ଦୁର୍ଯ୍ୟୋଗ ପରିଚାଳନା କ୍ଷେତ୍ରରେ ଓଡ଼ିଶା ଆଉ ଏକ ବଡ଼ ପଦକ୍ଷେପ ନେବାକୁ ଯାଉଛି। ପ୍ରାକୃତିକ ଦୁର୍ଯ୍ୟୋଗର ଅଧିକ ସଠିକ୍ ମୂଲ୍ୟାୟନ ଓ ପୂର୍ବାନୁମାନ ପାଇଁ ରାଜ୍ୟର ଚାରିଟି ମୁଖ୍ୟ ସହରରେ ଅତ୍ୟାଧୁନିକ ଡପ୍ଲର ରାଡାର ସ୍ଥାପନ କରାଯିବ।
ଲୋକସେବା ଭବନରେ ରାଜସ୍ୱ ଓ ଦୁର୍ଯ୍ୟୋଗ ପରିଚାଳନା ମନ୍ତ୍ରୀ ସୁରେଶ ପୂଜାରୀଙ୍କ ଅଧ୍ୟକ୍ଷତାରେ ଆୟୋଜିତ ଉଚ୍ଚସ୍ତରୀୟ ସମୀକ୍ଷା ବୈଠକରେ ଏହି ନିଷ୍ପତ୍ତି ଗ୍ରହଣ କରାଯାଇଛି।
ପ୍ରସ୍ତାବିତ ଡପ୍ଲର ରାଡାରଗୁଡ଼ିକ ସମ୍ବଲପୁର, ବାଲେଶ୍ୱର, ଭୁବନେଶ୍ୱର ଓ ପୁରୀରେ ସ୍ଥାପନ କରାଯିବ। ଏହା ଦ୍ୱାରା ପାଣିପାଗର ଅଧିକ ସଠିକ୍ ନିରୀକ୍ଷଣ, ବର୍ଷା, ଘୂର୍ଣ୍ଣିଝଡ଼ ଓ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟର ଶୀଘ୍ର ପୂର୍ବାନୁମାନ ସମ୍ଭବ ହେବ।
ବୈଠକରେ ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ ଦୁର୍ଯ୍ୟୋଗ ପରିଚାଳନା ପାଇଁ ଅର୍ଥ କିମ୍ବା ଭିତ୍ତିଭୂମିର କୌଣସି ଅଭାବ ରହିବ ନାହିଁ। ଆଗୁଆ ଯୋଜନା ଓ ପ୍ରସ୍ତୁତି ଦ୍ୱାରା ବିପର୍ଯ୍ୟୟର ପ୍ରଭାବ କମାଇବାକୁ ସରକାର ପ୍ରାଥମିକତା ଦେଉଛନ୍ତି।
ସେ ଆହୁରି କହିଛନ୍ତି ଯେ ରାଜ୍ୟର ସତର୍କବାଣୀ ଓ ଆଲର୍ଟ ବ୍ୟବସ୍ଥାକୁ ମଧ୍ୟ ଆଧୁନିକ କରାଯିବ, ଯାହା ଦ୍ୱାରା ଭବିଷ୍ୟତରେ ଜରୁରୀ ପରିସ୍ଥିତିକୁ ଆହୁରି କାର୍ଯ୍ୟକ୍ଷମ ଭାବେ ସମ୍ମୁଖୀନ କରାଯାଇପାରିବ।
ଏହା ସହ ରାଜ୍ୟରେ ବହୁମୁଖୀ ବନ୍ୟା ଓ ଘୂର୍ଣ୍ଣିଝଡ଼ ଆଶ୍ରୟସ୍ଥଳୀ ନିର୍ମାଣକୁ ମଧ୍ୟ ତ୍ୱରାନ୍ୱିତ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି। ଏହି ପଦକ୍ଷେପ ଓଡ଼ିଶାର ଦୁର୍ଯ୍ୟୋଗ ପରିଚାଳନା ବ୍ୟବସ୍ଥାକୁ ଆହୁରି ସୁଦୃଢ଼ କରିବ ବୋଲି ଆଶା କରାଯାଉଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଜୁଲାଇ ୧୦ ତାରିଖର...
ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକର ପଣ୍ଡିତଗାଁ ସରକାରୀ ଉଚ୍ଚ...
ପବିତ୍ର ଅମରନାଥ ଯାତ୍ରା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର...
କର୍ଣ୍ଣାଟକର ଧାରୱାଡ଼ ଜିଲ୍ଲାରେ ଘଟିଥିବା ଏକ ହୃଦୟବିଦାରକ...
ପୁଲିସ ହାଜତରେ ଘଟୁଥିବା ମୃତ୍ୟୁକୁ ନେଇ ଦିଲ୍ଲୀ ହାଇକୋର୍ଟ...
ମେଘାଳୟର ବହୁଚର୍ଚ୍ଚିତ ହନିମୁନ୍ ହତ୍ୟା ମାମଲାରେ ମୁଖ୍ୟ ଅଭ...
ଭାରତ ଓ ଜାପାନ ମଧ୍ୟରେ ପ୍ରତିରକ୍ଷା ସହଯୋଗରେ ଏକ ନୂଆ ଅଧ୍ୟ...
ରାଜସ୍ଥାନରଶ୍ରୀଗଙ୍ଗାନଗରଜିଲ୍ଲାରେ ଜଣେ୧୩ ବର୍ଷୀୟା ନାବାଳି...
