ବାଲିହନ୍ତାରେGRP କନଷ୍ଟେବଳ ସୌମ୍ୟରଞ୍ଜନ ସ୍ୱାଇଁଙ୍କ ମୃତ୍ୟୁ ଘଟଣା ନୂଆ ମୋଡ଼ ନେଇଛି। ଶନିବାର ଆଉ ଦୁଇଜଣଙ୍କୁ ପଚରାଉଚରା ପାଇଁ ଅଟକ ରଖାଯାଇଥିବାବେଳେ ଏପର୍ଯ୍ୟନ୍ତ ମୋଟ ୧୧ ଜଣଙ୍କୁ ଗିରଫ କରାଯାଇଛି। ଘଟଣାକୁ ନେଇ ମୃତକଙ୍କ ସାଙ୍ଗ ଓ ପରିବାର ପକ୍ଷରୁ ପୋଲିସ୍‌ କାର୍ଯ୍ୟପ୍ରଣାଳୀ ଓ ଆକ୍ରମଣ ପଛର ସତ୍ୟତା ନେଇ ଅନେକ ପ୍ରଶ୍ନ ଉଠିଛି।

ସୌମ୍ୟଙ୍କ ସାଙ୍ଗ ଓମ୍‌ ପ୍ରକାଶଙ୍କ କହିବା ଅନୁଯାୟୀ, ଘଟଣା ସମୟରେ ସୌମ୍ୟ ହଠାତ୍‌ ଅସାମାନ୍ୟ ବ୍ୟବହାର କରିଥିଲେ ଓ ଜଣେ ଯୁବତୀଙ୍କୁ ଆକ୍ରମଣ କରିଥିଲେ। କିନ୍ତୁ attempted rape କିମ୍ବା ଅନ୍ୟ ଗୁରୁତର ଅଭିଯୋଗକୁ ସେ ଖଣ୍ଡନ କରିଛନ୍ତି। ଓମ୍‌ ପ୍ରକାଶ ଦାବି କରିଛନ୍ତି ଯେ, ପୋଲିସ୍‌ ସମୟରେ ଉପସ୍ଥିତ ଥିଲେ ମଧ୍ୟ ଭିଡ଼ ହାତରୁ ସୌମ୍ୟଙ୍କୁ ରକ୍ଷା କରିବାରେ ବିଫଳ ହୋଇଥିଲେ।

ସୌମ୍ୟଙ୍କ ପିତା ମଧ୍ୟ ପୋଲିସ୍‌ ତଦନ୍ତ ଓ ଗିରଫ ସଂଖ୍ୟା ଉପରେ ପ୍ରଶ୍ନ ଉଠାଇ କହିଛନ୍ତି ଯେ, ୪୦ରୁ ୫୦ ଜଣ ଲୋକ ତାଙ୍କ ପୁଅଙ୍କୁ ମାଡ଼ ମାରିଥିବାବେଳେ କେବଳ ଅଳ୍ପ କିଛି ଲୋକଙ୍କୁ ଗିରଫ କରାଯାଇଛି। ସେ attempted rape ଅଭିଯୋଗକୁ ମଧ୍ୟ ଖଣ୍ଡନ କରିଛନ୍ତି।

ଘଟଣାଟି ବର୍ତ୍ତମାନ ଆଇନ-ଶୃଙ୍ଖଳା, ଭିଡ଼ ହିଂସା ଓ ପୋଲିସ୍‌ ଭୂମିକାକୁ ନେଇ ଗଭୀର ଚର୍ଚ୍ଚାର ସୃଷ୍ଟି କରିଛି। ଅଞ୍ଚଳରେ ଉତ୍ତେଜନା ଜାରି ରହିଥିବାବେଳେ, ପରିବାର ପକ୍ଷରୁ କଡ଼ା ଆଇନଗତ କାର୍ଯ୍ୟାନୁଷ୍ଠାନ ଓ ସରକାରୀ ସହାୟତା ଦାବି କରାଯାଇଛି