ଭାରତୀୟ ରିଜର୍ଭ ବ୍ୟାଙ୍କ (RBI) ଗତକାଲି Repo Rateକୁ୨୫ ବେସିସ୍ ପଏଣ୍ଟ ବଢ଼ାଇ ୫.୫୦%କରିଛି। ୨୦୨୩ ଫେବ୍ରୁଆରୀ ପରେ ଏହା RBIର ପ୍ରଥମ Repo Rate ବୃଦ୍ଧି। ଏହାର ପ୍ରଭାବରେ Floating Rate ହୋମ୍ ଲୋନ୍ ଓ ଅନ୍ୟାନ୍ୟ ଋଣର EMI ବଢ଼ିପାରେ କିମ୍ବା ଋଣ ପରିଶୋଧ ସମୟ ବଢ଼ିପାରେ।

ତେବେFD ନିବେଶକଙ୍କ ପାଇଁ ଏହି Repo Rate ବୃଦ୍ଧି ଏକ ସକାରାତ୍ମକ ସଙ୍କେତ ହୋଇପାରେ।ସୁଧହାର ବଢ଼ିଲେ ବ୍ୟାଙ୍କଗୁଡ଼ିକ ଅଧିକ ଜମା ଆକର୍ଷିତ କରିବା ପାଇଁ FD ଉପରେ ସୁଧହାର ବଢ଼ାଇପାରନ୍ତି। ଏହା ବିଶେଷକରି ସ୍ଥିର ଓ ନିଶ୍ଚିତ ରିଟର୍ନ ଚାହୁଁଥିବା ନିବେଶକଙ୍କ ପାଇଁ FDକୁ ଅଧିକ ଆକର୍ଷଣୀୟ କରିପାରେ।

FD ସୁଧହାର କେତେ ବଢ଼ିପାରେ?

Repo Rate ୨୫ ବେସିସ୍ ପଏଣ୍ଟ ବଢ଼ିଛି ବୋଲି ବ୍ୟାଙ୍କଗୁଡ଼ିକ ମଧ୍ୟ FD Rateକୁ ଠିକ୍ ୨୫ ବେସିସ୍ ପଏଣ୍ଟ ବଢ଼ାଇବେ—ଏହା ନିଶ୍ଚିତ ନୁହେଁ। ପ୍ରତ୍ୟେକ ବ୍ୟାଙ୍କର ଜମା ଆବଶ୍ୟକତା, ଫଣ୍ଡିଂ ଓ ବଜାରର ପ୍ରତିଯୋଗିତା ଅନୁସାରେ FD Rate ନିର୍ଦ୍ଧାରିତ ହୁଏ।

ରିପୋର୍ଟ ଅନୁସାରେ, ବଡ଼ Private Bankଗୁଡ଼ିକରେ୧-୨ ବର୍ଷର FD ଉପରେ ₹୧ କୋଟିରୁ କମ୍ ଜମା ପାଇଁ ପ୍ରାୟ ୬.୩%ରୁ ୭%ପର୍ଯ୍ୟନ୍ତ ସୁଧ ମିଳୁଛି। କିଛି Small Finance Bankରେ ଏହି ସୁଧହାର୮.୧% ପର୍ଯ୍ୟନ୍ତରହିଛି।

ଏବେ FD କରିବା ଉଚିତ କି?

Repo Rate ବୃଦ୍ଧି ହୋଇଥିବାରୁ ତୁରନ୍ତ FD କରିବା ଆବଶ୍ୟକ ନୁହେଁ। ନିବେଶକମାନେ ବିଭିନ୍ନ ବ୍ୟାଙ୍କର FD ସୁଧହାର ତୁଳନା କରିବା ସହିତTax ପରେ ପ୍ରକୃତ ରିଟର୍ନ, FDର ଅବଧି ଏବଂ ଟଙ୍କା କେବେ ଆବଶ୍ୟକ ହେବତାହା ମଧ୍ୟ ବିଚାର କରିବା ଉଚିତ।

ଯେଉଁମାନଙ୍କର FD ଖୁବଶୀଘ୍ର Mature ହେବାକୁ ଯାଉଛି, ସେମାନେ ବର୍ତ୍ତମାନର ସୁଧହାର ସହିତ ନୂଆ FD କରିବା କିମ୍ବା ଅନ୍ୟ ବ୍ୟାଙ୍କରେ ଟଙ୍କା ରଖିବା ନେଇ ତୁଳନା କରିପାରନ୍ତି।

ଅର୍ଥାତ୍,ଋଣ ନେଇଥିବା ଲୋକଙ୍କ ପାଇଁ Repo Rate ବୃଦ୍ଧି ଚିନ୍ତାର କାରଣ ହୋଇପାରେ, କିନ୍ତୁ ଅତିରିକ୍ତ ଟଙ୍କା FDରେ ରଖୁଥିବା ନିବେଶକଙ୍କ ପାଇଁ ବ୍ୟାଙ୍କ ସୁଧହାର ବଢ଼ିଲେ ଏହା ଏକ ଭଲ ସୁଯୋଗ ହୋଇପାରେ।