ନିଜ ବିରୋଧରେ ଚାଲିଥିବା ଆଇନଗତ ପଦକ୍ଷେପକୁ ନେଇ ପୁଣିଥରେ ମୁହଁ ଖୋଲିଛନ୍ତି ବିଜୟ ମାଲ୍ୟା। ସୋସିଆଲ ମିଡିଆରେ ପୋଷ୍ଟ କରି ସେ ନିଜକୁ ଅନ୍ୟାୟର ଶିକାର ହୋଇଥିବା ଦାବି କରିବା ସହ ବର୍ତ୍ତମାନର ମାନସିକ ସ୍ଥିତି ନେଇ ଦୁଃଖ ପ୍ରକାଶ କରିଛନ୍ତି।

ମାଲ୍ୟାଙ୍କ କହିବା ଅନୁଯାୟୀ, ସେ ଦୀର୍ଘ ସମୟ ଧରି ଅନେକ ଅନ୍ୟାୟ ସହିଛନ୍ତି ଏବଂ ଏବେ ମଧ୍ୟ ଏହାର ସାମ୍ନା କରୁଛନ୍ତି। ଏଭଳି ପରିସ୍ଥିତିରେ ସେ ନିଜକୁ ଏକ‘କକ୍ରୋଚ୍’ ଭଳି ଅନୁଭବ କରୁଥିବାକହିଛନ୍ତି। ଏପରିକି ଏଭଳି ଜୀବନ ବଞ୍ଚିବା ଅପେକ୍ଷା କକ୍ରୋଚ୍ ହୋଇଯିବାକୁ ସେ ପସନ୍ଦ କରିବେ ବୋଲି ପୋଷ୍ଟରେ ଉଲ୍ଲେଖ କରିଛନ୍ତି।

ବର୍ତ୍ତମାନ ଲଣ୍ଡନରେ ରହୁଥିବା ମାଲ୍ୟା ତାଙ୍କ ବିରୋଧରେ ହୋଇଥିବା ଆଇନଗତ ପଦକ୍ଷେପକୁ ନେଇ ଏହି ପ୍ରତିକ୍ରିୟା ଦେଇଛନ୍ତି। ଅନ୍ୟ ଏକ ସୋସିଆଲ ମିଡିଆ ପୋଷ୍ଟରେ ସେ ଦାବି କରିଛନ୍ତି ଯେ,୨୦୨୧ରେ ସେ ବ୍ୟାଙ୍କଗୁଡ଼ିକୁ ୧୪ ହଜାର କୋଟିରୁ ଅଧିକ ଟଙ୍କା ପରିଶୋଧ କରିଥିଲେ।

ମାଲ୍ୟା ଦାବି କରିଛନ୍ତି ଯେ, ତାଙ୍କ ଏହି ପରିଶୋଧ ସମ୍ପର୍କିତ କଥା ପ୍ରବର୍ତ୍ତନ ନିର୍ଦ୍ଦେଶାଳୟ (ED) ପକ୍ଷରୁ କୋର୍ଟରେ ଦାଖଲ ହୋଇଥିବା ସତ୍ୟପାଠରେ ମଧ୍ୟ ନିଶ୍ଚିତ କରାଯାଇଛି। ଲୋକେ ତାଙ୍କ କଥାରେ ବିଶ୍ୱାସ ନ କଲେ ମଧ୍ୟ ଚଳିବ, କିନ୍ତୁ ED କୋର୍ଟରେ କ’ଣ କହିଛି ତାହା ଉପରେ ଧ୍ୟାନ ଦେବା ଉଚିତ ବୋଲି ସେ କହିଛନ୍ତି।

ସୂଚନାଯୋଗ୍ୟ, ଅକ୍ଟୋବର ୨୦୨୫ରେ ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଲୋକସଭାରେ କହିଥିଲେ ଯେ, ବିଜୟ ମାଲ୍ୟାପଳାତକ ଆର୍ଥିକ ଅପରାଧୀ ଆଇନ, ୨୦୧୮ଅନୁଯାୟୀ ପଳାତକ ଆର୍ଥିକ ଅପରାଧୀ ଘୋଷିତ ୧୫ ଜଣଙ୍କ ମଧ୍ୟରେ ଅଛନ୍ତି।