ପୁରୀ ଶ୍ରୀଜଗନ୍ନାଥ ଧାମରେ ଆଜି ପାଳିତ ହେବ ରଥଯାତ୍ରାର ଅନ୍ୟତମ ଆକର୍ଷଣୀୟ ଓ ଐତିହାସିକ ନୀତିସୁନାବେଶ। ରଥ ଉପରେ ବିରାଜମାନ ମହାପ୍ରଭୁ ଶ୍ରୀଜଗନ୍ନାଥ, ବଡ଼ଭାଇ ବଳଭଦ୍ର, ଭଉଣୀ ଦେବୀ ସୁଭଦ୍ରା ଏବଂ ସୁଦର୍ଶନଙ୍କୁ ସୁନାର ଅଳଙ୍କାରରେ ଭବ୍ୟ ଭାବେ ସଜାଯିବ। ନୀଳାଦ୍ରି ବିଜେ ପୂର୍ବରୁ ହେଉଥିବା ଏହି ବିଶେଷ ବେଶ ଦର୍ଶନ ପାଇଁ ଦେଶ-ବିଦେଶରୁ ଲକ୍ଷାଧିକ ଭକ୍ତ ପୁରୀରେ ଭିଡ଼ ଜମାଇଛନ୍ତି।
ସୁନାବେଶ ସମୟରେ ମହାପ୍ରଭୁଙ୍କୁକିରୀଟ, କୁଣ୍ଡଳ, ଘାଗଡ଼ା ମାଳି, ବାହାଡ଼ା ମାଳି, ହରିଡ଼ା ମାଳି, କଦମ୍ବ ମାଳି, ବାଘନଖୀ ମାଳି, ସେବତୀ ମାଳି, ହଳ-ମୁଷଳ, ଚକ୍ର, ତିଳକସମେତ ଅନେକ ପାରମ୍ପରିକ ସ୍ୱର୍ଣ୍ଣ ଅଳଙ୍କାରରେ ସୁସଜ୍ଜିତ କରାଯିବ। ଏହି ଅଲୌକିକ ରୂପ ଭକ୍ତମାନଙ୍କ ପାଇଁ ଅତ୍ୟନ୍ତ ପବିତ୍ର ଓ ଆକର୍ଷଣର କେନ୍ଦ୍ରବିନ୍ଦୁ ହୋଇଥାଏ।
ପ୍ରଚଳିତ ନୀତି ଅନୁସାରେ ସନ୍ଧ୍ୟା୫ଟାରୁ ରାତି ୧୧ଟା ପର୍ଯ୍ୟନ୍ତସୁନାବେଶ ଅନୁଷ୍ଠିତ ହେବ। ଏହାପରେମଇଲମ ନୀତିମାଧ୍ୟମରେ ସ୍ୱର୍ଣ୍ଣ ଅଳଙ୍କାର ଖୋଲାଯିବ। ଯଦି ପୂର୍ବବର୍ତ୍ତୀ ନୀତିଗୁଡ଼ିକ ସମୟ ପୂର୍ବରୁ ଶେଷ ହୁଏ, ତେବେ ଅପରାହ୍ନରୁ ମଧ୍ୟ ଭକ୍ତମାନେ ସୁନାବେଶ ଦର୍ଶନର ସୁଯୋଗ ପାଇପାରିବେ।
ଭକ୍ତମାନଙ୍କ ସୁରକ୍ଷିତ ଓ ସୁଚାରୁ ଦର୍ଶନ ବ୍ୟବସ୍ଥା ପାଇଁ ପୁରୀ ଜିଲ୍ଲା ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ମାର୍କେଟ୍ ଛକରୁ ବଡ଼ଦାଣ୍ଡ ପର୍ଯ୍ୟନ୍ତ ବ୍ୟାରିକେଡ୍ ବ୍ୟବସ୍ଥା କରାଯାଇଛି। ଭକ୍ତମାନେ ବାମପାର୍ଶ୍ୱ ଦେଇ ପ୍ରବେଶ କରି ତିନି ରଥରେ ବିରାଜମାନ ଠାକୁରଙ୍କ ଦର୍ଶନ କରିବେ ଏବଂ ଡାହାଣପାର୍ଶ୍ୱ ଦେଇ ବାହାରିବେ।
ପ୍ରଶାସନ ପକ୍ଷରୁ ସମସ୍ତ ଭକ୍ତଙ୍କୁ ନିର୍ଦ୍ଦିଷ୍ଟ ପଥ ଅନୁସରଣ କରିବା ସହ ସୁରକ୍ଷାକର୍ମୀଙ୍କୁ ସହଯୋଗ କରିବାକୁ ଅନୁରୋଧ କରାଯାଇଛି, ଯାହାଦ୍ୱାରା ସମସ୍ତେ ଶୃଙ୍ଖଳିତ ଓ ସୁରକ୍ଷିତ ଭାବେ ମହାପ୍ରଭୁଙ୍କ ସୁନାବେଶ ଦର୍ଶନ କରିପାରିବେ।
ଭାରତରେ ଆୟୋଜିତ ହେବାକୁ ଥିବା ୧୮ତମ BRICS ସମ୍ମିଳନୀ ପୂର୍...
ନେପାଳରେ ପ୍ରଳୟଙ୍କରୀ ବନ୍ୟାକୁ ୧୩ ଦିନ ବିତିଯାଇଥିଲେ ମଧ୍ୟ...
ଏସିଆରେ ଚୀନ୍ ଓ ଜାପାନ ମଧ୍ୟରେ ସାମରିକ ତିକ୍ତତାକୁ ନେଇ ନୂ...
କଂଗ୍ରେସ ନେତା ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧ...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ଭାରତ ଓ ବାଂଲାଦେଶ ମଧ୍ୟରେ ଯାତ୍ରୀଙ୍କ ପାଇଁ ଆସିପାରେ ବଡ଼...
୮ମ ବେତନ କମିସନକୁ ନେଇ କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀ...
ଚୀନରେ ପ୍ରକୃତିର ତାଣ୍ଡବ ଜାରି ରହିଛି। ଘୂର୍ଣ୍ଣିଝଡ଼ &lsq...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
