ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ଓଡ଼ିଶାରେ ଲଗାତାର ବର୍ଷା ଜାରି ରହିଛି। ଏହାକୁ ଦୃଷ୍ଟିରେ ରଖି ରାଜ୍ୟ ଅଗ୍ନିଶମ ଓ ଜରୁରୀକାଳୀନ ସେବା ବିଭାଗକୁ ସମ୍ପୂର୍ଣ୍ଣ ହାଇ ଆଲର୍ଟରେ ରଖାଯାଇଛି।

ଅଗ୍ନିଶମ ଓ ଜରୁରୀକାଳୀନ ସେବା ବିଭାଗର ମହାନିର୍ଦ୍ଦେଶକସୁଧାଂଶୁ ଷଡ଼ଙ୍ଗୀକହିଛନ୍ତି ଯେ, ରାଜ୍ୟର ସମସ୍ତ ଅଗ୍ନିଶମ କେନ୍ଦ୍ରକୁ ୨୪ ଘଣ୍ଟିଆ ସତର୍କ ଅବସ୍ଥାରେ ରହିବାକୁ ନିର୍ଦ୍ଦେଶ ଦିଆଯାଇଛି। ଯେକୌଣସି ଜରୁରୀ ପରିସ୍ଥିତିରେ ତୁରନ୍ତ ସହାୟତା ପହଞ୍ଚାଇବା ପାଇଁ ସମସ୍ତ ବ୍ୟବସ୍ଥା କରାଯାଇଛି।

ବିଶେଷ କରିକଟକ, ବ୍ରହ୍ମପୁର ଓ ସମ୍ବଲପୁରରେ ସ୍ୱତନ୍ତ୍ର ଉଦ୍ଧାରକାରୀ ଦଳ ମୁତୟନ କରାଯାଇଛି। ସ୍ଥାନୀୟ ପ୍ରଶାସନ ସହ ସମନ୍ୱୟ ରଖି ଯେକୌଣସି ବନ୍ୟା କିମ୍ବା ଜଳବନ୍ଦୀ ପରିସ୍ଥିତିରେ ଲୋକଙ୍କୁ ସହାୟତା ଯୋଗାଇବାକୁ ବିଭାଗ ପ୍ରସ୍ତୁତ ରହିଛି।

ରାଜ୍ୟରେ ବିପର୍ଯ୍ୟୟ ମୁକାବିଲାକୁ ସୁଦୃଢ଼ କରିବା ପାଇଁ୩୨୪ଟି ମୋଟରଚାଳିତ ଇନଫ୍ଲେଟେବୁଲ୍ ରବର ବୋଟ୍ମୁତୟନ କରାଯାଇଛି। ଏଥିମଧ୍ୟରୁ୧୫୯ଟି ମଧ୍ୟ ଓଡ଼ିଶା,୮୪ଟି ଦକ୍ଷିଣ ଓଡ଼ିଶାଓ୮୧ଟି ଉତ୍ତର ଓଡ଼ିଶାରେ ରଖାଯାଇଛି।

ଏହାଛଡ଼ା୩,୧୪୩ଟି ଲାଇଫ୍ ଜ୍ୟାକେଟ୍,୨,୭୧୨ଟି ଲାଇଫ୍ ବୁଏ,୧୪୫ଟି ଅଣ୍ଡରୱାଟର ବ୍ରିଦିଂ ସେଟ୍ଓ୧୬୧ଟି ସର୍ଫେସ୍ ବ୍ରିଦିଂ ସେଟ୍ଉଦ୍ଧାର କାର୍ଯ୍ୟ ପାଇଁ ପ୍ରସ୍ତୁତ ରଖାଯାଇଛି।

ଜଳବନ୍ଦୀ ରାସ୍ତା ଓ ନିମ୍ନାଞ୍ଚଳରୁ ପାଣି ନିଷ୍କାସନ ପାଇଁ୯୫୨ଟି ପମ୍ପସେଟ୍ବ୍ୟବସ୍ଥା କରାଯାଇଛି। ସେହିପରି ରାତ୍ରିକାଳୀନ ଉଦ୍ଧାର କାର୍ଯ୍ୟକୁ ସୁବିଧାଜନକ କରିବା ପାଇଁ୬୨୮ଟି ଟାୱାର ଲାଇଟ୍ଓ୧୭୩ଟି ସର୍ଚ୍ଚ ଲାଇଟ୍ମଧ୍ୟ ପ୍ରସ୍ତୁତ ରଖାଯାଇଛି।