ଓଡ଼ିଶାର ମୟୂରଭଞ୍ଜ ଜିଲ୍ଲାର ଉଦଳା ଅଞ୍ଚଳରେ ବକେୟା ଫାଇନାନ୍ସ କିସ୍ତି ଟଙ୍କାକୁ ନେଇ ଘଟିଛି ହିଂସାତ୍ମକ ଘଟଣା। ଫାଇନାନ୍ସ କମ୍ପାନୀ କର୍ମଚାରୀଙ୍କ ଆକ୍ରମଣରେ ଜଣେ ଯୁବକ ଗୁରୁତର ଆହତ ହୋଇଥିବା ଅଭିଯୋଗ ହୋଇଛି। ମଙ୍ଗଳବାର ଏହି ଘଟଣା ଉଦଳା କଲେଜ୍ ନିକଟରେ ଘଟିଥିବା ସୂଚନା ମିଳିଛି।
ଆହତ ଯୁବକଙ୍କ ପରିଚୟ ଖୁଣ୍ଟା ଥାନା ଅଧୀନ ନାହାରା ଅଞ୍ଚଳର ରଞ୍ଜିତ ବେହେରା ଭାବେ ହୋଇଛି। ତାଙ୍କ ଭାଇ ସଞ୍ଜିତ ବେହେରା ଗୁରୁତର ଅବସ୍ଥାରେ ତାଙ୍କୁ ଉଦଳା ମେଡିକାଲକୁ ନେଇଥିଲେ। ତାଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡ଼ିଛି।
ସୂଚନା ଅନୁସାରେ, ରଞ୍ଜିତ ଓ ତାଙ୍କ ଭାଇ ସଞ୍ଜିତ ଏକ ମୋଟରସାଇକେଲରେ ଉଦଳାକୁ ଯାଇଥିଲେ। ପେଟ୍ରୋଲ ପମ୍ପରୁ ଫେରୁଥିବା ବେଳେ ହାଇସ୍କୁଲ ଛକ ନିକଟରେ କେତେକ ଫାଇନାନ୍ସ କମ୍ପାନୀ କର୍ମଚାରୀ ସେମାନଙ୍କୁ ଅଟକାଇ ବାଇକର ସାତୋଟି ବକେୟା କିସ୍ତି ଟଙ୍କା ଦେବାକୁ କହିଥିଲେ।
ସେତେବେଳେ ସମ୍ପୂର୍ଣ୍ଣ ଟଙ୍କା ଦେଇନପାରିବାରୁ କର୍ମଚାରୀମାନେ ବାଇକ୍ଟିକୁ ନିଜ ଅଫିସକୁ ନେଇଯାଇଥିବା ଅଭିଯୋଗ ହୋଇଛି। ପରେ ଦୁଇ ଭାଇ ଉଦଳା କଲେଜ୍ ପଡ଼ିଆକୁ ଯାଇ ସମସ୍ତ ବକେୟା ଟଙ୍କା ପରିଶୋଧ କରିଥିଲେ।
ଆହତ ରଞ୍ଜିତ ବେହେରାଙ୍କ କହିବା ଅନୁସାରେ, ସେଠାରେ ଥିବା କର୍ମଚାରୀମାନେ ମଦ୍ୟପାନ କରୁଥିଲେ ଏବଂ ବିୟର ପିଉଥିଲେ। ଟଙ୍କା ଦେବା ପରେ ସେମାନେ ରସିଦ ମାଗିଥିଲେ, କିନ୍ତୁ କର୍ମଚାରୀମାନେ ରସିଦ ଦେବାକୁ ମନା କରିଥିଲେ। ଏନେଇ ପ୍ରଶ୍ନ କରିବାରୁ ଜଣେ କର୍ମଚାରୀ ବିୟର ବୋତଲରେ ତାଙ୍କ ମୁଣ୍ଡରେ ଆକ୍ରମଣ କରିଥିବା ସେ ଅଭିଯୋଗ କରିଛନ୍ତି।
ରଞ୍ଜିତଙ୍କ ଭାଇ ସଞ୍ଜିତ ବେହେରା ମଧ୍ୟ ଏହି ଅଭିଯୋଗକୁ ସମର୍ଥନ କରି କହିଛନ୍ତି ଯେ ରସିଦ ମାଗିବାକୁ ନେଇ ବଚସା ହୋଇଥିଲା। ପରେ ମଦ୍ୟପ ଅବସ୍ଥାରେ ଥିବା କେତେକ କର୍ମଚାରୀ ତାଙ୍କ ଭାଇଙ୍କୁ ବିୟର ବୋତଲରେ ଆକ୍ରମଣ କରିଥିଲେ।
ଏହି ଘଟଣାକୁ ନେଇ ସମ୍ପୃକ୍ତ ଫାଇନାନ୍ସ କମ୍ପାନୀ କର୍ମଚାରୀଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ମିଳିନାହିଁ।
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ନିଜର ମଲ୍ଟିଲ...
ଇଞ୍ଜିନିୟରିଂ କ୍ଷେତ୍ରରେ IITରେ ଭର୍ତ୍ତି ହେବାକୁ ଇଚ୍ଛୁକ...
ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଅକ୍ଷର ପଟେଲ୍‌ ଚଳିତ...
ଆଇପିଏଲ୍ ୨୦୨୬ରୁ କୋଲକାତା ନାଇଟ୍ ରାଇଡର୍ସ ବାଦ୍ ପଡ଼ିବା ପ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ନିଟ୍-ୟୁଜି ୨୦୨୬ ପରୀକ୍ଷାରେ ପେପର ଲିକ୍ ଅଭିଯୋଗକୁ କେନ୍ଦ୍...
ଆଇପିଏଲ୍‌ ୨୦୨୬ରେ ସନରାଇଜର୍ସ ହାଇଦ୍ରାବାଦ ଓ ରୟାଲ୍&...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ସମ୍ପ୍ରତି ଘୋଷିତ ଡିଏ (Dearness Allowance) ବୃଦ୍ଧି ପରେ...
ଆଇପିଏଲ୍‌ ୨୦୨୬ରେ ରାଜସ୍ଥାନ ରୟାଲ୍ସର ଓପେନିଂ ଯୋଡ଼ି...
ମଇ 3ରେ ଆୟୋଜିତ NEET UG 2026 ପରୀକ୍ଷାକୁ ଦେଶର ଶିକ୍ଷା ବ...
