ଓଡ଼ିଶାର ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳରେ ଜଣେ ୧୪ ବର୍ଷୀୟ ବାଳକଙ୍କ ମୃତ୍ୟୁକୁ ନେଇ ଏକ ନାଟକୀୟ ମୋଡ଼ ଦେଖିବାକୁ ମିଳିଛି। ଅନ୍ତିମ ସଂସ୍କାର ପାଇଁ ଶବଯାତ୍ରା ଶ୍ମଶାନ ଅଭିମୁଖେ ଯାଉଥିବା ବେଳେ ପରିବାର ସଦସ୍ୟମାନେ ହଠାତ୍ ମୃତଦେହକୁ ଫେରାଇ ଆଣି ପୋଷ୍ଟମର୍ଟମ କରିବାକୁନିଷ୍ପତ୍ତି ନେଇଥିଲେ।
ମୃତ ବାଳକ ଜଣକ ନୀଳଗିରି ଥାନା ଅନ୍ତର୍ଗତ ପାଟଣା ଗ୍ରାମର କିଶୋର ରଣାଙ୍କ ପୁଅ ବୋଲି ଜଣାପଡ଼ିଛି। ସୂଚନା ଅନୁଯାୟୀ, ବାଳକ ଜଣକ ଘରେ ଶୋଇଥିବା ବେଳେ ହଠାତ୍ ଅସୁସ୍ଥ ହୋଇପଡ଼ିଥିଲେ।
ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଦେଖିଥିଲେ ଏବଂ ତାଙ୍କ ନାକ ଓ ପାଟିରୁ ଫେଣ ବାହାରୁଥିବା ଲକ୍ଷ୍ୟ କରିଥିଲେ। ପରେ ତାଙ୍କୁ ତୁରନ୍ତ ନୀଳଗିରି ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଡାକ୍ତରଖାନାରୁ ମୃତଦେହ ଗାଁକୁ ଆଣିବା ପରେ ପରିବାର ଅନ୍ତିମ ସଂସ୍କାର ପାଇଁ ପ୍ରସ୍ତୁତି କରିଥିଲେ। ଶବଯାତ୍ରା ଶ୍ମଶାନ ଅଭିମୁଖେ ଯାଉଥିବା ବେଳେ କିଛି ସମ୍ପର୍କୀୟ ଓ ଗ୍ରାମବାସୀ ମୃତ୍ୟୁର ପ୍ରକୃତ କାରଣ ଜାଣିବା ପାଇଁ ପୋଷ୍ଟମର୍ଟମ କରିବାକୁ ପରାମର୍ଶ ଦେଇଥିଲେ।
ମୃତ ବାଳକଙ୍କ ବାପା କିଶୋର ରଣା କହିଛନ୍ତି, “ମୋ ପୁଅର ନାକ ଓ ପାଟିରୁ ଫେଣ ବାହାରୁଥିଲା। ଡାକ୍ତରଖାନାରେ ତାକୁ ମୃତ ଘୋଷଣା କରାଯିବା ପରେ ଆମେ ଶେଷକୃତ୍ୟ ପାଇଁ ଘରକୁ ନେଇ ଆସିଥିଲୁ। କିନ୍ତୁ ପରିବାର ସଦସ୍ୟମାନେ ମୃତ୍ୟୁର କାରଣ ଜାଣିବା ପାଇଁ ମୟନାତଦନ୍ତ କରିବାକୁ ପରାମର୍ଶ ଦେବାରୁ ଆମେ ସେହି ନିଷ୍ପତ୍ତି ନେଇଥିଲୁ।”
