ରାଉରକେଲା ସର୍କିଟ୍ ହାଉସ୍ରୁ ବନ୍ଧୁକ ଓ ଜୀବନ୍ତ ଗୁଳି ଜବତ ଘଟଣାରେ ଫେରାର ଥିବା ସସ୍ପେଣ୍ଡେଡ୍ ବିଜେପି ନେତା ପ୍ରକାଶ ପାସୱାନଙ୍କୁ ବିହାରର ସମସ୍ତିପୁରରୁ ଗିରଫ କରାଯାଇଛି। ବୁଧବାର ବିହାର ପୁଲିସ ତାଙ୍କୁ ଧରିଥିବା ଜଣାପଡ଼ିଛି।
ଏହି ମାମଲାରେ ଅଭିଯୁକ୍ତ ହେବା ପରେ ଅଗଷ୍ଟ ୧୪ ତାରିଖରୁ ପ୍ରକାଶ ପାସୱାନ ନିଖୋଜ ଥିଲେ। ତାଙ୍କୁ ଗିରଫ କରିବା ପାଇଁ ରଘୁନାଥପାଲି ପୁଲିସ ପୂର୍ବରୁ ତାଙ୍କ ବିରୋଧରେ ନନ୍-ବେଲେବଲ୍ ୱାରେଣ୍ଟ (NBW) ଜାରି କରିଥିଲା।
ପ୍ରକାଶ ପାସୱାନଙ୍କୁ ଓଡ଼ିଶା ଆଣିବା ପାଇଁ ରାଉରକେଲା ପୁଲିସର ଏକ ଟିମ୍ ବିହାର ଯିବାର ସୂଚନା ମିଳିଛି। ଗୁରୁବାର ସକାଳ ପ୍ରାୟ ୯ଟା ସୁଦ୍ଧା ପୁଲିସ ଟିମ୍ ବିହାରରେ ପହଞ୍ଚିବାର ଯୋଜନା ରହିଥିବା ବେଳେ ଗୁରୁବାର ସନ୍ଧ୍ୟା ସୁଦ୍ଧା ତାଙ୍କୁ ଓଡ଼ିଶା ଆଣିବା ପାଇଁ ପ୍ରକ୍ରିୟା ଚାଲିଥିବା ସୂଚନା ମିଳିଛି।
ଗିରଫରୁ ବଞ୍ଚିବା ପାଇଁ ପ୍ରକାଶ ପାସୱାନ ପୂର୍ବରୁ ଓଡ଼ିଶା ହାଇକୋର୍ଟରେ ଆଗୁଆ ଜାମିନ୍ ପାଇଁ ଆବେଦନ କରିଥିଲେ।
ପୁଲିସର ସୂଚନା ଅନୁସାରେ, ରାଉରକେଲାର ସରକାରୀ ପରିଚାଳିତ ସର୍କିଟ୍ ହାଉସ୍ରେ ଅସ୍ତ୍ରଧାରୀ ଅପରାଧୀମାନଙ୍କୁ ଆଶ୍ରୟ ଦିଆଯାଇଥିବା ଅଭିଯୋଗ ରହିଛି।
ଅଗଷ୍ଟ ୧୫ ତାରିଖରେ ସର୍କିଟ୍ ହାଉସ୍ରୁ ଦୁଇ ଜଣ ଅପରାଧୀଙ୍କୁ ବନ୍ଧୁକ ଓ ଜୀବନ୍ତ ଗୁଳି ସହ ପୁଲିସ ଗିରଫ କରିଥିଲା। ଏହାପରେ ପ୍ରକାଶ ପାସୱାନଙ୍କ ସହ ସମ୍ପୃକ୍ତ ଥିବା ଅଭିଯୋଗରେ ଆହୁରି ୭ ଜଣଙ୍କୁ ପୁଲିସ ଗିରଫ କରିଥିବା ଜଣାପଡ଼ିଛି।
ଏବେ ପ୍ରକାଶ ପାସୱାନ ଗିରଫ ହେବା ପରେ ମାମଲାର ତଦନ୍ତ ଆହୁରି ଆଗକୁ ବଢ଼ିବା ସମ୍ଭାବନା ରହିଛି।
ଏହି ମାମଲାରେ ନିଜ ନାମ ଯୋଡ଼ାଯାଉଥିବା ନେଇ ପ୍ରକାଶ ପାସୱାନ ପୂର୍ବରୁ ଆପତ୍ତି ଉଠାଇଥିଲେ। ତାଙ୍କ କହିବା ଅନୁସାରେ, ବିଭିନ୍ନ ୱେବସାଇଟ୍ ଓ ସୋସିଆଲ୍ ମିଡିଆ ପେଜ୍ ମାଧ୍ୟମରେ ସେ ଜାଣିବାକୁ ପାଇଥିଲେ ଯେ ତାଙ୍କ ନାମ ଏହି ବନ୍ଧୁକ ମାମଲା ସହ ଯୋଡ଼ାଯାଉଛି।
ସେ ସର୍କିଟ୍ ହାଉସ୍ର ରୁମ୍ ବୁକିଂ ପ୍ରକ୍ରିୟା ନେଇ ମଧ୍ୟ ପ୍ରଶ୍ନ ଉଠାଇଥିଲେ। ତାଙ୍କ ଦାବି ଥିଲା ଯେ ରୁମ୍ ବୁକିଂ ପାଇଁ ରିକ୍ୱିଜିସନ୍ ଦେବା ପରେ ହିଁ ବୁକିଂ ନିଶ୍ଚିତ ହୁଏ। ତେଣୁ ସର୍କିଟ୍ ହାଉସ୍ର ବୁକିଂ ରେଜିଷ୍ଟର ଓ CCTV ଫୁଟେଜ୍ ସାର୍ବଜନୀନ କରାଯିବା ଉଚିତ ବୋଲି ସେ କହିଥିଲେ।
ନୂଆଦିଲ୍ଲୀ:Air Indiaରେ ଆହୁରି ପୁଞ୍ଜି ନିବେଶ କରିବା ପୂର...
ନୂଆଦିଲ୍ଲୀ:ବିମାନ ଯାତ୍ରୀଙ୍କ ପାଇଁ ଆସିଛି ଚିନ୍ତାଜନକ ଖବର...
ଦୁଇ ଦଶନ୍ଧି ପୂର୍ବରୁ ଆରମ୍ଭ ହୋଇଥିବାBigg Bossଭାରତର ସବୁ...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
ନୂଆଦିଲ୍ଲୀ:ଭାରତର ଏୟାରପୋର୍ଟ ଓ ବିମାନ ଭିତ୍ତିଭୂମି କ୍ଷେତ...
ଅଭିନେତ୍ରୀମାହି ବିଜଶେଷରେBigg Bossଘରେ ପ୍ରବେଶ କରିଛନ୍ତି...
ହଲିଉଡ୍ର ଲୋକପ୍ରିୟ ସାଇ-ଫାଇ ସିରିଜ୍ **‘Silo&rsqu...
ନୂଆଦିଲ୍ଲୀ:କ୍ୟାରିୟରର ପ୍ରଥମ ପାହାଚ ଜୀବନର ଶେଷ ଗନ୍ତବ୍ୟ...
