ଟିମ୍ ଇଣ୍ଡିଆର ଷ୍ଟାର୍ ଅଲରାଉଣ୍ଡରହାର୍ଦ୍ଦିକ ପାଣ୍ଡ୍ୟାଙ୍କୁ ନେଇ ଆଇପିଏଲ୍ ୨୦୨୭ ପୂର୍ବରୁ କ୍ରିକେଟ୍ ଜଗତରେ ଚର୍ଚ୍ଚା ଜୋର ଧରିଛି। ହାର୍ଦ୍ଦିକଙ୍କ ସମ୍ଭାବ୍ୟ ‘ଟ୍ରେଡ୍’କୁ ନେଇ ୫ଟି ପ୍ରମୁଖ ଆଇପିଏଲ୍ ଫ୍ରାଞ୍ଚାଇଜ୍ ଆଗ୍ରହ ଦେଖାଇଥିବା ରିପୋର୍ଟରେ ଦାବି କରାଯାଇଛି।

ବର୍ତ୍ତମାନ ଆହତ ଥିବା ହାର୍ଦ୍ଦିକ ବେଙ୍ଗାଲୁରୁସ୍ଥିତ ବିସିସିଆଇ ସେଣ୍ଟର ଅଫ୍ ଏକ୍ସଲେନ୍ସରେ ଫିଟନେସ୍ ଉପରେ କାମ କରୁଛନ୍ତି। ଏପଟେ ତାଙ୍କ ଆଇପିଏଲ୍ ଭବିଷ୍ୟତକୁ ନେଇ ଆଲୋଚନା ବଢ଼ିଛି।

ହାର୍ଦ୍ଦିକ ଗତ କିଛି ସିଜନ୍ ଧରିମୁମ୍ବାଇ ଇଣ୍ଡିଆନ୍ସର ଅଂଶ ରହିଛନ୍ତି। ତେବେ ରିପୋର୍ଟ ଅନୁସାରେ ମୁମ୍ବାଇ ତାଙ୍କୁ ଟ୍ରେଡ୍ କରିବାର ସମ୍ଭାବନାକୁ ବିଚାର କରୁଥିବା କୁହାଯାଉଛି। ଯଦିଓ ଏନେଇ ଫ୍ରାଞ୍ଚାଇଜି ପକ୍ଷରୁ କୌଣସି ଆନୁଷ୍ଠାନିକ ଘୋଷଣା ହୋଇନାହିଁ।

୫ ଦଳର ନଜରରେ ହାର୍ଦ୍ଦିକ

କୋଲକାତା ନାଇଟ୍ ରାଇଡର୍ସ (KKR):ରିପୋର୍ଟ ଅନୁସାରେ ହାର୍ଦ୍ଦିକଙ୍କ ପାଇଁ KKR ଅଧିକ ଆଗ୍ରହୀ। ଦଳ ଜଣେ ଅଭିଜ୍ଞ ଅଧିନାୟକଙ୍କୁ ଖୋଜୁଥିବାରୁ ହାର୍ଦ୍ଦିକଙ୍କୁ ଏକ ବିକଳ୍ପ ଭାବେ ଦେଖାଯାଉଛି। ନଗଦ ଅର୍ଥ ବିନିମୟରେ ତାଙ୍କୁ ଦଳରେ ନେବା ନେଇ ଚର୍ଚ୍ଚା ରହିଛି।

ଦିଲ୍ଲୀ କ୍ୟାପିଟାଲ୍ସ:ଦିଲ୍ଲୀ କ୍ୟାପିଟାଲ୍ସ ମଧ୍ୟ ଏକ ବଡ଼ ଟ୍ରେଡ୍ ଡିଲ୍ ପାଇଁ ବିଚାର କରୁଥିବା କୁହାଯାଉଛି। ରିପୋର୍ଟ ଅନୁସାରେ, ଅକ୍ଷର ପଟେଲଙ୍କ ବଦଳରେ ହାର୍ଦ୍ଦିକଙ୍କୁ ନେବା ନେଇ ସମ୍ଭାବନା ଆଲୋଚନାରେ ରହିଛି।

ରାଜସ୍ଥାନ ରୟାଲ୍ସ:ରାଜସ୍ଥାନ ରୟାଲ୍ସ ମଧ୍ୟ ହାର୍ଦ୍ଦିକଙ୍କୁ ନେଇ ଆଗ୍ରହୀ ଥିବା ରିପୋର୍ଟରେ କୁହାଯାଇଛି। ଯଶସ୍ୱୀ ଜୈସୱାଲଙ୍କ ବଦଳରେ ହାର୍ଦ୍ଦିକଙ୍କୁ ନେବା ନେଇ ଏକ ସମ୍ଭାବ୍ୟ ଟ୍ରେଡ୍ ଡିଲ୍ର ଚର୍ଚ୍ଚା ରହିଛି।

ଲକ୍ଷ୍ନୌ ସୁପର ଜାଏଣ୍ଟସ୍:ଲକ୍ଷ୍ନୌ ସୁପର ଜାଏଣ୍ଟସ୍ ମଧ୍ୟ ଏହି ଦୌଡ଼ରେ ଥିବା କୁହାଯାଉଛି। ହାର୍ଦ୍ଦିକଙ୍କ ବଦଳରେ ବିସ୍ଫୋରକ ବ୍ୟାଟର ନିକୋଲାସ ପୂରନଙ୍କୁ ମୁମ୍ବାଇକୁ ପଠାଇବା ନେଇ ସମ୍ଭାବନା ଆଲୋଚନା ହେଉଥିବା ରିପୋର୍ଟରେ ଦାବି କରାଯାଇଛି।

ଚେନ୍ନାଇ ସୁପର କିଙ୍ଗସ୍:ଚେନ୍ନାଇ ସୁପର କିଙ୍ଗସ୍ ମଧ୍ୟ ହାର୍ଦ୍ଦିକଙ୍କୁ ନେଇ ଆଗ୍ରହ ପ୍ରକାଶ କରିଥିବା କୁହାଯାଉଛି। ତେବେ ଦଳ ବର୍ତ୍ତମାନ ‘ୱେଟ୍ ଆଣ୍ଡ ୱାଚ୍’ ମୁଡ୍ରେ ରହିଛି ଏବଂ ନୂଆ ହେଡ୍ କୋଚ୍ ନିଯୁକ୍ତି ପରେ ଏନେଇ ଚୂଡ଼ାନ୍ତ ନିଷ୍ପତ୍ତି ନେଇପାରେ।

ହାର୍ଦ୍ଦିକଙ୍କ ସମ୍ଭାବ୍ୟ ଟ୍ରେଡ୍ ଆଇପିଏଲ୍ ୨୦୨୭ର ସବୁଠାରୁ ବଡ଼ ଚର୍ଚ୍ଚା ମଧ୍ୟରୁ ଗୋଟିଏ ହୋଇପାରେ। ତେବେ ବର୍ତ୍ତମାନ ସମସ୍ତ ଆଲୋଚନା ରିପୋର୍ଟ ଓ ସମ୍ଭାବ୍ୟ ଡିଲ୍କୁ ନେଇ ରହିଛି; ମୁମ୍ବାଇ ଇଣ୍ଡିଆନ୍ସ ପକ୍ଷରୁ ହାର୍ଦ୍ଦିକଙ୍କୁ ଟ୍ରେଡ୍ କରିବା ନେଇ ଆନୁଷ୍ଠାନିକ ଘୋଷଣା ହୋଇନାହିଁ।