ଘଟଣା ପରେ ଗ୍ରାମବାସୀମାନେ ଏକ ଆମ୍ବୁଲାନ୍ସ ବ୍ୟବସ୍ଥା କରି ମୃତଦେହକୁ ପୁଣିଥରେ ଡାକ୍ତରଖାନାକୁ ପଠାଇଥିଲେ। ପୋଷ୍ଟମର୍ଟମ ରିପୋର୍ଟ ମିଳିଲେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ ବୋଲି ସେମାନେ ଆଶା ପ୍ରକାଶ କରିଛନ୍ତି।
ଏହି ଘଟଣା ପରେ ନୀଳଗିରି ପୁଲିସ ଗ୍ରାମରେ ପହଞ୍ଚି ଏକ ପ୍ରାଥମିକ ରିପୋର୍ଟ ପ୍ରସ୍ତୁତ କରିବା ସହ ଆଇନଗତ ତଦନ୍ତ ପ୍ରକ୍ରିୟା ଆରମ୍ଭ କରିଛି।
ସୂତ୍ର ଅନୁଯାୟୀ, ଶନିବାର ପୋଷ୍ଟମର୍ଟମସମ୍ପନ୍ନ ହେବା ପରେ ମୃତଦେହ ପରିବାରକୁ ହସ୍ତାନ୍ତର କରାଯିବ ଏବଂ ତା'ପରେ ଅଧାରେ ଅଟକିଥିବା ଅନ୍ତିମ ସଂସ୍କାର କାର୍ଯ୍ୟ ସମ୍ପନ୍ନ ହେବ।
ତାମିଲନାଡୁ ରାଜନୀତିରେ ପୁଣି ଥରେ ଚର୍ଚ୍ଚାର କେନ୍ଦ୍ରବିନ୍ଦ...
ମୌସୁମୀ ଅଧିବେଶନ ପୂର୍ବରୁ କେନ୍ଦ୍ର ମନ୍ତ୍ରୀମଣ୍ଡଳରେ ସମ୍ଭ...
ଚଳିତ ଫୁଟବଲ୍ ବିଶ୍ୱକପ୍ରେ ଶୁକ୍ରବାର ଖେଳାଯାଇଥିବା ଗ୍ରୁପ୍...
ନୂଆଦିଲ୍ଲୀ: ଇବୋଲା ଭାଇରସ୍ ସଂକ୍ରମଣର ଆଶଙ୍କାକୁ ନଜରରେ ରଖ...
ଆଗାମୀ ବିଧାନସଭା ଓ ସାଧାରଣ ନିର୍ବାଚନ ପୂର୍ବରୁ କଂଗ୍ରେସ ଦ...
ବେଲଫାଷ୍ଟରେ ଖେଳାଯାଇଥିବା ଭାରତ-ଆୟରଲାଣ୍ଡ ପ୍ରଥମ ଟି-୨୦ ମ...
ନେଦରଲ୍ୟାଣ୍ଡରେ ପ୍ରଥମ ଥର ପାଇଁ ୧୨ ବର୍ଷରୁ କମ୍ ବୟସର ଜଣେ...
ୟୁଏସ୍ ଓପନ୍ ବ୍ୟାଡ୍ମିଣ୍ଟନ୍ ପ୍ରତିଯୋଗିତାରେ ଭାରତୀୟ ଯୁବ...
ପଶ୍ଚିମବଙ୍ଗ ନିର୍ବାଚନରେ ଉଲ୍ଲେଖନୀୟ ସଫଳତା ପରେ ଭାରତୀୟ ଜ...
ସୁସ୍ଥ ଓ ସକ୍ରିୟ ଜୀବନ ପାଇଁ ସନ୍ତୁଳିତ ଖାଦ୍ୟାଭ୍ୟାସର ଭୂମ...
ଫିଫା ବିଶ୍ୱକପ୍ ୨୦୨୬ରେ ପ୍ରଥମ ଥର ପାଇଁ ଅଂଶଗ୍ରହଣ କରୁଥିବ...
ବର୍ତ୍ତମାନ ସମୟରେ ସ୍ମାର୍ଟଫୋନ୍ ବିନା ଜୀବନ କଳ୍ପନା କରିବା...
