କନ୍ଧମାଳ ଜିଲ୍ଲା ବାଲିଗୁଡ଼ାରେ ବେଆଇନ ଗଞ୍ଜେଇ ଚାଷରେ ବ୍ୟବହାର ପାଇଁ ମହଜୁଦ ରଖାଯାଇଥିବା ଅଭିଯୋଗରେ ବିପୁଳ ପରିମାଣର DAP ସାର ଜବତ କରାଯାଇଛି। ରବିବାର ଏକ ଗୋଦାମରେ ଚଢ଼ାଉ କରି ପୁଲିସ ପ୍ରାୟ ୩୫ ଟନ୍ DAP ସାର ଜବତ କରିଛି।
ସୂଚନା ଅନୁଯାୟୀ, ବାଲିଗୁଡ଼ା ସହରର ଏକ ଗୋଦାମରେ ବେଆଇନ ଭାବେ ବିପୁଳ ପରିମାଣର ସାର ମହଜୁଦ ଥିବା ନେଇ ପୁଲିସକୁ ବିଶ୍ୱସ୍ତ ସୂତ୍ରରୁ ଖବର ମିଳିଥିଲା। ଏହାପରେ ବାଲିଗୁଡ଼ା SDPOଙ୍କ ନେତୃତ୍ୱରେ ପୁଲିସ ଟିମ୍ ହଠାତ୍ ଚଢ଼ାଉ କରିଥିଲା।
ଚଢ଼ାଉ ସମୟରେ ଗୋଦାମରୁ ପ୍ରାୟ ୭୦୦ ପ୍ୟାକେଟ୍ DAP ସାର ଜବତ ହୋଇଥିଲା। ଏହାର ମୋଟ ପରିମାଣ ପ୍ରାୟ ୩୫ ଟନ୍ ବୋଲି ଜଣାପଡ଼ିଛି।
ବେଆଇନ ଭାବେ ସାର ମହଜୁଦ ରଖିବା ଅଭିଯୋଗରେ Maa Sabitri Agro Agency ବିରୋଧରେ ମାମଲା ରୁଜୁ କରାଯାଇଛି। ଜବତ ପରେ ସମ୍ପୃକ୍ତ ଗୋଦାମକୁ ସିଲ୍ କରିଦିଆଯାଇଛି।
ଏହି ଘଟଣା ପରେ ବେଆଇନ ସାର କାରବାର ପଛରେ ଆଉ କେଉଁମାନେ ସମ୍ପୃକ୍ତ ଅଛନ୍ତି ଏବଂ ଏହାର ଗଞ୍ଜେଇ ଚାଷ ସହ କି ସମ୍ପର୍କ ରହିଛି, ତାହା ଜାଣିବାକୁ ପୁଲିସ ତଦନ୍ତକୁ ଜୋରଦାର କରିଛି।
ଏପଟେ ରାଜ୍ୟରେ ବେଆଇନ ଗଞ୍ଜେଇ ଚାଷ ରୋକିବା ପାଇଁ ସରକାର ପୂର୍ବରୁ ପଦକ୍ଷେପ ନେଇଛନ୍ତି। ସରକାରୀ ଓ ରାଜସ୍ୱ ଜମିରେ ବେଆଇନ ଗଞ୍ଜେଇ ଚାଷ ରୋକିବା ପାଇଁ ୬ଟି ହଟ୍ସ୍ପଟ୍ ଜିଲ୍ଲାରେ କ୍ଷେତ୍ରସ୍ତରୀୟ ନଜରଦାରୀ ବଢ଼ାଇବାକୁ ରାଜସ୍ୱ ଅଧିକାରୀ ଓ ପୁଲିସକୁ ନିର୍ଦ୍ଦେଶ ଦିଆଯାଇଛି।
ଗତବର୍ଷ ବିଭିନ୍ନ ଚଢ଼ାଉ ସମୟରେ ସରକାରୀ ଓ ରାଜସ୍ୱ ଜମିର ୬,୬୦୦ରୁ ଅଧିକ ଏକର ଅଞ୍ଚଳରେ ବେଆଇନ ଗଞ୍ଜେଇ ଚାଷ ଚିହ୍ନଟ ହୋଇଥିଲା।
ଏହାପରେ ସରକାରୀ ଜମିରେ ଗଞ୍ଜେଇ ଚାଷ ହେଉଥିବା ଜଣାପଡ଼ିଲେ କଠୋର କାର୍ଯ୍ୟାନୁଷ୍ଠାନ ନେବା ସହ ଏଭଳି ଚାଷକୁ ରୋକିବା ପାଇଁ ଅଧିକ ନଜରଦାରୀ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି।
ମାଲକାନଗିରି, କୋରାପୁଟ, ରାୟଗଡ଼ା, କନ୍ଧମାଳ, ବୌଦ୍ଧ ଓ ଗଜପତି ଜିଲ୍ଲାର ଜିଲ୍ଲାପାଳମାନଙ୍କୁ ସରକାରୀ ଜମି ଉପରେ ବିଶେଷ ନଜର ରଖିବାକୁ ରାଜସ୍ୱ ବିଭାଗ ପକ୍ଷରୁ କୁହାଯାଇଛି।
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ନେପାଳ-ତିବ୍ବତ ସୀମାରେ ଭୟଙ୍କର ଫ୍ଲାସ୍ ଫ୍ଲଡ୍ ପରେ ସହାୟତା...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରଣାୱତ ଏବଂ ଯୋଗଗୁର...
କନ୍ନଡ ଅଭିନେତା ୟଶଙ୍କ ଅଭିନୀତ ଫିଲ୍ମ **‘Toxic: A...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ୟଶଙ୍କ ଅଭିନୀତ‘Toxic: A Fairy Tale for Grown-U...
