ଭୁବନେଶ୍ୱରରେ ‘ଆମ ଓଡ଼ିଶା’ ପକ୍ଷରୁ ପ୍ରକାଶିତ ଲେଖକ ଶିଶିର ସାହୁଙ୍କ ‘ଓଡ଼ିଶା’ ପୁସ୍ତକର ଆନୁଷ୍ଠାନିକ ଲୋକାର୍ପଣ ଉତ୍ସବ ଆୟୋଜିତ ହୋଇଥିଲା। ଏହି ପୁସ୍ତକ ଉଭୟ ଓଡ଼ିଆ ଓ ଇଂରାଜୀ ଭାଷାରେ ପ୍ରକାଶିତ ହୋଇଥିବା ସହ ଓଡ଼ିଶାର ଭବିଷ୍ୟତ ଉନ୍ନତି ପାଇଁ ଏକ ଦୃଢ଼ ରୋଡମ୍ୟାପ୍ ପ୍ରସ୍ତୁତ କରିଛି। ଲେଖକ ୨୦୩୬ ସୁଦ୍ଧା ଓଡ଼ିଶାକୁ ଭାରତର ଅଭିବୃଦ୍ଧିରେ ଏକ ପ୍ରମୁଖ ଅଂଶୀଦାର କରିବା ପାଇଁ ଭିନ୍ନ ମାର୍ଗଦର୍ଶନ ଦେଇଛନ୍ତି।
ଆଇଏମ୍ଏମ୍ଟି ସମ୍ମିଳନୀ କକ୍ଷରେ ଆୟୋଜିତ ଏହି ଉତ୍ସବରେ ଭାଷାବିତ୍ ଦେବୀପ୍ରସନ୍ନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇ ସମାଜରେ ବଢ଼ୁଥିବା ଅସମାନତା, ବେରୋଜଗାରୀ ଓ ଦାରିଦ୍ର୍ୟ ଉପରେ ଚିନ୍ତା ବ୍ୟକ୍ତ କରିଥିଲେ। ସେ କହିଥିଲେ ଯେ ରାଜ୍ୟର ଜନଜାତି ଓ ପଛୁଆ ଶ୍ରେଣୀଙ୍କ ବିକାଶ ଉପରେ ଆମକୁ ଅଧିକ ଗୁରୁତ୍ୱ ଦେବା ଦରକାର।
ନ୍ୟାୟମୂର୍ତ୍ତି ଚିତ୍ତରଞ୍ଜନ ଦାଶ ତାଙ୍କ ଉଦ୍ବୋଧନରେ କହିଥିଲେ ଯେ ବିକାଶ ପାଇଁ ସର୍ବପ୍ରଥମେ ରାଜନୈତିକ ଇଚ୍ଛାଶକ୍ତି ଆବଶ୍ୟକ। କେବଳ କିଛି ଲୋକ ଚେଷ୍ଟା କଲେ ପରିବର୍ତ୍ତନ ଆସିବ ନାହିଁ, ବରଂ ତଳସ୍ତରରୁ ସମସ୍ତଙ୍କ ସଂଘବଦ୍ଧ ପ୍ରୟାସ ଆବଶ୍ୟକ। ସେ ଦୁର୍ନୀତି ରୋକା ଓ ପ୍ରଶାସନରେ ସ୍ୱଚ୍ଛତା ଆଣିବାକୁ ଉପରୋକ୍ତ କରିଥିଲେ।
ସମାଜସେବୀ ଜଗଦାନନ୍ଦ ଆଦିବାସୀ ଅଞ୍ଚଳର ବିକାଶ ଅଭାବ ଉପରେ ମନୋଯୋଗ ଆକର୍ଷଣ କରିଥିଲେ ଏବଂ ସମାଜର ସମସ୍ତ ଶ୍ରେଣୀଙ୍କ ମିଶିତିବା ଭୂମିକା ଆବଶ୍ୟକ ବୋଲି କହିଥିଲେ।
ଏହା ସହିତ ନାଲ୍କୋର ପୂର୍ବତନ ଅଧ୍ୟକ୍ଷ ତପନ ଚାନ୍ଦ ଓଡ଼ିଶାର ଅର୍ଥନୀତିକ ସ୍ଥିତି ଓ ଭବିଷ୍ୟତ ଲକ୍ଷ୍ୟ ବିଷୟରେ ଆଲୋଚନା କରିଥିଲେ। ଓଡ଼ିଶାକୁ ୨୦୩୬ ସୁଦ୍ଧା ୫୦୦ ବିଲିୟନ ଡଲାର ଅର୍ଥନୀତି କରିବା ପାଇଁ ସମସ୍ତଙ୍କ ଏକତ୍ର ପ୍ରୟାସ ଆବଶ୍ୟକ ବୋଲି ସେ କହିଥିଲେ।
ଉତ୍ସବରେ ଇଷ୍ଟର୍ଣ୍ଣ ମିଡିଆ ଲିମିଟେଡ୍ର ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକ ବିକାଶର ସଠିକ ମାପଦଣ୍ଡ ବିଷୟରେ ମତ ପ୍ରକାଶ କରିଥିଲେ। ସେ କହିଥିଲେ ଯେ କେବଳ ଜିଡିପି ବୃଦ୍ଧି ଦ୍ୱାରା ବିକାଶ ମାପାଯିବ ନାହିଁ, ବରଂ ସମସ୍ତଙ୍କ ଆୟ, ଶିକ୍ଷା ଓ ସ୍ୱାସ୍ଥ୍ୟ ସୁବିଧା ବୃଦ୍ଧି ଦ୍ୱାରା ଏକ ସତ୍ୟ ସାର୍ଥକ ବିକଶିତ ଓଡ଼ିଶା ଗଠନ ହେବ।
ପଶ୍ଚିମବଙ୍ଗ ଆଜି ଏକ ନୂଆ ରାଜନୈତିକ ଯୁଗରେ ପ୍ରବେଶ କରିଛି।...
ଉତ୍ତର ପ୍ରଦେଶ ବିଧାନସଭା ପରିସରରେ ସମାଜବାଦୀ ପାର୍ଟି (SP)...
ବିହାରର ରାଜନୀତିରେ ନୂତନ ଚର୍ଚ୍ଚା ଆରମ୍ଭ ହୋଇଛି, ଯେତେବେଳ...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
Surat ରୁ ଏକ ଭୟଙ୍କର ଘଟଣା ପ୍ରକାଶରେ ଆସିଛି, ଯେଉଁଠାରେ 4...
କେରଳର ତିରୁବନନ୍ତପୁରମର କାର୍ଯ୍ୟଭଟ୍ଟମ ଅଞ୍ଚଳରେ ପୋଲିସ ଏକ...
ପୂର୍ଣ୍ଣିଆର ସ୍ୱାଧୀନ ସାଂସଦ Pappu Yadav ପୁନର୍ବାର ବିବା...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
