ଗଞ୍ଜାମ ଜିଲ୍ଲାର ବ୍ରହ୍ମପୁର ସରକାରୀ ଆଇଟିଆଇ (ITI)ର ଛାତ୍ରଛାତ୍ରୀମାନେ ପରିତ୍ୟକ୍ତ ଧାତୁ ଓ ଯାନ୍ତ୍ରିକ ଉପକରଣକୁ ବ୍ୟବହାର କରି ଶ୍ରୀଜଗନ୍ନାଥଙ୍କ ଏକ ଆକର୍ଷଣୀୟ ପ୍ରତିମା ନିର୍ମାଣ କରି ସମସ୍ତଙ୍କ ପ୍ରଶଂସା ସାଉଁଟିଛନ୍ତି।
ଫିଟର, ୱେଲ୍ଡର ଏବଂ ପେଣ୍ଟର ବିଭାଗର ୩୦ରୁ ଅଧିକ ଛାତ୍ରଛାତ୍ରୀ ପ୍ରାୟ ଏକ ମାସ ଧରି ମିଳିତ ଭାବେ ଏହି ସ୍ୱତନ୍ତ୍ର କଳାକୃତିକୁ ପ୍ରସ୍ତୁତ କରିଛନ୍ତି।
ଏହି ପ୍ରତିମା ତିଆରିରେ ମୋଟରସାଇକେଲ ଓ ସାଇକେଲ ଚେନ୍, ବାଇକ୍ କ୍ରାଙ୍କ, ସ୍ପ୍ରୋକେଟ୍, ବେୟାରିଂ, ଫ୍ରିୱିଲ୍ ସହ ବିଭିନ୍ନ ପରିତ୍ୟକ୍ତ ଯାନ୍ତ୍ରିକ ସାମଗ୍ରୀ ବ୍ୟବହାର କରାଯାଇଛି। ମୁହଁର ଆକୃତି ପାଇଁ ଧାତୁ ସିଟ୍ ବ୍ୟବହାର କରାଯାଇଥିବାବେଳେ ଶରୀରର ବିଭିନ୍ନ ଅଂଶରେ ଚେନ୍, କ୍ରାଙ୍କ ଓ ଅନ୍ୟାନ୍ୟ ମେକାନିକାଲ୍ ପାର୍ଟସ୍ ଲଗାଯାଇଛି।
ପ୍ରାୟ ୬ ଫୁଟ ଉଚ୍ଚ ଏବଂ ୨୫୦ରୁ ୩୦୦ କିଲୋଗ୍ରାମ ଓଜନର ଏହି ପ୍ରତିମା ସହ ଛାତ୍ରଛାତ୍ରୀମାନେ ଭଗବାନ ହନୁମାନଙ୍କ ଏକ ପ୍ରତିମା ମଧ୍ୟ ନିର୍ମାଣ କରିଛନ୍ତି।
ପୂର୍ବରୁ ଆଇଟିଆଇ ପରିସରରେ ସ୍କ୍ରାପ୍ରୁ ନିର୍ମିତ ରଥ ସମସ୍ତଙ୍କ ଆକର୍ଷଣର କେନ୍ଦ୍ର ହୋଇଥିଲା। ସେହି ପ୍ରେରଣାରୁ ଏଥର ଶ୍ରୀଜଗନ୍ନାଥଙ୍କ ପ୍ରତିମା ତିଆରି କରାଯାଇଛି।
ଛାତ୍ରୀ ବନ୍ଦନା ନାୟକ କହିଛନ୍ତି ଯେ, ଫିଟର ଓ ୱେଲ୍ଡର ବିଭାଗର ଛାତ୍ରମାନେ ପ୍ରତିମାର ଗଠନ କରିଥିବାବେଳେ ପେଣ୍ଟର ବିଭାଗର ଛାତ୍ରଛାତ୍ରୀମାନେ ଏହାକୁ ରଙ୍ଗ ଦେଇ ଆକର୍ଷଣୀୟ ରୂପ ପ୍ରଦାନ କରିଛନ୍ତି।
ଅନ୍ୟ ଜଣେ ଛାତ୍ରୀ ମୀରା ପାତ୍ର କହିଛନ୍ତି, ଏଭଳି 'ୱେଷ୍ଟ-ଟୁ-ୱେଲ୍ଥ' ପ୍ରକଳ୍ପ ମାଧ୍ୟମରେ ପରିତ୍ୟକ୍ତ ସାମଗ୍ରୀର ସଦ୍ବ୍ୟବହାର ସହିତ ଛାତ୍ରଛାତ୍ରୀଙ୍କ ବୈଷୟିକ ଦକ୍ଷତାର ମଧ୍ୟ ବିକାଶ ହୋଇଥାଏ।
ଆଇଟିଆଇର ଅଧ୍ୟକ୍ଷ ଓ ଶିକ୍ଷକମାନଙ୍କ କହିବାନୁସାରେ, ଏଭଳି ପ୍ରକଳ୍ପ ଛାତ୍ରଛାତ୍ରୀଙ୍କ ବ୍ୟବହାରିକ ଜ୍ଞାନ, ସୃଜନଶୀଳତା ଓ ଆତ୍ମବିଶ୍ୱାସକୁ ବଢ଼ାଇଥାଏ। ଭବିଷ୍ୟତରେ ଏହା ସେମାନଙ୍କୁ ରୋଜଗାର ଏବଂ ସ୍ୱାବଲମ୍ବୀ ହେବାରେ ମଧ୍ୟ ସହାୟକ ହେବ।
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
ଆଷ୍ଟନ୍ ଭିଲା ପାଇଁ ଚଳିତ ପ୍ରିମିୟର ଲିଗ୍ ସିଜନର ଆରମ୍ଭ ଆଶ...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ନ୍ୟୁୟର୍କ: US Open 2026 ଦ୍ୱିତୀୟ ସପ୍ତାହରେ ପହଞ୍ଚିଛି।...
ଅଲିମ୍ପିକ୍ ଲଙ୍ଗ୍ ଜମ୍ପ୍ ଚାମ୍ପିଅନ୍ତାରା ଡେଭିସ୍-ଉଡହଲ୍କା...
ନ୍ୟୁୟର୍କ: ୟୁଏସ୍‌ ଓପନ୍‌ରେ ଭାରତୀୟ ଟେନିସ୍&z...
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
