ବିବାହ ପରବର୍ତ୍ତୀ ସମ୍ପର୍କ ଓ ଗୋପନୀୟତା ଅଧିକାରକୁ ନେଇସୁପ୍ରିମକୋର୍ଟଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। କୋର୍ଟ କହିଛନ୍ତି ଯେ,ସମ୍ବିଧାନର ଧାରା ୨୧ ଅନୁଯାୟୀ ମିଳୁଥିବା ଗୋପନୀୟତାର ଅଧିକାର ଏତେ ବ୍ୟାପକ ନୁହେଁ ଯେ, ତାହାକୁ ସ୍ୱାମୀ କିମ୍ବା ସ୍ତ୍ରୀଙ୍କଠାରୁ ବିବାହ ପରବର୍ତ୍ତୀ ସମ୍ପର୍କର ପ୍ରମାଣ ଲୁଚାଇବା ପାଇଁ ବ୍ୟବହାର କରାଯିବ।
ସର୍ବୋଚ୍ଚ ନ୍ୟାୟାଳୟ ସ୍ପଷ୍ଟ କରିଛନ୍ତି ଯେ, ଛାଡ଼ପତ୍ର ମାମଲାରେ ବ୍ୟଭିଚାର କିମ୍ବା ବିବାହ ବାହିର ସମ୍ପର୍କର ଅଭିଯୋଗ ପ୍ରମାଣ କରିବା ପାଇଁ ଯଦିମୋବାଇଲ୍ କଲ୍ ରେକର୍ଡ, ହୋଟେଲ୍ ରହଣି ରେକର୍ଡ କିମ୍ବା ଅନ୍ୟ ପ୍ରମାଣଆବଶ୍ୟକ ହୁଏ, ତେବେ ଗୋପନୀୟତା ଅଧିକାରର ଆଳ ଦେଖାଇ ସେହି ପ୍ରମାଣ ଦାଖଲକୁ ଅଟକାଯାଇପାରିବ ନାହିଁ।
ବିଚାରପତିମନମୋହନଏବଂକେ. ବିନୋଦ ଚନ୍ଦ୍ରନଙ୍କ ଖଣ୍ଡପୀଠ ଏହି ମାମଲାରେଦିଲ୍ଲୀ ହାଇକୋର୍ଟଙ୍କ ରାୟକୁ କାଏମ୍ ରଖିସ୍ୱାମୀଙ୍କ ଆବେଦନ ଖାରଜ କରିଛନ୍ତି। ସ୍ୱାମୀ ଯୁକ୍ତି ଦେଇଥିଲେ ଯେ, ତାଙ୍କ କଲ୍ ରେକର୍ଡ ଓ ହୋଟେଲ୍ ସୂଚନା ମାଗିବା ତାଙ୍କ ମୌଳିକ ଅଧିକାରର ଉଲ୍ଲଂଘନ।
ତେବେ କୋର୍ଟ କହିଛନ୍ତି ଯେ,ଗୋପନୀୟତାର ଅଧିକାର ସମ୍ପୂର୍ଣ୍ଣ ନୁହେଁ। ଜନସ୍ୱାର୍ଥ ଓ ନ୍ୟାୟ ପ୍ରଦାନକୁ ସୁନିଶ୍ଚିତ କରିବା ପାଇଁ ଏହା ଉପରେ ଯୁକ୍ତିଯୁକ୍ତ ସୀମାବଦ୍ଧତା ଲାଗୁ କରାଯାଇପାରିବ।
କୋର୍ଟ ଆହୁରି କହିଛନ୍ତି ଯେ,ହିନ୍ଦୁ ବିବାହ ଆଇନଅନୁଯାୟୀ ବ୍ୟଭିଚାର ଛାଡ଼ପତ୍ରର ଏକ ବୈଧ ଆଧାର। ତେଣୁ ଏପରି ଅଭିଯୋଗର ସତ୍ୟତା ଜାଣିବା ପାଇଁ ଆବଶ୍ୟକ ପ୍ରମାଣ ସଂଗ୍ରହ କରିବାରେ ଗୋପନୀୟତା ଅଧିକାରକୁ ଢାଲ ଭାବେ ବ୍ୟବହାର କରିହେବ ନାହିଁ।
