ତାମିଲନାଡୁ ରାଜନୀତିରେ ପୁଣି ଥରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ମୁଖ୍ୟମନ୍ତ୍ରୀ ସି. ଜୋସେଫ୍ ବିଜୟ। ବିଧାନସଭାରେ ତାଙ୍କ ଏକ ବିଶେଷ ଭଙ୍ଗୀକୁ ନେଇ ଶାସକ TVK ଓ ବିରୋଧୀ DMK ମଧ୍ୟରେ ବାକ୍ଯୁଦ୍ଧ ଆରମ୍ଭ ହୋଇଛି।
ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବର ଉତ୍ତର ରଖୁଥିବା ବେଳେ ବିଜୟ ପୂର୍ବତନ ମୁଖ୍ୟମନ୍ତ୍ରୀ ଏମ.କେ. ଷ୍ଟାଲିନଙ୍କ ଭାଇରାଲ୍ ‘ହାତ ସ୍ଲାସିଙ୍ଗ୍’ ଭଙ୍ଗୀକୁ ନକଲ କରିଥିଲେ। ସେତେବେଳେ DMK ସଦସ୍ୟମାନେ ଗୃହରୁ କକ୍ଷତ୍ୟାଗ କରିସାରିଥିଲେ।
ବିଜୟ ବାଚସ୍ପତି ଜେ.ସି.ଡି. ପ୍ରଭାକରଙ୍କ ଅନୁମତି ନେଇ ହସି ହସି ସେହି ଭଙ୍ଗୀ ପ୍ରଦର୍ଶନ କରିଥିଲେ। ତାଙ୍କ ଏହି ଅଭିନୟକୁ ଶାସକ ଦଳର ବିଧାୟକମାନେ ଟେବୁଲ୍ ବାଡ଼େଇ ସ୍ୱାଗତ କରିଥିଲେ।
ଏହାପୂର୍ବରୁ ବିଜୟ ବିରୋଧୀ ଦଳ ନେତା ଉଦୟନିଧି ଷ୍ଟାଲିନଙ୍କୁ କଟାକ୍ଷ କରି କହିଥିଲେ ଯେ, “ପାପ ବିଷୟରେ ସୈତାନମାନେ କଥା ହେବା ଉଚିତ ନୁହେଁ।” ଏହି ମନ୍ତବ୍ୟ ମଧ୍ୟ ରାଜନୈତିକ ମହଳରେ ଚର୍ଚ୍ଚାର ବିଷୟ ପାଲଟିଛି।
ଘଟଣା ପରେ DMK ତୀବ୍ର ପ୍ରତିକ୍ରିୟା ଦେଇ କହିଛି ଯେ, ବିଜୟ ବିଧାନସଭାକୁ ଏକ ଫିଲ୍ମ ସେଟ୍ ପରିଣତ କରିଦେଇଛନ୍ତି। ଦଳ ଅଭିଯୋଗ କରିଛି ଯେ, ରାଜ୍ୟର ବିଦ୍ୟୁତ ସମସ୍ୟା, ଚାଷୀଙ୍କ ଦୁର୍ଦ୍ଦଶା ଓ ନିର୍ବାଚନୀ ପ୍ରତିଶ୍ରୁତିପରି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଉତ୍ତର ନଦେଇ ମୁଖ୍ୟମନ୍ତ୍ରୀ ନାଟକୀୟ ଆଚରଣ କରୁଛନ୍ତି।
DMK ଆହୁରି କହିଛି ଯେ, ବିଜୟ ଜଣେ ଅଭିନେତା ଭାବେ ନୁହେଁ, ରାଜ୍ୟର ମୁଖ୍ୟମନ୍ତ୍ରୀ ଭାବେ ଅଧିକ ଗମ୍ଭୀରତା ଦେଖାଇବା ଉଚିତ। ଏହି ଘଟଣା ପରେ ତାମିଲନାଡୁରେ ରାଜନୀତି ଓ ସିନେମାର ମିଶ୍ରଣକୁ ନେଇ ନୂଆ ଚର୍ଚ୍ଚା ଆରମ୍ଭ ହୋଇଛି।
ଇଣ୍ଡୋନେସିଆର ଆନାକ୍ କ୍ରାକାଟୋଆ ଆଗ୍ନେୟଗିରି ରବିବାର ପୁଣି...
କେନ୍ଦୁଝର: କେନ୍ଦୁଝର ଜିଲ୍ଲାର NH-49ରେ ଘଟିଛି ଭୟଙ୍କର ସଡ...
ୱାଶିଂଟନ୍: ଇରାନ ସହ ଚାଲିଥିବା ଯୁଦ୍ଧ ସମ୍ପର୍କିତ ଆମେରିକୀ...
ଭଦ୍ରକ:ଗୋଟିଏ ଗଛକୁ ନେଇ ଭଦ୍ରକ ଜିଲ୍ଲା ଚାନ୍ଦବାଲି ଅଞ୍ଚଳର...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଭୁବନେଶ୍ୱର: ଆଗକୁ ପଞ୍ଚାୟତ ନିର୍ବାଚନ। ଏହାପୂର୍ବରୁ ଓଡ଼ିଶ...
ଭୁବନେଶ୍ୱର: ନୂଆଦିଲ୍ଲୀରେ ନୂଆ ଓଡ଼ିଶା ଭବନ ନିର୍ମାଣକୁ ନେ...
ଆମେରିକାର ମିଆମି ଆନ୍ତର୍ଜାତୀୟ ବିମାନବନ୍ଦରରେ ରବିବାର ଲ୍ୟ...
