ଭଦ୍ରକ, ଅଗଷ୍ଟ ୨୦:ଭଦ୍ରକ ଜିଲ୍ଲା ବାସୁଦେବପୁର ବ୍ଲକରେ ମାସେ ହେଲା ବନ୍ୟା ପରିସ୍ଥିତି ଲାଗି ରହିଛି। ଏହାର ପ୍ରଭାବରେ ଅନେକ ପରିବାରଙ୍କ ସାଧାରଣ ଜୀବନଯାପନ ଗୁରୁତର ଭାବେ ବାଧାପ୍ରାପ୍ତ ହୋଇଛି। ଘର, ରାସ୍ତା ଓ ଚାଷଜମି ପାଣିରେ ବୁଡ଼ି ରହିଥିବାରୁ ଯାତାୟାତ ପାଇଁ ଲୋକଙ୍କୁ ଏବେବାଉଁଶ ଭେଳାହିଁ ଭରସା କରିବାକୁ ପଡ଼ୁଛି।
ହସ୍ପିଟାଲ ଯିବା, ବଜାରକୁ ଯିବା ଠାରୁ ଆରମ୍ଭ କରି ସ୍କୁଲ ଯିବା ପର୍ଯ୍ୟନ୍ତ ଲୋକେ ଏହି ଅସ୍ଥାୟୀ ଭେଳା ବ୍ୟବହାର କରୁଛନ୍ତି।
ବନ୍ୟା ପ୍ରଭାବିତ ଅଞ୍ଚଳରେ ସ୍କୁଲ ଖୋଲିଥିଲେ ମଧ୍ୟ ପିଲାମାନଙ୍କ ଯାତାୟାତ ଏବେ ବଡ଼ ସମସ୍ୟା ପାଲଟିଛି। କେତେକ ସ୍ଥାନରେ ଅଣ୍ଟାଏ ପାଣି ରହିଥିବାରୁ ଛାତ୍ରଛାତ୍ରୀ ବାଉଁଶ ଭେଳାରେ ସ୍କୁଲ ଯିବାଆସିବା କରୁଛନ୍ତି। କେତେକ ପିଲା ନିଜେ ତିଆରି କରାଯାଇଥିବା ବାଉଁଶ ଭେଳାକୁ କାଠି ଭଳି ଅସ୍ଥାୟୀ ଆହୁଳା ସାହାଯ୍ୟରେ ଚଳାଉଥିବା ଜଣାପଡ଼ିଛି।
ଏହାକୁ ନେଇ ଲୋକଙ୍କ ମଧ୍ୟରେ ପିଲାଙ୍କ ସୁରକ୍ଷାକୁ ନେଇ ଚିନ୍ତା ବଢ଼ିଛି। ଜଣେ ମହିଳାଙ୍କ ଅଭିଯୋଗ ଅନୁସାରେ, ନିକଟରେ ଜଣେ ପିଲା ବାଉଁଶ ଭେଳାରୁ ଖସି ପଡ଼ିଥିଲା।
ସ୍ଥାନୀୟ ଲୋକଙ୍କ ଅଭିଯୋଗ ଅନୁସାରେ, ଗତ ଏକ ମାସ ମଧ୍ୟରେ ଅଞ୍ଚଳରେ୪ ଥର ବନ୍ୟାଆସିଛି। ଲଘୁଚାପଜନିତ ବର୍ଷା ଓ ପରବର୍ତ୍ତୀ ବନ୍ୟା ଯୋଗୁଁ ଚାଷଜମି ନଷ୍ଟ ହେବା ସହ ଅନେକ ପରିବାର ଘର ଛାଡ଼ି ସୁରକ୍ଷିତ ଓ ଉଚ୍ଚ ସ୍ଥାନକୁ ଯିବାକୁ ବାଧ୍ୟ ହୋଇଥିଲେ।
କିଛି ସ୍ଥାନରେ ପାଣି କମିଥିଲେ ମଧ୍ୟ ସମସ୍ୟା କମିନାହିଁ। ଘରକୁ ଫେରିଥିବା ଲୋକଙ୍କ ଘର ଭିତରେ ଏବେ ମଧ୍ୟ ପାଣି ଓ କାଦୁଅ ଜମି ରହିଛି। ବ୍ଲକର ଅନେକ ଅଞ୍ଚଳରେ ଜଳବନ୍ଦୀ ସ୍ଥିତି ଜାରି ରହିଛି।
