କଟକର ରେଭେନ୍ସା ବିଶ୍ୱବିଦ୍ୟାଳୟର ହଷ୍ଟେଲ୍ ପ୍ରଶାସନରେ ବଡ଼ ଧରଣର ଅଦଳବଦଳ କରାଯାଇଛି। ବୁଧବାର ବିଶ୍ୱବିଦ୍ୟାଳୟ ପକ୍ଷରୁ ଚିଫ୍ ୱାର୍ଡେନ୍, ଦୁଇ ଡେପୁଟି ଚିଫ୍ ୱାର୍ଡେନ୍ଙ୍କ ସମେତ ବିଭିନ୍ନ ହଷ୍ଟେଲ୍ର ୱାର୍ଡେନ୍ ଓ ଡେପୁଟି ୱାର୍ଡେନ୍ଙ୍କୁ ପରିବର୍ତ୍ତନ କରାଯାଇଛି। ମୋଟ ୩୦ ଜଣଙ୍କୁ ଏହି ପ୍ରଶାସନିକ ଅଦଳବଦଳରେ ସାମିଲ କରାଯାଇଛି।
ପ୍ରଫେସର ପୂର୍ଣ୍ଣେନ୍ଦୁ ପାଢ଼ୀଙ୍କୁ ନୂଆ ଚିଫ୍ ୱାର୍ଡେନ୍ ଭାବେ ନିଯୁକ୍ତ କରାଯାଇଛି। ସେ ସୁଦର୍ଶନ ମିଶ୍ରଙ୍କ ସ୍ଥାନ ନେଇଛନ୍ତି।
ସେହିପରି ପ୍ରଫେସର ଦୀପ୍ତି ରାଉତ ଏବଂ ଦ୍ୱିତୀ କୃଷ୍ଣ ବେହେରାଙ୍କୁ ଡେପୁଟି ଚିଫ୍ ୱାର୍ଡେନ୍ ଭାବେ ଦାୟିତ୍ୱ ଦିଆଯାଇଛି। ସେମାନେ ମନୋଜ କୁମାର ଦାସ ଏବଂ ରଶ୍ମିରେଖା ଶତପଥୀଙ୍କ ସ୍ଥାନ ନେଇଛନ୍ତି।
ହଷ୍ଟେଲ୍ ପ୍ରଶାସନର ପୁନର୍ବିନ୍ୟାସରେ ବିଭିନ୍ନ ହଷ୍ଟେଲ୍ର ୨୭ ଜଣ ୱାର୍ଡେନ୍ ଓ ଡେପୁଟି ୱାର୍ଡେନ୍ଙ୍କୁ ମଧ୍ୟ ପରିବର୍ତ୍ତନ କରାଯାଇଛି। ଏହା ଫଳରେ ହଷ୍ଟେଲ୍ ପ୍ରଶାସନର ଦାୟିତ୍ୱରେ ବଡ଼ ପରିବର୍ତ୍ତନ ହୋଇଛି।
କଟକ ସଦର ବିଧାୟକ ପ୍ରକାଶ ଚନ୍ଦ୍ର ସେଠୀ, ବିଶ୍ୱବିଦ୍ୟାଳୟର ୱାର୍ଡେନ୍ମାନେ ଏବଂ ଶିକ୍ଷକ ସଂଘ ମଧ୍ୟରେ ହୋଇଥିବା ବିବାଦ ପରେ ଏହି ଅଦଳବଦଳ କରାଯାଇଥିବା ଜଣାପଡ଼ିଛି।
ଏହା ପୂର୍ବରୁ ରେଭେନ୍ସା ବିଶ୍ୱବିଦ୍ୟାଳୟର କୁଳପତି ପ୍ରଫେସର ଅର୍କ କୁମାର ଦାସ ମହାପାତ୍ର ବିଶ୍ୱବିଦ୍ୟାଳୟକୁ ଘେରି ରହିଥିବା ବିବାଦ ଖୁବ୍ ଶୀଘ୍ର ସମାଧାନ ହେବ ବୋଲି ଆଶା ପ୍ରକାଶ କରିଥିଲେ।
କୁଳପତି କହିଥିଲେ ଯେ ବିବାଦ ସତ୍ତ୍ୱେ ବିଶ୍ୱବିଦ୍ୟାଳୟର ଏକାଡେମିକ୍ ପରିବେଶ ପ୍ରଭାବିତ ହୋଇନାହିଁ। ନିୟମିତ ଭାବେ କ୍ଲାସ୍ ଚାଲିଛି ଏବଂ ସମସ୍ତ ଅଧ୍ୟାପକ ନିଜ ଦାୟିତ୍ୱରେ ଉପସ୍ଥିତ ରହୁଛନ୍ତି ବୋଲି ସେ ସ୍ପଷ୍ଟ କରିଥିଲେ।
ବିଶ୍ୱବିଦ୍ୟାଳୟର କୌଣସି ହଷ୍ଟେଲ୍ରେ ସମସ୍ୟା ନାହିଁ ଏବଂ କୁଳପତିଙ୍କ କାର୍ଯ୍ୟାଳୟ ପକ୍ଷରୁ ସ୍ଥିତି ଉପରେ ନଜର ରଖାଯାଉଛି ବୋଲି ମଧ୍ୟ ସେ କହିଥିଲେ।
କଟକସ୍ଥିତ ଓଡ଼ିଶା କ୍ରିକେଟ୍ ଆସୋସିଏସନ୍‌ (OCA) ୨୦୨...
ଭାରତ-ପାକିସ୍ତାନ କ୍ରିକେଟ୍ ମ୍ୟାଚ୍ ସବୁବେଳେ କ୍ରୀଡ଼ାପ୍ରେ...
ନୂଆଦିଲ୍ଲୀ, ୧୨/୮:Milky Mist Dairy Foodର IPO ପ୍ରଥମ ଦ...
ଟିମ୍ ଇଣ୍ଡିଆର ଷ୍ଟାର୍ ଅଲରାଉଣ୍ଡରହାର୍ଦ୍ଦିକ ପାଣ୍ଡ୍ୟାଙ୍କ...
ବିରାଟ କୋହଲିଙ୍କ ବ୍ୟାଟ୍ରୁ ଆଉ ଏକ ବଡ଼ ରେକର୍ଡର ଅପେକ୍ଷା...
ପାନ ମସଲା ପ୍ୟାକେଜିଂକୁ ନେଇ FSSAI ଏକ ବଡ଼ ନିଷ୍ପତ୍ତି ନେ...
କଲମ୍ବିଆରେ ସୋମବାର ସକାଳେ ୭.୪ ତୀବ୍ରତାର ଏକ ଶକ୍ତିଶାଳୀ ଭ...
ନୂଆଦିଲ୍ଲୀ: E20 ପେଟ୍ରୋଲ୍‌କୁ ନେଇ ଚାଲିଥିବା ବିବାଦ...
