କଂଗ୍ରେସ ନେତା ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ବମ୍ବେ ହାଇକୋର୍ଟରୁ ଝଟକା ଲାଗିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନେଇ ୨୦୧୮ରେ କରିଥିବା ଟିପ୍ପଣୀ ସମ୍ପର୍କିତ ମାନହାନି ମାମଲାରେ ତାଙ୍କ ବିରୋଧରେ ଜାରି ସମନ୍କୁ ରଦ୍ଦ କରିବାକୁ ହାଇକୋର୍ଟ ମନା କରିଦେଇଛନ୍ତି।
ଜଷ୍ଟିସ୍ ନିତିନ ବୋରକରଙ୍କ ଏକକ ଖଣ୍ଡପୀଠ ମାଜିଷ୍ଟ୍ରେଟ୍ଙ୍କ ଆଦେଶରେ କୌଣସି ସ୍ପଷ୍ଟ ଆଇନଗତ ତ୍ରୁଟି କିମ୍ବା ବେଆଇନ କାର୍ଯ୍ୟ ନଥିବା ଦର୍ଶାଇ ରାହୁଲ ଗାନ୍ଧୀଙ୍କ ଆବେଦନ ଖାରଜ କରିଛନ୍ତି।
ଏହି ମାନହାନି ମାମଲାଟି ୨୦୧୮ ମସିହାର ରାଜସ୍ଥାନ ନିର୍ବାଚନୀ ସଭା ସହ ଜଡ଼ିତ। ରାଫେଲ ଯୁଦ୍ଧବିମାନ ଚୁକ୍ତିକୁ ନେଇ ତତ୍କାଳୀନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ୍ କରିଥିଲେ।
ଏହି ସମୟରେ ସେ ‘ଚୌକିଦାର ଚୋର ହୈ’ ଏବଂ ‘କମାଣ୍ଡର-ଇନ୍-ଥିଫ୍’ ଭଳି ଶବ୍ଦ ବ୍ୟବହାର କରିଥିବା ଅଭିଯୋଗ ହୋଇଥିଲା। ଏହାକୁ ନେଇ ବିଜେପି ନେତା ମହେଶ ଶ୍ରୀଶ୍ରୀମାଲ ମାନହାନି ଅଭିଯୋଗ ଆଣିଥିଲେ।
ଅଭିଯୋଗ ଆଧାରରେ ମାଜିଷ୍ଟ୍ରେଟ୍ କୋର୍ଟ ୨୦୧୯ରେ ରାହୁଲ ଗାନ୍ଧୀଙ୍କୁ ସମନ୍ ଜାରି କରିଥିଲେ। ଏହି ସମନ୍ ଏବଂ ମାମଲାର ପରବର୍ତ୍ତୀ ଶୁଣାଣିକୁ ରଦ୍ଦ କରିବା ପାଇଁ ରାହୁଲ ଗାନ୍ଧୀ ବମ୍ବେ ହାଇକୋର୍ଟରେ ଆବେଦନ କରିଥିଲେ।
ରାହୁଲଙ୍କ ପକ୍ଷରୁ ଯୁକ୍ତି ଦିଆଯାଇଥିଲା ଯେ, ତାଙ୍କ ବୟାନରେ କୌଣସି ନିର୍ଦ୍ଦିଷ୍ଟ ରାଜନୈତିକ ଦଳର ନାଁ ନିଆଯାଇନଥିଲା। ତେଣୁ ଅଭିଯୋଗକାରୀଙ୍କର ଏହି ମାମଲା ଦାୟର କରିବାର ଆଇନଗତ ଅଧିକାର ନାହିଁ ବୋଲି ତାଙ୍କ ଓକିଲ ଯୁକ୍ତି ରଖିଥିଲେ।
ତେବେ ହାଇକୋର୍ଟ ଏହି ଯୁକ୍ତିକୁ ଗ୍ରହଣ କରିନାହାନ୍ତି। ମାଜିଷ୍ଟ୍ରେଟ୍ଙ୍କ ଆଦେଶରେ କୌଣସି ସ୍ପଷ୍ଟ ଆଇନଗତ ତ୍ରୁଟି ନଥିବା ଦର୍ଶାଇ ରାହୁଲଙ୍କ ଆବେଦନକୁ ଖାରଜ କରାଯାଇଛି।
ଫଳରେ ମାନହାନି ମାମଲା ଆଗକୁ ଜାରି ରହିବ। ତେବେ ରାହୁଲ ଗାନ୍ଧୀଙ୍କ ଅନୁରୋଧରେ ହାଇକୋର୍ଟ ନିଜ ଆଦେଶ ଉପରେ ୬ ସପ୍ତାହ ପାଇଁ ସ୍ଥଗିତାଦେଶ ଦେଇଛନ୍ତି। ଏହି ରାୟ ପରେ ରାଫେଲ ଚୁକ୍ତିକୁ ନେଇ ବର୍ଷ ପୁରୁଣା ରାଜନୈତିକ ବିବାଦ ପୁଣି ଚର୍ଚ୍ଚାକୁ ଆସିଛି।
ଭୁବନେଶ୍ୱର: ଖାଲି ପଡ଼ିଥିବା ଶିକ୍ଷକ ପଦବୀରେ ତୁରନ୍ତ ନିଯୁ...
ମୟୂରଭଞ୍ଜ: ଭୀଷଣ ବର୍ଷାକୁ ଦୃଷ୍ଟିରେ ରଖି ମୟୂରଭଞ୍ଜ ଜିଲ୍ଲ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ଓଡ଼ିଶାରେ ଲଘୁଚାପ ପ୍ରଭାବରେ ବର୍ଷାର ପ୍ରକୋପ ଜାରି ରହିଛି।...
ସୁନ୍ଦରଗଡ଼ ଜିଲ୍ଲା ବଣାଇରେ ଶନିବାର ସକାଳେ ପାଣିପାଗର ଏକ ଅ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ (BSE) ପକ୍ଷରୁ ଓଡ଼ିଶା ଶ...
୨୦୨୬-୨୭ ଶିକ୍ଷାବର୍ଷ ପାଇଁ ଓଡ଼ିଶାରେ ସ୍ନାତକୋତ୍ତର (PG)...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
