ଇରାନକୁ କେନ୍ଦ୍ର କରି ମଧ୍ୟପ୍ରାଚ୍ୟରେ ବଢ଼ୁଥିବା ଉତ୍ତେଜନା ମଧ୍ୟରେଜାତିସଂଘ ସୁରକ୍ଷା ପରିଷଦରେ ଆମେରିକା ଏବଂ ଚୀନ୍ ମଧ୍ୟରେ ତୀବ୍ର ବାକ୍ଯୁଦ୍ଧ ଦେଖାଦେଇଛି। ୟେମେନର ହୁତି ବିଦ୍ରୋହୀଙ୍କୁ ସହାୟତା ପ୍ରସଙ୍ଗରେ ଉଭୟ ଦେଶ ପରସ୍ପର ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।

ଆମେରିକାର ରାଷ୍ଟ୍ରଦୂତମାଇକ୍ ୱାଲ୍ଜସୁରକ୍ଷା ପରିଷଦରେ କହିଛନ୍ତି ଯେ, ଚୀନ୍ ଇରାନ ଏବଂ ୟେମେନର ହୁତି ବିଦ୍ରୋହୀଙ୍କ ପାଖକୁ ସାମରିକ ସାମଗ୍ରୀ ପହଞ୍ଚିବା ବନ୍ଦ କରିବା ପାଇଁ ଯଥେଷ୍ଟ ପଦକ୍ଷେପ ନେଉନାହିଁ।

ସେ ଅଭିଯୋଗ କରିଛନ୍ତି ଯେ, କିଛି ଇରାନୀ ଏବଂ ଚୀନ୍ କମ୍ପାନୀ ହୁତି ବିଦ୍ରୋହୀଙ୍କ ଉପରେ ଲାଗୁ ହୋଇଥିବା ଜାତିସଂଘର ଅସ୍ତ୍ର ପ୍ରତିବନ୍ଧକୁ ଉଲ୍ଲଂଘନ କରୁଛନ୍ତି। ଏହା ସତ୍ତ୍ୱେ ସେମାନଙ୍କ ବିରୋଧରେ ପ୍ରଭାବଶାଳୀ କାର୍ଯ୍ୟାନୁଷ୍ଠାନ ହେଉନାହିଁ ବୋଲି ସେ କହିଛନ୍ତି।

ଅନ୍ୟପକ୍ଷରେ, ଜାତିସଂଘରେ ଚୀନ୍ର ରାଷ୍ଟ୍ରଦୂତସନ୍ ଲେଇଆମେରିକାର ଅଭିଯୋଗକୁ ସମ୍ପୂର୍ଣ୍ଣ ଭିତ୍ତିହୀନ ବୋଲି ଖଣ୍ଡନ କରିଛନ୍ତି। ସେ କହିଛନ୍ତି ଯେ, ଚୀନ୍ ସାମରିକ ସାମଗ୍ରୀ ରପ୍ତାନି ଉପରେ କଠୋର ନିୟନ୍ତ୍ରଣ ବଜାୟ ରଖିଛି ଏବଂ ଆନ୍ତର୍ଜାତୀୟ ନିୟମକୁ ସମ୍ମାନ କରୁଛି।

ସନ୍ ଲେଇ ଓଲଟା ଆମେରିକାକୁ ଟାର୍ଗେଟ୍ କରି କହିଛନ୍ତି ଯେ, ଇରାନ ଉପରେ ବଡ଼ ସାମରିକ ଆକ୍ରମଣ କରି ଆମେରିକା ସମଗ୍ର ମଧ୍ୟପ୍ରାଚ୍ୟ ଅଞ୍ଚଳରେ ନୂଆ ସଂଘର୍ଷ ଓ ଅସ୍ଥିରତା ସୃଷ୍ଟି କରିଛି। ବର୍ତ୍ତମାନ ଶାନ୍ତି ଓ କୂଟନୈତିକ ସମାଧାନ ଉପରେ ଗୁରୁତ୍ୱ ଦେବା ଆବଶ୍ୟକ ବୋଲି ସେ ମତ ରଖିଛନ୍ତି।

ମଧ୍ୟପ୍ରାଚ୍ୟର ପରିସ୍ଥିତିକୁ ନେଇ ବିଶ୍ୱ ଶକ୍ତିମାନଙ୍କ ମଧ୍ୟରେ ମତଭେଦ ଆହୁରି ସ୍ପଷ୍ଟ ହୋଇଥିବା ବେଳେ, ଜାତିସଂଘରେ ଆମେରିକା ଓ ଚୀନ୍ର ଏହି ବାକ୍ଯୁଦ୍ଧ ବିଶ୍ୱ କୂଟନୀତିରେ ନୂଆ ଚର୍ଚ୍ଚା ସୃଷ୍ଟି କରିଛି।