ଆନ୍ଧ୍ରପ୍ରଦେଶର ଚିତ୍ତୁର ଜିଲ୍ଲାରେ ଏକ ଚାଞ୍ଚଲ୍ୟକର ହତ୍ୟାକାଣ୍ଡ ଘଟିଛି। ଜଣେ ୧୯ ବର୍ଷୀୟା ମହିଳା ହାସିନୀ ନିଜ ପ୍ରେମିକ ଯୁଗନ୍ଧର ଏବଂ ତାଙ୍କ ସହଯୋଗୀଙ୍କ ସହ ମିଶି ସ୍ୱାମୀ ରମେଶ (୨୩)ଙ୍କୁ ହତ୍ୟା କରିଥିବା ଅଭିଯୋଗରେ ପୋଲିସ ତାଙ୍କୁ ଗିରଫ କରିଛି। ଅମାବାସ୍ୟା ଅବସରରେ ମନ୍ଦିର ଦର୍ଶନକୁ ଯାଇଥିବା ବେଳେ ଏହି ନିର୍ମମ ହତ୍ୟାକାଣ୍ଡ ଘଟିଥିଲା।
ପୋଲିସ ସୂଚନା ଅନୁଯାୟୀ, ବିବାହ ପରେ ମଧ୍ୟ ହାସିନୀ ନିଜ ପିଲାଦିନର ସାଙ୍ଗ ତଥା ପ୍ରେମିକ ଯୁଗନ୍ଧରଙ୍କ ସହ ସମ୍ପର୍କରେ ଥିଲେ। ଉଭୟ ରମେଶଙ୍କୁ ରାସ୍ତାରୁ ହଟାଇବା ପାଇଁ ପୂର୍ବରୁ ଯୋଜନା କରିଥିଲେ। ଏହାପରେ ହାସିନୀ ନିଜ ସ୍ୱାମୀଙ୍କୁ ଗୁଡୁପଲ୍ଲେ ମଣ୍ଡଳର ପାହାଡ଼ ଉପରେ ଥିବା ଶ୍ରୀ ମଲ୍ଲେଶ୍ୱର ସ୍ୱାମୀ ମନ୍ଦିରକୁ ଯିବା ପାଇଁ ରାଜି କରାଇଥିଲେ।
ବାଇକରେ ମନ୍ଦିରକୁ ଯାତ୍ରା କରୁଥିବା ବେଳେ ହାସିନୀ କ୍ରମାଗତ ଭାବେ ନିଜର ଲାଇଭ୍ ଲୋକେସନ୍ ପ୍ରେମିକଙ୍କ ସହ ସେୟାର କରୁଥିଲେ। ପାହାଡ଼ିଆ ରାସ୍ତାରେ ସେ ଇଚ୍ଛାକୃତ ଭାବେ ନିଜ ହ୍ୟାଣ୍ଡବ୍ୟାଗ୍ ତଳେ ପକାଇ ଦେଇଥିଲେ। ରମେଶ ବ୍ୟାଗ୍ଟି ଉଠାଇବା ପାଇଁ ଗାଡ଼ି ଅଟକାଇବା ମାତ୍ରେ ପୂର୍ବରୁ ଲୁଚି ରହିଥିବା ଯୁଗନ୍ଧର ଓ ତାଙ୍କ ସହଯୋଗୀମାନେ ଅତର୍କିତ ଭାବେ ଆକ୍ରମଣ କରି ଧାରୁଆ ଅସ୍ତ୍ରରେ ରମେଶଙ୍କୁ ହତ୍ୟା କରିଥିଲେ।
ସବୁଠାରୁ ହୃଦୟବିଦାରକ କଥା ହେଉଛି, ଏହି ସମସ୍ତ ଘଟଣା ସେମାନଙ୍କ ଛୋଟ ଝିଅର ସାମ୍ନାରେ ଘଟିଥିଲା। ହତ୍ୟା ପରେ ହାସିନୀ ନିଜ ସ୍ୱାମୀଙ୍କ ବାଇକରେ ପ୍ରେମିକ ଓ ଅନ୍ୟ ଜଣେ ସହଯୋଗୀଙ୍କ ସହ ଫେରୁଥିବା ଦୃଶ୍ୟ ମନ୍ଦିର ରାସ୍ତାରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଥିଲା।
ସିସିଟିଭି ଫୁଟେଜ୍, ମୋବାଇଲ୍ ଲୋକେସନ୍ ଓ ବୈଷୟିକ ଯାଞ୍ଚ ଆଧାରରେ ପୋଲିସ ମାତ୍ର କିଛି ଘଣ୍ଟା ମଧ୍ୟରେ ହତ୍ୟାକାଣ୍ଡର ପର୍ଦ୍ଦାଫାସ କରିବାରେ ସଫଳ ହୋଇଛି। ପୋଲିସ ଅଭିଯୁକ୍ତମାନଙ୍କୁ ଗିରଫ କରିଥିବା ବେଳେ ମାମଲାରେ ଅଧିକ ତଦନ୍ତ ଜାରି ରହିଛି।
ଅଷ୍ଟ୍ରେଲିଆ ଏ’ ବିପକ୍ଷରେ ଆସନ୍ତା ଘରୋଇ ସିରିଜ୍ ପା...
ପିତାମାତାଙ୍କ ସମ୍ପତ୍ତିକୁ ନେଇ ଚାଲିଥିବା ଏକ ବିବାଦରେ ସୁପ...
ପାକିସ୍ତାନ କ୍ରିକେଟ୍‌ ଟିମ୍‌ର ଖରାପ ପ୍ରଦର୍ଶନ...
ଓଡ଼ିଶା ସମେତ ୫ଟି ରାଜ୍ୟର ରେଳ ଯୋଗାଯୋଗକୁ ଆହୁରି ମଜବୁତ କ...
ପ୍ରାୟ ୫ ବର୍ଷ ଧରି ଚାଲିଥିବା IDBI ବ୍ୟାଙ୍କର ଘରୋଇକରଣ ପ୍...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଲଗାଣ ବର୍ଷା ପରେ ବିହାରରେ ବନ୍ୟା ପରିସ୍ଥିତି ଆହୁରି ଗମ୍ଭୀ...
କନିଷ୍ଠ ଏସିଆ କପ୍‌ ହକିରେ ଭାରତୀୟ ଯୁବ ଦଳର ଦମଦାର ପ...
ଭାରତୀୟ କ୍ରିକେଟ୍‌ ଟିମ୍‌ ସହ ଯୋଡ଼ିହୋଇଛି ୩ଟି...
