ଭାରତୀୟ ଖାଦ୍ୟ ସୁରକ୍ଷା ଏବଂ ମାନକ ପ୍ରାଧିକରଣ (FSSAI) ସ୍ୱିଗି ଇନଷ୍ଟାମାର୍ଟ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛି। ‘ଫୁଡ୍ ସେଫ୍ଟି ଆଣ୍ଡ ଷ୍ଟାଣ୍ଡାର୍ଡ ଆକ୍ଟ, ୨୦୦୬’ ଉଲ୍ଲଂଘନ ଅଭିଯୋଗରେ କମ୍ପାନୀକୁ ୯ଟି ନୋଟିସ୍ ପଠାଯାଇଛି।
ଗ୍ରାହକଙ୍କ ଠାରୁ ମିଳିଥିବା ଅଭିଯୋଗ ଆଧାରରେ ଏହି ନୋଟିସ୍ ଜାରି ହୋଇଛି। ଅଭିଯୋଗ ମଧ୍ୟରେ ଏକ୍ସପାୟାର ହୋଇଥିବା ଖାଦ୍ୟ ସାମଗ୍ରୀ, ପଚା-ସଢ଼ା ଖାଦ୍ୟ, ଦୂଷିତ ଉତ୍ପାଦ ଏବଂ ମାନବ ସେବନ ପାଇଁ ଅନୁପଯୁକ୍ତ ସାମଗ୍ରୀ ଡେଲିଭରି କରାଯାଇଥିବା ଅଭିଯୋଗ ରହିଛି।
FSSAI ଅନୁଯାୟୀ, କେତେକ ଉତ୍ପାଦ ବର୍ତ୍ତମାନର ଲାଇସେନ୍ସ ଅନୁମୋଦନ ବାହାରେ ବିକ୍ରି ହେଉଥିବା ଅଭିଯୋଗ ମଧ୍ୟ ମିଳିଛି। ଏହା ସହିତ କେତେକ କ୍ଷେତ୍ରରେ ଭୁଲ୍ କିମ୍ବା ଅମାନ୍ୟ FSSAI ଲାଇସେନ୍ସ ନମ୍ବର ବ୍ୟବହାର ନେଇ ପ୍ରଶ୍ନ ଉଠିଛି।
ନିୟାମକ ସଂସ୍ଥା ସ୍ୱିଗିକୁ ସମସ୍ତ ଅଭିଯୋଗ ଉପରେ ଦସ୍ତାବିଜ୍ ସହିତ ବିସ୍ତୃତ ଜବାବ ଦେବାକୁ କହିଛି। ଏହା ସହିତ କ୍ୱାଲିଟି କଣ୍ଟ୍ରୋଲ, ଷ୍ଟକ୍ ମ୍ୟାନେଜମେଣ୍ଟ, ଷ୍ଟୋରେଜ୍ ଓ ଖାଦ୍ୟ ପରିଚାଳନା ବ୍ୟବସ୍ଥା ସମ୍ପର୍କରେ ରିପୋର୍ଟ ମାଗିଛି।
ନିର୍ଦ୍ଧାରିତ ସମୟ ମଧ୍ୟରେ ଯଦି କମ୍ପାନୀ ପକ୍ଷରୁ ସନ୍ତୋଷଜନକ ଉତ୍ତର ନ ମିଳେ, ତେବେ ଆଇନ ଅନୁଯାୟୀ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି FSSAI ସ୍ପଷ୍ଟ କରିଛି।
ଯାତ୍ରା ସମୟରେ ଅଜଣା ବ୍ୟକ୍ତିଙ୍କଠାରୁ ଖାଦ୍ୟ କିମ୍ବା ପାନୀ...
ନବରଙ୍ଗପୁର: ଗୋଟିଏ ଜମିରୁ ଧାନ ସହ ମାଛ ଚାଷ କରି ଚାଷୀଙ୍କ...
ଗଞ୍ଜାମ: ମାସ ମାସ ଧରି ସାମାଜିକ ସୁରକ୍ଷା ଭତ୍ତା ନମିଳିବାକ...
ଢେଙ୍କାନାଳ ଜିଲ୍ଲାରେ ଏକ ବଡ଼ ବସ୍ ଦୁର୍ଘଟଣାରୁ ପ୍ରାୟ ୫୦...
