ଆମେରିକା ଓ ଇରାନ ମଧ୍ୟରେ ଦୀର୍ଘଦିନ ଧରି ଚାଲିଥିବା ତନାତନି ମଧ୍ୟରେ ପୁଣି ଏକଥର କୁଟନୈତିକ ପ୍ରୟାସ ଜୋରଦାର ହୋଇଛି। ଦୁଇ ଦେଶ ଦ୍ୱିତୀୟ ପର୍ଯ୍ୟାୟର ଶାନ୍ତି ଆଲୋଚନା ପାଇଁ ସମ୍ମତି ଜଣାଇଛନ୍ତି। ଏହି ବୈଠକ ପାକିସ୍ତାନର ରାଜଧାନୀ ଇସଲାମାବାଦରେ ହେବାକୁ ଥିବା ସୂଚନା ମିଳୁଛି।

ଏହା ସହିତ ଦୁଇ ଦେଶ ମଧ୍ୟରେ ଚାଲିଥିବା ଅସ୍ତ୍ରବିରତିକୁ ଆହୁରି ଦୁଇ ସପ୍ତାହ ବଢ଼ାଇବାକୁ ମଧ୍ୟ ଆଲୋଚନା ଚାଲିଛି। ଆମେରିକା ପକ୍ଷରୁ ଦାବି କରାଯାଇଛି ଯେ ଦୁଇ ଦେଶ ବୁଝାମଣାର ନିକଟକୁ ପହଞ୍ଚୁଛନ୍ତି ଏବଂ ଶୀଘ୍ର ବଡ଼ ଘୋଷଣା ହୋଇପାରେ।

ଆଲୋଚନାରେ ପ୍ରଧାନ ଭାବେ ପରମାଣୁ କାର୍ଯ୍ୟକ୍ରମ, ହର୍ମୁଜ ସମୁଦ୍ର ସଙ୍କୁଚନ (Strait of Hormuz) ଉପରେ ନିୟନ୍ତ୍ରଣ, ଏବଂ ଅନ୍ତର୍ଜାତୀୟ ନୀରୀକ୍ଷଣ ଭଳି ମୁଦ୍ଦା ଉଠିପାରେ। ଆମେରିକା ଇରାନକୁ ପରମାଣୁ କାର୍ଯ୍ୟକ୍ରମ ସୀମିତ କରିବା, ମହଜୁଦ ୟୁରାନିୟମ ହସ୍ତାନ୍ତର କରିବା ଓ ହର୍ମୁଜ ଉପରୁ ନିୟନ୍ତ୍ରଣ ହଟାଇବାକୁ କହିପାରେ।

ଅନ୍ୟପଟେ ଇରାନ ଆମେରିକା ଓ ଇସ୍ରାଏଲ ପକ୍ଷରୁ ଭବିଷ୍ୟତରେ ଆକ୍ରମଣ ନ ହେବାର ନିଶ୍ଚିତତା, ଅନ୍ତର୍ଜାତୀୟ ପ୍ରତିବନ୍ଧ ହଟାଇବା ଓ ଯୁଦ୍ଧ ଯୋଗୁ ହୋଇଥିବା କ୍ଷତିର ପୂରଣ ଦାବି କରିପାରେ।

ଇରାନ ରାଷ୍ଟ୍ରପତି ସ୍ପଷ୍ଟ କରିଛନ୍ତି ଯେ ସେମାନେ ଯୁଦ୍ଧ ଚାହୁଁନାହାନ୍ତି, କିନ୍ତୁ କୌଣସି ଚାପ ଆଗରେ ନମିବେ ନାହିଁ। ଏହି ପରିସ୍ଥିତିରେ ଦ୍ୱିତୀୟ ପର୍ଯ୍ୟାୟ ଆଲୋଚନା କେତେ ଦୂର ସଫଳ ହେବ, ସେଥିରେ ସମସ୍ତଙ୍କ ଦୃଷ୍ଟି ରହିଛି।