ବହୁ ପରିବାରଙ୍କ ଘର ଭିତରେ ଶୁଖିଲା ସ୍ଥାନ ନଥିବା ଅଭିଯୋଗ ହୋଇଛି। ଲୋକେ ପାଣି ଉପରେ ଉଚ୍ଚା ମଞ୍ଚ ତିଆରି କରି ରୋଷେଇ କରୁଛନ୍ତି। ପିଲାମାନଙ୍କୁ ନେଇ ଅଧିକାଂଶ ସମୟ ଖଟ ଉପରେ ବସିବାକୁ ପଡ଼ୁଛି।
ଜଗନ୍ନାଥପ୍ରସାଦ ପଞ୍ଚାୟତ ଅଧୀନ ଦଧିଛିବାମନପୁର ଗାଁରେ ମଧ୍ୟ ବନ୍ୟା ପରବର୍ତ୍ତୀ ସ୍ଥିତି ଚିନ୍ତାଜନକ ରହିଛି। ବନ୍ୟାର ତୀବ୍ରତା କିଛିଟା କମିଥିଲେ ମଧ୍ୟ ଲୋକଙ୍କ ଦୁର୍ଦ୍ଦଶା ଜାରି ରହିଛି।
ସ୍ଥାନୀୟ ବୃଦ୍ଧା ହରାମଣି ପାଲେଇ କହିଛନ୍ତି ଯେ, ସେ ଏକା ରହୁଥିବାରୁ ଘର ଭାଙ୍ଗିଯିବା ପରେ ଅନ୍ୟ ଜଣଙ୍କ ଚାଳଘରେ ପରିବାର ସହ ଆଶ୍ରୟ ନେଇଛନ୍ତି। ପ୍ରାୟ ୮ରୁ ୧୦ ଦିନ ହେଲା ସେ ସେଠାରେ ରହୁଛନ୍ତି ଏବଂ ଅଞ୍ଚଳରେ ୧୫ ଦିନରୁ ଅଧିକ ସମୟ ଧରି ବନ୍ୟା ପରିସ୍ଥିତି ରହିଥିବା ସେ କହିଛନ୍ତି।
ଏହି ସମସ୍ୟା ନେଇ ସ୍ଥାନୀୟ ପ୍ରଶାସନର କୌଣସି ପ୍ରତିକ୍ରିୟା ମିଳିନଥିବା ସୂଚନା ରହିଛି।
ଅଷ୍ଟ୍ରେଲିଆରେ ଚର୍ଚ୍ଚିତ ମସରୁମ୍ ହତ୍ୟାକାଣ୍ଡ ମାମଲାରେ ଦୋ...
ଚୀନ୍‌ର ଆର୍ଥିକ ଓ ରିଅଲ୍ ଇଷ୍ଟେଟ୍ କ୍ଷେତ୍ରକୁ ଦୋହଲା...
୦୦ ଦିନିଆ ଟିବି ମୁକ୍ତ ଭାରତ ଅଭିଯାନର ସଫଳତା ଓ ଆଗାମୀ ରଣନ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ଗୁଜରାଟର ସାବରକାଣ୍ଠା ଜିଲ୍ଲାରେ ଏକ ମାସର ଶିଶୁ କନ୍ୟାକୁ ୧...
ଓଡ଼ିଶାର ସାମ୍ବାଦିକମାନଙ୍କ ସ୍ୱାସ୍ଥ୍ୟ ବୀମା ସୁବିଧାକୁ ନେ...
ଅଷ୍ଟ୍ରେଲିଆରେ ଚର୍ଚ୍ଚିତ ‘ମଶରୁମ୍ ମର୍ଡର’ ମ...
ଓଡ଼ିଶାରେ କ୍ୟାନ୍ସର ରୋଗୀଙ୍କ ପାଇଁ ଚିକିତ୍ସା ସୁବିଧାକୁ ଆ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମ...
