ବଲାଙ୍ଗୀର:ରାଜ୍ୟରେ ଚଳିତ ଏପ୍ରିଲ ମାସରେ ଭୟଙ୍କର ତାପମାତ୍ରା ଓ ଲୁ ପରିସ୍ଥିତି ଦେଖାଦେଇଛି। ମୁଣ୍ଡ ଫଟା ଖରା ଯୋଗୁଁ ସାଧାରଣ ଲୋକ ଘରୁ ବାହାରକୁ ଯିବାକୁ ମଧ୍ୟ ଅସୁବିଧା ଅନୁଭବ କରୁଛନ୍ତି। ସକାଳ ୮ଟାରୁ ହିଁ ତାତି ବଢ଼ିଯାଉଥିବାରୁ ବିଶେଷକରି ସ୍କୁଲପିଲା ଏବଂ ଅଭିଭାବକଙ୍କ ମନରେ ଚିନ୍ତା ବଢ଼ିଛି।

ଏହି ଭୟାବହ ଗରମକୁ ଦୃଷ୍ଟିରେ ରଖିବଲାଙ୍ଗୀର ଜିଲ୍ଲାପାଳ ସ୍କୁଲ ଛୁଟି ଘୋଷଣା କରିଛନ୍ତି। ସୂଚନା ଅନୁଯାୟୀ,ଆସନ୍ତା ୧୮ ଏପ୍ରିଲରୁ ୨୧ ଏପ୍ରିଲ ପର୍ଯ୍ୟନ୍ତ ସ୍କୁଲ ବନ୍ଦ ରହିବ। ଜିଲ୍ଲାରେ ତାତି ଅସହ୍ୟ ହୋଇପଡ଼ିଥିବାରୁ ଛାତ୍ରଛାତ୍ରୀଙ୍କ ସୁରକ୍ଷାକୁ ମୁଖ୍ୟ ପ୍ରାଥମିକତା ଦେଇ ଏହି ନିଷ୍ପତ୍ତି ନିଆଯାଇଛି।

ସେପଟେଭାରତୀୟ ପାଣିପାଗ ବିଭାଗ (IMD)ସୂଚନା ଦେଇଛି ଯେ ରାଜ୍ୟରେ ଭୀଷଣ ଗରମ ପରିସ୍ଥିତି ଆଗାମୀ କିଛି ଦିନ ଯାଏଁ ଜାରି ରହିବ। ବିଶେଷକରିଆସନ୍ତା ୧୯ ତାରିଖ ପର୍ଯ୍ୟନ୍ତ ତାତି ଅଧିକ ରହିବଏବଂ ଅସହ୍ୟ ଗୁଳୁଗୁଳି ସହ ତାପମାତ୍ରା ବୃଦ୍ଧି ହେବାର ଆଶଙ୍କା କରାଯାଇଛି।

ଏହା ସହ ଗତକାଲି ଗଣଶିକ୍ଷା ମନ୍ତ୍ରୀ ସୂଚନା ଦେଇଥିଲେ ଯେ ଯେଉଁ ଜିଲ୍ଲାଗୁଡ଼ିକରେ ଅସହ୍ୟ ଗରମ ପରିସ୍ଥିତି ଦେଖାଯାଉଛି, ସେଠାରେଜିଲ୍ଲାପାଳଙ୍କ ରିପୋର୍ଟ ଆଧାରରେ ସ୍କୁଲ ଛୁଟି ନେଇ ନିଷ୍ପତ୍ତି ନିଆଯିବ।

ଗଣଶିକ୍ଷା ବିଭାଗ କହିଛି ଯେ ସମସ୍ତ ଜିଲ୍ଲାରେ ତାପମାତ୍ରା ସମାନ ରହୁନାହିଁ। କେତେକ ଅଞ୍ଚଳରେ ତାପମାତ୍ରା ବହୁତ ବଢ଼ୁଥିବାବେଳେ ଅନ୍ୟ କେତେକ ଜିଲ୍ଲାରେ ସାମାନ୍ୟ କମ୍ ରହୁଛି। ତେଣୁ ରାଜ୍ୟସ୍ତରରେ ସମାନ ନିଷ୍ପତ୍ତି ପରିବର୍ତ୍ତେଜିଲ୍ଲାଭିତ୍ତିକ ଭାବେ ସ୍କୁଲ ଛୁଟି ନିଷ୍ପତ୍ତି ହେବ।

ଅସହ୍ୟ ଗରମ ସମୟରେ ପିଲାମାନଙ୍କ ସ୍ୱାସ୍ଥ୍ୟ ଓ ସୁରକ୍ଷାକୁ ନେଇ ପ୍ରଶାସନ ସତର୍କ ରହିଛି ଏବଂ ଆବଶ୍ୟକ ହେଲେ ଅନ୍ୟ ଜିଲ୍ଲାରେ ମଧ୍ୟ ସ୍କୁଲ ବନ୍ଦ ନିଷ୍ପତ୍ତି ନିଆଯାଇପାରେ ବୋଲି ସୂଚନା ମିଳିଛି।