର ସତ୍ୟ ନିକେତନ ଅଞ୍ଚଳରେ ୫ ମହଲା କୋଠା ଭୁଶୁଡ଼ି ୭...