ଏହି ମାମଲାରେ ଦମ୍ପତି୧୯୯୮ ମସିହାରେ ବିବାହ କରିଥିଲେଏବଂ ୨୦୦୦ ମସିହାରେ ତାଙ୍କର ଏକ କନ୍ୟା ସନ୍ତାନ ଜନ୍ମ ହୋଇଥିଲା। ପତ୍ନୀ ଅଭିଯୋଗ କରିଥିଲେ ଯେ, ସ୍ୱାମୀଙ୍କର ବିବାହ ପରେ ଅନ୍ୟ ଜଣେ ମହିଳାଙ୍କ ସହ ସମ୍ପର୍କ ଥିଲା ଏବଂ ସେମାନେ ଜୟପୁରର ଏକ ହୋଟେଲରେ ଏକାଠି ରହିଥିଲେ।
ଏହାପରେ ପତ୍ନୀ ଛାଡ଼ପତ୍ର ମାମଲା ଦାଖଲ କରି ସ୍ୱାମୀଙ୍କହୋଟେଲ୍ ବୁକିଂ ରେକର୍ଡ ଓ କଲ୍ ଡିଟେଲ୍ ରେକର୍ଡ (CDR)ଦାଖଲ ପାଇଁ ଅନୁରୋଧ କରିଥିଲେ। ପରିବାର କୋର୍ଟ ସେହି ଅନୁରୋଧକୁ ମଞ୍ଜୁର କରିଥିଲେ। ପରେ ଦିଲ୍ଲୀ ହାଇକୋର୍ଟ ଏବଂ ବର୍ତ୍ତମାନ ସୁପ୍ରିମକୋର୍ଟ ମଧ୍ୟ ସେହି ରାୟକୁ କାଏମ୍ ରଖିଛନ୍ତି।
ଉଚ୍ଚଶିକ୍ଷା ପାଇଁ ବଢ଼ୁଥିବା ଖର୍ଚ୍ଚ ଅନେକ ପରିବାରଙ୍କ ପାଇ...
ଦେଶର ବିଭିନ୍ନ ସ୍ଥାନରେ ଚାଲିଥିବା ଛାତ୍ର ଆନ୍ଦୋଳନ ଏବଂ ପ୍...
ଆମେରିକା ଓ ଇରାନ ମଧ୍ୟରେ ବଢ଼ୁଥିବା ସାମରିକ ସଂଘର୍ଷର ପ୍ରଭ...
ଫିଲିପାଇନ୍ସର ରାଜଧାନୀ ମାନିଲାରେ ଆୟୋଜିତ ଆସିଆନ୍ ବୈଦେଶିକ...
ମଧ୍ୟପୂର୍ବରେ ପୁଣି ଥରେ ଉତ୍ତେଜନା ବଢ଼ିବା ସହ ଯୁଦ୍ଧର ଆଶଙ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ଦେଶବ୍ୟାପୀ ନିଟ୍ ପରୀକ୍ଷା ବିବାଦ ଓ ଶିକ୍ଷା ବ୍ୟବସ୍ଥାକୁ ନ...
ସାଉଦି ଆରବର ଯୁବ ପ୍ରିନ୍ସ ଅବ୍ଦୁଲ୍ଲା ବିନ୍ ଫହଦ ବିନ୍ ଅବଦ...
ଦେଶରେ ଚିକିତ୍ସା ଶିକ୍ଷା ଓ ସ୍ୱାସ୍ଥ୍ୟସେବାକୁ ଆହୁରି ସୁଦୃ...
