ମଧ୍ୟପ୍ରାଚ୍ୟରେ ଚାଲିଥିବା ସଂଘର୍ଷ ଏବେ ଆଉ ଏକ ନୂଆ ମୋଡ଼ ନେଇଛି। ହର୍ମୁଜ୍ ପ୍ରଣାଳୀକୁ କେନ୍ଦ୍ର କରି ଆମେରିକା ଓ ଇରାନ ମଧ୍ୟରେ ବଢ଼ୁଥିବା ଉତ୍ତେଜନା ମଧ୍ୟରେ ସାଉଦି ଆରବ ମଧ୍ୟ ସିଧାସଳଖ ଭାବେ ଯୁଦ୍ଧରେ ସାମିଲ ହୋଇଛି। ଫଳରେ ସମଗ୍ର ଅଞ୍ଚଳରେ ସୁରକ୍ଷା ପରିସ୍ଥିତି ଆହୁରି ସଙ୍କଟଜନକ ହୋଇପଡ଼ିଛି।
ରିପୋର୍ଟ ଅନୁସାରେ, ସାଉଦି ଆରବ ୟେମେନର ରାଜଧାନୀ ସାନାର ବିମାନବନ୍ଦରକୁ ଲକ୍ଷ୍ୟ କରି କ୍ଷେପଣାସ୍ତ୍ର ଆକ୍ରମଣ କରିଛି। ଏହି ସମୟରେ ଇରାନର ମାହାନ ଏୟାରଲାଇନ୍ସର ଏକ ବିମାନ ସାନା ବିମାନବନ୍ଦରରେ ଅବତରଣ କରିବାକୁ ଯାଉଥିବା ବେଳେ ରନୱେକୁ ଟାର୍ଗେଟ କରାଯାଇଥିବା ଦାବି କରାଯାଇଛି। ବିଶେଷଜ୍ଞମାନଙ୍କ ମତରେ, ୨୦୨୨ ପରଠାରୁ ସାଉଦି ଆରବ ଓ ହୁତି ବିଦ୍ରୋହୀଙ୍କ ମଧ୍ୟରେ ଏହା ସବୁଠାରୁ ବଡ଼ ସାମରିକ ମୁହାଁମୁହିଁ।
ସୂଚନା ଅନୁଯାୟୀ, ବିମାନରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନେଇଙ୍କ ଅନ୍ତିମ ସଂସ୍କାରରୁ ଫେରୁଥିବା ହୁତି ପ୍ରତିନିଧିମଣ୍ଡଳୀ ଯାତ୍ରା କରୁଥିଲେ। ସାଉଦି ଆରବର ସନ୍ଦେହ ଯେ, ଇରାନ ଏହି ବିମାନ ମାଧ୍ୟମରେ ହୁତି ବିଦ୍ରୋହୀଙ୍କୁ ସାମରିକ ସହାୟତା ଏବଂ ଅସ୍ତ୍ରଶସ୍ତ୍ର ପହଞ୍ଚାଉଛି।
ଆମେରିକୀୟ ଗଣମାଧ୍ୟମର ଏକ ରିପୋର୍ଟ ଅନୁଯାୟୀ, ଆକ୍ରମଣ ପୂର୍ବରୁ ସାଉଦିର କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଫୋନ୍ ଯୋଗେ ଆଲୋଚନା କରିଥିଲେ। ହୁତି ବିରୋଧୀ ଅଭିଯାନ ପାଇଁ ସାମରିକ ଓ କୂଟନୈତିକ ସମର୍ଥନ ମାଗିଥିବା ବେଳେ ଟ୍ରମ୍ପ ପ୍ରଶାସନ ସାଉଦିକୁ ସମର୍ଥନ କରିଥିବା କୁହାଯାଉଛି।
ଏହାର ଜବାବରେ ଇରାନ ସମର୍ଥିତ ହୁତି ବିଦ୍ରୋହୀମାନେ ମଧ୍ୟ ସାଉଦି ଆରବର ବିଭିନ୍ନ ସ୍ଥାନକୁ ଲକ୍ଷ୍ୟ କରି କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣ କରିଛନ୍ତି। ହୁତି ସାମରିକ ମୁଖପାତ୍ର ୟାହୟା ସୁରୀ କହିଛନ୍ତି, ଯଦି ସେମାନଙ୍କ ବିମାନ ଚଳାଚଳରେ ବାଧା ସୃଷ୍ଟି କରାଯିବ, ତେବେ ସାଉଦିର ଅନ୍ତର୍ଜାତୀୟ ବିମାନବନ୍ଦରଗୁଡ଼ିକୁ ମଧ୍ୟ ଟାର୍ଗେଟ କରାଯିବ।
ହୁତି ପକ୍ଷ ଅଭିଯୋଗ କରିଛି ଯେ, ସାଉଦି ଆରବ ବେସାମରିକ ବିମାନ ଚଳାଚଳରେ ବାଧା ସୃଷ୍ଟି କରି ଅନ୍ତର୍ଜାତୀୟ ଆଇନ ଉଲ୍ଲଂଘନ କରୁଛି। ଏହି ନୂଆ ସଂଘର୍ଷ ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧକୁ ଆହୁରି ବ୍ୟାପକ ଓ ବିପଦଜନକ କରିପାରେ ବୋଲି ବିଶେଷଜ୍ଞମାନେ ଆଶଙ୍କା ପ୍ରକାଶ କରିଛନ୍ତି।
ଗ୍ରାହକଙ୍କ ଆବଶ୍ୟକତା ଓ ସୁବିଧାକୁ ଧ୍ୟାନରେ ରଖି ତୈଳ ବିପଣ...
ହର୍ମୁଜ ପ୍ରଣାଳୀରେ ବଢ଼ୁଥିବା ସାମରିକ ଉତ୍ତେଜନା ମଧ୍ୟରେ ସ...
ପହଲଗାମ ଆତଙ୍କବାଦୀ ଆକ୍ରମଣ ମାମଲାରେ ବଡ଼ ଆଇନଗତ ପଦକ୍ଷେପ...
ହର୍ମୁଜ୍ ପ୍ରଣାଳୀରେ ସଂଯୁକ୍ତ ଆରବ ଏମିରେଟ୍ସ (ୟୁଏଇ)ର ଏକ...
ରାଜଧାନୀ ଭୁବନେଶ୍ୱରରେ ପୁଣି ଏକ ବଡ଼ ଧରଣର ଲୁଟ ଘଟଣା ସାମ୍...
ଉତ୍ତରପ୍ରଦେଶରମହାରାଜଗଞ୍ଜ ଜିଲ୍ଲାଅନ୍ତର୍ଗତସୋନୌଲି ଭାରତ-ନ...
ଆଫଗାନିସ୍ତାନର ସାଧାରଣ ଲୋକଙ୍କ ପାଇଁ ଭାରତ ପୁଣିଥରେ ମାନବି...
ୟୁକ୍ରେନର ରାଜଧାନୀକିଭ୍ରେ ମଙ୍ଗଳବାର ମଧ୍ୟରାତ୍ରିରେ ଏକାଧି...
