ଅଯୋଧ୍ୟା ରାମ ମନ୍ଦିରର ଦାନ ପାଣ୍ଠି ହେରଫେର ଅଭିଯୋଗକୁ ନେଇ ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେ ଶୁକ୍ରବାର ବିଜେପି ଉପରେ ତୀବ୍ର ଆକ୍ରମଣ କରିଛନ୍ତି। ସେ କହିଛନ୍ତି, ଯଦି ରାମ ମନ୍ଦିରର ଦାନ ପାଣ୍ଠିରେ ହେରଫେର ହୋଇଥାଏ, ତେବେ ହିନ୍ଦୁ ସମାଜ ବିଜେପିକୁ କେବେ କ୍ଷମା କରିବେ ନାହିଁ।
ଏହି ପ୍ରସଙ୍ଗକୁ ନେଇ ଉଦ୍ଧବ ଠାକରେ ସମଗ୍ର ମହାରାଷ୍ଟ୍ରରେ ‘ରାମ ରକ୍ଷା’ ଆନ୍ଦୋଳନ ଆରମ୍ଭ କରିବାର ଘୋଷଣା କରିଛନ୍ତି। ସେ ଦଳମତ ନିର୍ବିଶେଷରେ ସମସ୍ତ ରାମଭକ୍ତଙ୍କୁ ଏହି ଆନ୍ଦୋଳନରେ ସାମିଲ ହେବାକୁ ଆହ୍ୱାନ ଜଣାଇଛନ୍ତି।
ଘୋଷଣା ଅନୁଯାୟୀ, ରବିବାର ସନ୍ଧ୍ୟାରେ ମୁମ୍ବାଇର ଦାଦର ପଶ୍ଚିମସ୍ଥିତ ହନୁମାନ ମନ୍ଦିରରୁ ଏହି ଆନ୍ଦୋଳନର ଶୁଭାରମ୍ଭ ହେବ। ଉଦ୍ଧବ ଠାକରେ ଓ ଶିବସେନା (ୟୁବିଟି)ର ବରିଷ୍ଠ ନେତାମାନେ ମନ୍ଦିରରେ ପହଞ୍ଚି ରାମ ରକ୍ଷା ସ୍ତୋତ୍ର, ମାରୁତି ସ୍ତୋତ୍ର ଓ ହନୁମାନ ଚାଳିଶା ପାଠ କରିବେ।
ଉଦ୍ଧବ କହିଛନ୍ତି, ରାମ ମନ୍ଦିର ନାମରେ ହୋଇଥିବା କଥିତ ଦୁର୍ନୀତିକୁ ବିରୋଧ କରୁଥିବା ସମସ୍ତ ରାମଭକ୍ତ ଏହି ଆନ୍ଦୋଳନରେ ଯୋଗ ଦେବା ଉଚିତ। ସେ ବିଜେପିର ନେତା ଓ କର୍ମୀମାନଙ୍କୁ ମଧ୍ୟ ଏହି ଆନ୍ଦୋଳନରେ ସାମିଲ ହେବାକୁ ଆହ୍ୱାନ କରିଛନ୍ତି।
ସେ ଆହୁରି କହିଛନ୍ତି ଯେ, ମହାରାଷ୍ଟ୍ରର ବିଭିନ୍ନ ରାମ ଓ ହନୁମାନ ମନ୍ଦିର ନିକଟରେ ପର୍ଯ୍ୟାୟକ୍ରମେ ଏହି ଆନ୍ଦୋଳନ କରାଯିବ। ଆସନ୍ତା ସପ୍ତାହରେ ସେ ଏହି ପ୍ରସଙ୍ଗରେ ବିସ୍ତୃତ ମତ ରଖିବା ସହ ଅଯୋଧ୍ୟା ଗସ୍ତ କରିବେ ବୋଲି ମଧ୍ୟ ସୂଚନା ଦେଇଛନ୍ତି।
ରାଜନୈତିକ ମହଳରେ ଏହି ପ୍ରସଙ୍ଗକୁ ନେଇ ଚର୍ଚ୍ଚା ଜୋର ଧରିଛି। ନିକଟରେ ଶିବସେନା (ୟୁବିଟି)ର କିଛି ସାଂସଦ ଏକନାଥ ସିନ୍ଦେ ଗୋଷ୍ଠୀରେ ଯୋଗ ଦେବା ପରେ ଦୁଇ ପକ୍ଷ ମଧ୍ୟରେ ରାଜନୈତିକ ଟଣାଓଟରା ଆହୁରି ବଢ଼ିଥିବା ବେଳେ, ଏହି ପ୍ରସଙ୍ଗ ରାଜ୍ୟ ରାଜନୀତିକୁ ଆହୁରି ସରଗରମ କରିଛି।
ନୂଆଦିଲ୍ଲୀରେ ଆୟୋଜିତ ଭାରତ-ଜାପାନ ଶିଖର ସମ୍ମିଳନୀରେ ଏକ ଆ...
ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ଓଡ଼ିଶା...
ପାକିସ୍ତାନର ଖାଇବର ପଖତୁନଖ୍ୱା ପ୍ରଦେଶରେ ଶୁକ୍ରବାର ଘଟିଥି...
ଦୁର୍ଯ୍ୟୋଗ ପରିଚାଳନା କ୍ଷେତ୍ରରେ ଓଡ଼ିଶା ଆଉ ଏକ ବଡ଼ ପଦକ୍...
ତାମିଲନାଡୁରେ ରାଜନୈତିକ ପରିବେଶ ମଧ୍ୟରେ ଏକ ଚର୍ଚ୍ଚିତ ଘଟଣ...
ଭାରତ-ନ୍ୟୁଜିଲାଣ୍ଡ ସମ୍ପର୍କକୁ ଆହୁରି ସୁଦୃଢ଼ କରିବା ଦିଗର...
ମଧ୍ୟପ୍ରାଚ୍ୟରେ ଚାଲିଥିବା କୂଟନୀତିକ ତତ୍ପରତା ମଧ୍ୟରେ ନ୍ୟ...
ସିରିଆର ରାଜଧାନୀ ଦମାସକସ୍‌ର ଏକ ବ୍ୟସ୍ତବହୁଳ କ୍ୟାଫେ...
ପୂର୍ବତନ ବିଜେଡି ସରକାର ସମୟରେ ହେଲିକପ୍ଟର ବ୍ୟବହାର ପାଇଁ...
ଲଗାଣ ବର୍ଷାର ପ୍ରଭାବରେ ପୁରୀ ଜିଲ୍ଲାର ସାକ୍ଷୀଗୋପାଳ ଓ କଣ...
ଆମେରିକା ଓ ଇସ୍ରାଏଲର ମିଳିତ ବିମାନ ଆକ୍ରମଣରେ ପ୍ରାଣ ହରାଇ...
ଭୁବନେଶ୍ୱରବାସୀଙ୍କ ପାଇଁ ଜରୁରୀ ସତର୍କ ସୂଚନା। ଭାରତୀୟ ପା...
