ୟୁଏସ୍ ଓପନ୍ ବ୍ୟାଡ୍ମିଣ୍ଟନ୍ ପ୍ରତିଯୋଗିତାରେ ଭାରତୀୟ ଯୁବ ଶଟଲର୍ ରୌନକ ଚୌହାନ ଏକ ବଡ଼ ଅଘଟଣ ଘଟାଇଛନ୍ତି।ଶୁକ୍ରବାର ଖେଳାଯାଇଥିବା ପୁରୁଷ ଏକକ ପ୍ରି-କ୍ୱାର୍ଟରଫାଇନାଲ୍ରେ ବିଶ୍ୱ କନିଷ୍ଠ ଚାମ୍ପିଅନ୍ଶିପ୍ର କାଂସ୍ୟ ପଦକ ବିଜେତା ତଥା ବିଶ୍ୱର ୮୦ ନମ୍ବର ଖେଳାଳି ରୌନକ ୨୧-୧୭, ୨୬-୨୪ରେ ବିଶ୍ୱର ୬ ନମ୍ବର ଏବଂ ଟପ୍ ସିଡ୍ ଚାଇନିଜ୍ ତାଇପେର ଚୋଉ ତିଏନ୍ ଚେନ୍ଙ୍କୁ ପରାସ୍ତ କରି କ୍ୱାର୍ଟରଫାଇନାଲ୍ରେ ସ୍ଥାନ ସୁନିଶ୍ଚିତ କରିଛନ୍ତି।
୧୮ ବର୍ଷୀୟ ରୌନକଙ୍କ ଏହି ବିଜୟକୁ ଟୁର୍ଣ୍ଣାମେଣ୍ଟର ସବୁଠାରୁ ବଡ଼ ଅପସେଟ୍ ଭାବେ ଦେଖାଯାଉଛି। କ୍ୱାର୍ଟରଫାଇନାଲ୍ରେ ସେ ଇସ୍ରାଏଲର ମିଶା ଜିଲ୍ବରମ୍ୟାନଙ୍କୁ ଭେଟିବେ।
ଅନ୍ୟପକ୍ଷରେ ଭାରତର ଅଭିଜ୍ଞ ଶଟଲର୍ କିଦାମ୍ବି ଶ୍ରୀକାନ୍ତ ମଧ୍ୟ ଚମତ୍କାର ପ୍ରଦର୍ଶନ କରି ମାଲେସିଆର ଲି ଜିଆ ଜିଆଙ୍କୁ ୨୧-୧୪, ୨୧-୧୩ରେ ପରାସ୍ତ କରି କ୍ୱାର୍ଟରଫାଇନାଲ୍କୁ ପ୍ରବେଶ କରିଛନ୍ତି।
ମହିଳା ଏକକରେ ଭାରତ ପାଇଁ ମଧ୍ୟ ଖୁସି ଖବର ଆସିଛି। କନିଷ୍ଠ ବିଶ୍ୱ ରୌପ୍ୟ ପଦକ ବିଜେତା ତନ୍ବୀ ଶର୍ମା, ରକ୍ଷିତା ଶ୍ରୀ ଓ ଦେବିକା ସିହାଗ ନିଜ ନିଜ ମ୍ୟାଚ୍ ଜିତି ଶେଷ-୮ରେ ପ୍ରବେଶ କରିଛନ୍ତି।
ପଞ୍ଚମ ମାନ୍ୟତାପ୍ରାପ୍ତ ତନ୍ବୀ ଶର୍ମା ଚାଇନିଜ୍ ତାଇପେର ଟୁଙ୍ଗ ଚିଉ ଟୋଙ୍ଗଙ୍କୁ ୨୧-୧୨, ୨୧-୧୯ରେ ପରାସ୍ତ କରିଥିବାବେଳେ ରକ୍ଷିତା ଶ୍ରୀ ଚେନ୍ ସୁ ୟୁଙ୍କୁ ୨୧-୪, ୨୧-୧୯ରେ ହରାଇଛନ୍ତି। ସେହିପରି ଷଷ୍ଠ ମାନ୍ୟତାପ୍ରାପ୍ତ ଦେବିକା ସିହାଗ ଥାଇଲାଣ୍ଡର ତୋନରୁଗ ସାଏହେଙ୍ଗଙ୍କୁ ୨୧-୧୭, ୨୧-୧୯ରେ ପରାସ୍ତ କରି କ୍ୱାର୍ଟରଫାଇନାଲ୍ରେ ସ୍ଥାନ ପକ୍କା କରିଛନ୍ତି।
ୟୁଏସ୍ ଓପନ୍ରେ ଭାରତୀୟ ଖେଳାଳିଙ୍କ ଏହି ପ୍ରଦର୍ଶନ ଦେଶର ବ୍ୟାଡ୍ମିଣ୍ଟନ୍ ପ୍ରେମୀଙ୍କ ପାଇଁ ବଡ଼ ଆଶା ସୃଷ୍ଟି କରିଛି।
ଭୟଙ୍କର ଭୂମିକମ୍ପରେ କ୍ଷତିଗ୍ରସ୍ତ ଦକ୍ଷିଣ ଆମେରିକୀୟ ଦେଶ...
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ କଂଗ୍ର...
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ବିରୋଧୀ ଅଭି...
ସୁବର୍ଣ୍ଣପୁର, ୨୬ ଜୁନ୍: ସୁବର୍ଣ୍ଣପୁର ଜିଲ୍ଲାର ଉଲୁଣ୍ଡା...
ବିଶ୍ୱର ସବୁଠାରୁ ବ୍ୟସ୍ତ ତୈଳ ପରିବହନ ମାର୍ଗ ମଧ୍ୟରୁ ଅନ୍ୟ...
ସମଗ୍ର ୟୁରୋପରେ ଜାରି ରହିଥିବା ପ୍ରଚଣ୍ଡ ଗ୍ରୀଷ୍ମ ପ୍ରବାହ...
ଜମ୍ମୁ-କାଶ୍ମୀରର କିସ୍ତୱାଡ଼ ଜିଲ୍ଲାରେ ସେନା ଓ ପୁଲିସ ମଧ୍...
ଦକ୍ଷିଣ-ପଶ୍ଚିମ ମୌସୁମୀ ବାୟୁ ସମଗ୍ର ଓଡ଼ିଶାରେ ସକ୍ରିୟ ହେ...
ପାକିସ୍ତାନ ଏବଂ ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ଥ...
ହର୍ମୁଜ୍ ପ୍ରଣାଳୀରେ ସମ୍ପ୍ରତି ହୋଇଥିବା ଡ୍ରୋନ୍ ଆକ୍ରମଣ ପ...
ମୌସୁମୀ ବାୟୁର ପୁନଃ ସକ୍ରିୟତା ଏବଂ ସମଗ୍ର ଓଡ଼ିଶାରେ ଏହାର...
