ଭୁବନେଶ୍ୱର ଉପକଣ୍ଠବାଲିଅନ୍ତା ବଜାରରେ ଥିବା ଏକSBI ATMରୁ ଟଙ୍କା ଲୁଟିବାକୁ ଦୁର୍ବୃତ୍ତମାନେ ଉଦ୍ୟମ କରିଥିଲେ। ତେବେ ସେମାନଙ୍କର ଏହି ଯୋଜନା ବିଫଳ ହେବା ପରେ ସେମାନେ ୨ଟି ମୋଟରସାଇକେଲ ଚୋରି କରିବା ସହ ଆଖପାଖରେ ଥିବା ଅନ୍ୟାନ୍ୟ ଗାଡ଼ିକୁ ଭାଙ୍ଗିଚୁରି କରି ଫେରାର ହୋଇଯାଇଥିଲେ।

ପ୍ରାଥମିକ ସୂଚନା ଅନୁଯାୟୀ, ଦୁର୍ବୃତ୍ତମାନେ ପ୍ରଥମେ ATM କିଓସ୍କରେ ପ୍ରବେଶ କରି ମେସିନ୍କୁ କ୍ଷତିଗ୍ରସ୍ତ କରିଥିଲେ। ଟଙ୍କା ରଖାଯାଇଥିବା ଅଂଶରେ ପହଞ୍ଚିବା ପାଇଁ ସେମାନେ ATMରସୁରକ୍ଷା ସେନ୍ସରକୁ ମଧ୍ୟ ଭାଙ୍ଗିଦେଇଥିଲେ। କିନ୍ତୁ ବହୁ ଚେଷ୍ଟା ସତ୍ତ୍ୱେ ATMରୁ ଟଙ୍କା ବାହାର କରିବାରେ ସଫଳ ହୋଇପାରିନଥିଲେ।

ଲୁଟ୍ ଉଦ୍ୟମ ବିଫଳ ହେବା ପରେ ଦୁର୍ବୃତ୍ତମାନେ ନିକଟରେ ପାର୍କିଂ ହୋଇଥିବା୨ଟି ମୋଟରସାଇକେଲ ଚୋରି କରିନେଇଥିଲେ। ଏହାଛଡ଼ା ସେମାନେ ଅନ୍ୟାନ୍ୟ ଯାନବାହନକୁ ଭାଙ୍ଗି କ୍ଷତିଗ୍ରସ୍ତ କରି ପଳାଇଯାଇଥିବା ଜଣାପଡ଼ିଛି।

ଘଟଣା ସମ୍ପର୍କରେ ଖବର ପାଇବା ପରେ ଦୁଇଟି ଥାନାର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ।

CCTV ଫୁଟେଜ୍ ଯାଞ୍ଚ କରୁଛି ପୋଲିସ

ପୋଲିସର ପ୍ରାଥମିକ ସନ୍ଦେହ ସ୍ଥାନୀୟ ଅପରାଧୀମାନଙ୍କ ଉପରେ ରହିଛି। ATM କିଓସ୍କ ଏବଂ ନିକଟସ୍ଥ ଦୋକାନରେ ଲାଗିଥିବାCCTV କ୍ୟାମେରାର ଫୁଟେଜ୍ଯାଞ୍ଚ କରାଯାଉଛି। ଏହା ଆଧାରରେ ଅଭିଯୁକ୍ତମାନଙ୍କୁ ଚିହ୍ନଟ କରିବାକୁ ପୋଲିସ ଉଦ୍ୟମ କରୁଛି।

ଏହି ଘଟଣାରେ ସ୍ଥାନୀୟ ପୋଲିସ ପକ୍ଷରୁ ଏପର୍ଯ୍ୟନ୍ତ କୌଣସି ସରକାରୀ ପ୍ରତିକ୍ରିୟା ମିଳିନାହିଁ।

ପୂର୍ବରୁ ମଧ୍ୟ ହୋଇଥିଲା ATM ଲୁଟ୍

ଉଲ୍ଲେଖଯୋଗ୍ୟ ଯେ, ଚଳିତ ବର୍ଷମେ ୬ ତାରିଖରେ ମୟୂରଭଞ୍ଜ ଜିଲ୍ଲାର ଖୁଣ୍ଟା ଅଞ୍ଚଳରେ ଥିବା ଏକ SBI ATMରୁ ଟଙ୍କା ଲୁଟ୍ହୋଇଥିଲା। ସେହି ଘଟଣାରେ ଦୁର୍ବୃତ୍ତମାନେ ପ୍ରଥମେ CCTV କ୍ୟାମେରାରେ ରଙ୍ଗ ସ୍ପ୍ରେ କରିଥିଲେ ଏବଂ ଆଲାର୍ମ ସିଷ୍ଟମ୍ ଭାଙ୍ଗି ଟଙ୍କା ଲୁଟି ଫେରାର ହୋଇଯାଇଥିଲେ।

ବର୍ତ୍ତମାନ ବାଲିଅନ୍ତା ATM ଘଟଣାରେ ଚୋରି ହୋଇଥିବା ବାଇକ୍ ଉଦ୍ଧାର ସହ ଅଭିଯୁକ୍ତଙ୍କୁ ଧରିବା ପାଇଁ ପୋଲିସର ତଦନ୍ତ ଜାରି ରହିଛି।